’n Spesiale bederf vir ons onderwysers

Dinsdag, 27 Oktober, het die VRL ons personeel behoorlik ter viering van Onderwysersdag bederf !

Onderwysersdag herinner ons aan die besondere voorreg om ’n verskil in jongmense se lewens te maak en saam met hulle te groei, te leer en drome te bou.

Colour Run sluit Project Flamingo se fondsinsameling af

Phoenix, Bloemhof se gemeenskapskomitee, het Project Flamingo se fondsinsameling op ’n kleurvolle noot met ’n Colour Run afgesluit. Komitees en leerders is uitgenooi om in spanne van vyf deel te neem, en drie onderwyserspanne het ook die uitdaging aanvaar!

Baie dankie aan almal wat deelgeneem het, asook aan Lira & Fynn en Crisp Procurement vir die pryse wat die oggend nóg meer besonders gemaak het.

Lentetee

Die jaarlikse Lentetee is ’n geliefde Bloemhof-tradisie waartydens ons leerders hul oumas en oupas met ’n gesellige oggendtee bederf. Vanjaar het die graad 8- tot 11-klaskapteine as stylvolle gasvroue opgetree en gesorg vir ’n heerlijke oggend vol lekker kuier, hartlike gesprekke en kosbare oomblikke saam met die grootouers.

Wat ‘n onvergetelike Kersafsluiting

Met groot dankbaarheid het HMS Bloemhof Vrydag tydens ’n besondere Kersafsluiting in die Moederkerk die 2026-skooljaar afgesluit.

Die aansteek van die vyf kerse deur die me. Kritzinger en vier van leerderleiers was weer ’n betekenisvolle oomblik, terwyl die graad 11-leerders die Kersverhaal voorgelees het. Die skool en koor het ook bekende gunstelinge saamgesing en so tot ’n feestelike afsluiting bygedra.

’n Hartlike dankie aan ons hele musiekdepartement vir die toewyding waarmee hulle Bloemhoffers se lewens deur musiek verryk en so ‘n luisterrijke geleenthede moontlik maak.

Atletiek: Curro Podium Suid en Bredasdorp

Ons 38 Bloemhof-atlete het die naweek van 23 Oktober puik by Curro Podium Suid presteer en ’n algehele tweede plek vir die skool behaal. Bea Wium is boonop as die byeenkoms se senior dogterveldatleet aangewys. Baie geluk aan ons atlete met hierdie uitstekende prestasies!

Die Bredasdorp-atletiekbyeenkoms het aan 16 van ons atlete die geleentheid gebied om waardevolle ervaring op te doen en selfvertroue in hul items te bou.

Twee Bloemhoffers het medaljes verower: Mieke Vos het derde in die dogters o.17 hamergooi geëindig, terwyl Corlia van der Merwe ’n tweede plek in die dogters o.14 200 m behaal het.

Waterpolo: Elkanah House & Stayers

Die 2026/2027-waterpoloseisoen het die afgelope naweek afgeskop met ons o.14A- en o.16AB-spanne wat teen HS Elkanah House te staan gekom het. Hoewel albei spanne ongelukkig hul wedstryde verloor het, was dit ’n waardevolle leerervaring en ’n goeie geleentheid om die seisoen aan die gang te kry.

Ons o.19A-span het aan die Stayers-toernooi by Somerset College deelgeneem, waar hulle agt wedstryde gespeel het. Met drie oorwinnings en vyf nederlae het hulle algeheel sesde uit 12 spanne geëindig. Dit is ’n noemenswaardige verbetering op verlede jaar se 10de plek!

Nog ’n hoogtepunt was dat drie spelers van die o.19A-span hul 50ste wedstrydkap behaal het.

Fastest Four-gala

Die swemspan het aan hul laaste gala vir 2026 by Bridge House in Franschhoek deelgeneem.

Die Fastest Four-gala bring die vier vinnigste swemmers in elke slag (vryslag, rugslag, vlinderslag en borsslag) in die o.15- en o.18-ouderdomsgroepe byeen om teen mekaar mee te ding.

HMS Bloemhof het met 106 punt ’n uitstekende derde plek uit nege meisiespanne behaal. Algeheel het die span sesde geëindig van al die deelnemende spanne.

Bloemhof-sanggroep by die Endler

Op 17 Oktober dell die Bloemhof-sanggroep die verhoog met die bekende Duitse koor Essener Domsingknaben en die Stellenbosch University Chamber Choir in die Endler-konsertsaal. Dit was ’n besonderse aand waarin koormusiek en talent saamgevloei het.

Radikale Redenaars

Milan Doncaster het Bloemhof met trots by die Radikale Redenaars se Nasionale Finaal verteenwoordig, waar sy ’n uitstekende tweede plek in die tweetalige afdeling behaal het.

Kwikspar-bederf

Danksy die geskenkbewyse wat Paul Roos Kwikspar aan Huis Bloemhof geskenk het, kon ons matriekdogters ’n lekker koffiebederf geniet. Baie dankie aan Paul Roos Kwikspar vir hierdie mooi gebaar en dat julle ons matrieks se dag ekstra spesiaal gemaak het!

Personeeltee

Huis Bloemhof se kombuisengele is op 28 Oktober bederf met ’n spesiale personeeltee, aangebied deur die HK as ’n opregte dankie vir alles wat hulle elke dag vir die koshuis doen. Die tannies is bederf met heerlike tuisgebakte snoeperye, geskenke en persoonlike briefies waarin die hele koshuis hul waardering uitgespreek het vir die tannies se harde werk, toewyding en omgeeharte. Dit is dikwels die klein, alledaagse dinge wat ’n huis spesiaal maak, en Huis Bloemhof se kombuisengele dra op hul eie manier by tot die warmte en geborgenheid wat die koshuis kenmerk.

Prysuitdeling 2026: ’n Viering van uitnemendheid

Bloemhof se Prysuitdeling 2026 was ’n onvergeetlike aand waarop die veelsydigheid en uitnemendheid van Bloemhoffers gevier is. Van raakrugby en oopwaterswem tot uitsonderlike akademiese prestasies het die wel ter tales, fikses, flukses en musici ons harte met trots gevul.

Mnr. Roos het in sy openingswoord die Christelike grondslag van ons skool beklemtoon, terwyl Me. van Vuuren tydens haar verwelkoming die woorde van James Collins aangehaal het: “Greatness is not a function of circumstance. Greatness, it turns out, is largely a matter of conscious choice and discipline.”

Die Accelerando-koor se roerende lied oor die vele stemme en keuses wat ons beïnvloed, en God as ons redding, het ’n besondere betekenis aan die aand gegee. Daar was ook genoeg humor, met pittige aankondigers en tong-in-die-kies-verwysings na onder meer biathle, wat mos nie tweekamp is nie, die ‘landbouspan’ wat eintlik die landloopspan is, en Engelse afkortings wat Afrikaanse onnies laat sweet.

Die gasspreker, Me. Renate van der Westhuizen, ’n oud-Bloemhoffer, stigtershoof van Apex Eersterivier en tans hoof van skole by Apex Education, het ’n kragtige boodskap gelewer. Sy het leerders aangemoedig om hul voorregte nie bloot te geniet en te aanvaar nie, maar dit doelbewus te gebruik om ’n verskil te maak. Voorregte bied geleenthede, maar bring ook die verantwoordelikheid mee om tyd, gemak en energie in te span om ander se lewens positief te beïnvloed.

Die aand was ’n viering van prestasie, talent en toewyding, maar ook ’n herinnering aan die groter doel waarvoor ons ons geleenthede moet gebruik: om met waardes, dissipline en diensbaarheid ’n verskil in die wêreld te maak.

Uitstapdag 2026: Van wortels tot vlerke

Die Klas van 2026 is gister tydens Uitstapdag gegroet en het vir oulaas as leerders by Bloemhof se skoolhekke uitgestap voordat hulle met hul Nasionale Senior Sertifikaat-eksamen begin.

Toe hierdie leerders in Januarie 2022 as onseker graad 8’s by Bloemhof aangekom het, is drie kerse vir hulle aangesteek. Tydens die kersseremonie op Uitstapdag is ’n kers weer aangesteek, maar dié keer het een liggie baie geword. Dit simboliseer die groei, ontwikkeling en lig wat die matriekleerders oor hul vyf jaar by Bloemhof met mekaar gedeel het.

Nicki Serfontein het ’n selfgeskrewe gedig, Tuingebed vir Bloemhof, voorgelees. Met die tuin as beeld het sy hulde gebring aan die plek waar hulle gewortel het, die mense wat hulle gevorm het en die toekoms waarin elkeen nou gaan groei. Hoewel hul paaie vorentoe verskil, bly hul wortels in dieselfde grond.

Juffrou Joubert, die matrieks se graadhoof, het hulle ook met vyf lewenslesse toegerus vir die pad vorentoe: drink goeie koffie, kies vriende wat jou ondersteun, bly getrou aan jou waardes, onthou om te lag, selfs vir jouself, en weet dat jy nie hierdie pad alleen stap nie. Met Jeremia 29:11 as herinnering het sy hulle aangemoedig om op God se plan vir hul lewens te vertrou.

Ons wens die Klas van 2026 sterkte en voorspoed toe met die eksamen wat voorlê. Mag julle met selfvertroue, dankbaarheid en moed die volgende hoofstuk aanpak.

Graad 11’s neem hul plek as seniors in

Ná Uitstapdag het die graad 11-leerders Vrydag amptelik hul plek as Bloemhof se seniors ingeneem. Volgens tradisie het hulle om die swembad byeengekom, hul graad 8-temalied van 2023 gesing en daarna die water ingevaar.

Hierdie jaarlikse tradisie is ’n besondere mylpaal in hul Bloemhof-reis en die begin van ’n betekenisvolle seniorjaar.

Europa-toer 2026

Twee onderwysers en veertien leerders het gedurende die afgelope vakansie die geleentheid gehad om Europa se ryk kultuur, geskiedenis en besienswaardighede tydens ’n onvergeetlike kultuurtoer te ontdek.

Die toer het ons na verskeie pragtige stede in Italië geneem, waaronder Rome, Florence, Bologna en Venesië. Van die indrukwekkende Colosseum en die geheimsinnige Romeinse “Catacombs” tot Michelangelo se beroemde Dawid-beeld – elke bestemming het nuwe ontdekkings en besondere ervarings gebied. ’n Staptoer deur die romantiese straatjies en kanale van Venesië was beslis een van die hoogtepunte.

In Frankryk het Parys ons met sy unieke bekoring verwelkom, waar die leerders ’n opwindende skattejag deur die stad aangepak het. Geen Europa-toer sou egter volledig wees sonder ’n besoek aan Disneyland Parys nie! Tussendeur is daar natuurlik ook behoorlik inkopies gedoen en talle herinneringe gemaak.

Dit was ’n vakansie propvol avontuur, kultuur, nuwe ervarings en kosbare saamwees. Die toer het nie net ons horisonne verbreed nie, maar ook vir ons herinneringe gegee wat ons nog lank sal koester. Wat ’n voorreg om Europa saam te kon ontdek – ’n waarlik onvergeetlike ervaring!

Oranjerivier: ’n Avontuur om te onthou

Gedurende die September-vakansie het Graad 11- en 12-leerders die Oranjerivier aangedurf vir ’n onvergeetlike avontuur vol roei, kamp en susterskap. Ten spyte van die koue, reën en sand, het hulle saam gelag, uitdagings oorkom en kosbare herinneringe gemaak. Om onder die sterre te slaap en die natuur te ervaar, was ’n besondere hoogtepunt. ’n Spesiale dankie aan Coach King en die personeel wat hierdie ervaring moontlik gemaak het!

Internasionale Eskom Wetenskapkompetisie

Twee Bloemhof-leerders het vanaf 29 September 2026 tot 2 Oktober aan die Internasionale Eskom Wetenskapkompetisie deelgeneem, wat by die Birchwoodhotel

en konferensiesentrum in Johannesburg gehou is. Emma Benden in graad 10 en Annebelle Groenewald in graad 9 is saam met 16 ander leerders gekies om namens die Stellenbosch-streek deel te neem. 324 leerders van regoor die wêreld, onder andere Rusland, Brasilië, Indië, China, Ierland en Lesotho, het teen mekaar meegeding om wonderlike pryse te wen. Daar is twee prysuitdelings gehou: Donderdag, 1 Oktober

is pryse uitgedeel wat deur privaatinstansies geskenk en toegeken word en Vrydag, 2 Oktober is die prysuitdeling gehou waar goud-, silwer- en brons medaljes toegeken is. Emma Benden het ‘n silwermedalje ontvang vir haar projek in Biomediese Wetenskappe, “Beauty under the microscope”, wat handel oor bakterieë wat op grimeringmonsters voorkom en hoe om dit moontlik te behandel of te voorkom. Annebelle het ‘n bronsmedalje ontvang vir haar projek in Omgewingswetenskappe, “Open bank, open invitation”, wat handel oor die probleem van kolganse(indringerspesies) by damme en hoe om dit moontlik teen te kamp. Beide leerders het aangedui dat hulle heel moontlik volgende jaar weer wil deelneem, omdat dit so ‘n verrykende ervaring was, so baie vriendskappe gesmee is en omdat hulle so lekker gebly en geëet het.

Sterk prestasies op twee wiele

Gedurende die naweek van 2 Oktober het Bloemhof se fietsryers ’n besonder suksesvolle naweek beleef en hul talent, spanwerk en deursettingsvermoë op nasionale vlak ten toon gestel.

Tydens die nasionale spanwedren het Lara van der Vyver ’n uitstekende tweede plek behaal, terwyl Abigail Keuler vyfde geëindig het. Isabel Lutz het besondere vasberadenheid getoon toe sy, nadat sy ’n pap band opgetel het, die laaste 3 km moes hardloop om die wedren te voltooi. Sy het 19de geëindig, saam met Klara du Plessis, wat ook 19de geplaas is, en Mienke Kotzé, wat 34ste geëindig het. Bloemhof se meisiespan het vierde geëindig, terwyl die span algeheel die tiende plek behaal het.

Die fietsryers het Saterdag weer goed presteer. Lara het eerste geëindig, gevolg deur Isabel in die vyfde plek en Abigail in die sesde plek. Klara het 16de en Mienke 30ste geëindig.

Lara en Isabel is ook gekies om die Wes-Kaap te verteenwoordig. Die Wes-Kaapspan het die spanwedren gewen, wat ’n verdere hoogtepunt van die naweek was.

Izandri skitter op nasionale vlak

Gedurende die vakansie het Izandri du Toit aan die Nasionale Ritmiese Gimnastiekkompetisie deelgeneem, waar sy ’n indrukwekkende algehele vierde plek in Vlak 7 behaal het.

Izandri het aan die bal-, klubs- en vrye oefeninge deelgeneem en haar talent en toewyding op nasionale vlak ten toon gestel.

Bloemhof wen die La Rochelle-tennistoernooi

Bloemhof se tennisspan het die afgelope naweek aan die La Rochelle-tennisfees deelgeneem en as algehele wenners uit die stryd getree. Hulle het La Rochelle met ’n telling van 54–26 geklop in ’n toernooi waaraan ses skole deelgeneem het, naamlik Bloemhof, La Rochelle, Durbanville, Stellenberg, Hugenote en Hermanus.

Con Spirito debatsfinaal

Op Woensdag en Donderdag 23 en 24 September het die meeste Bloemhoffers reeds gerus of gereis. Drie debatspanne het egter sake in die Con Spirito-kompetisie se finale rondte uitgespook wat in Tulbagh op die Montpellier Landgoed beslis is Sadie Faure en Dania Horn, Faith Boer en Yani van der Merwe, asook Celina Quinot en Emma de Lange het uitstekende toesprake gelewer. Die span van ViaTV het ook Donderdag ’n onderhoud met Celina en Emma gevoer.

Sadie en Dania het die vierde plek landswyd losgepraat. Met afloop van hierdie kompetisie het ons debatsjaar ook nou tot ’n einde gekom. Ons het ’n sukesvolle jaar gehad en is trots op al ons debatteerders wat voortdurend daarna streef om beter en beter te praat.

Oppi Tong Af: Uitmuntende prestasies op nasionale vlak

Vier Bloemhof-redenaars het op 8 Oktober 2026 aan die Oppi Tong Af-nasionale finaal by Trinityhouse in Centurion deelgeneem en met uitstekende prestasies teruggekeer.

Isabella du Toit het die onvoorbereide redenaarsafdeling gewen, terwyl Mikayla Koen as wenner van die voorbereide redenaarsafdeling gekroon is. Jesse Nieman het ’n vyfde plek en Cara du Rand ’n sewende plek in die voorbereide afdeling behaal.

Huis Bloemhof Kersete

Een van die besondere geleenthede op die koshuis se kalender bly die tradisionele Kersete, waartydens Huis Bloemhof op ’n feestelike wyse van die matriekgroep afskeid neem. Die Graad 11-komitee, onder leiding van Yani van der Merwe en Carli Botha, het deur die jaar hard gewerk om fondse in te samel – onder meer met die gewilde koshuissnoepie – en die aand sorgvuldig beplan. Op 8 Oktober het al die Graad 11’s ingespring om die eetsaal in ’n feestelike ruimte te omskep. Die aand was ’n geleentheid om terug te kyk op die matriekgroep se tyd by Huis Bloemhof en stil te staan by die mense en ervarings wat hul koshuisjare gevorm het. Daar was rede tot dankbaarheid, maar ook ’n tikkie heimwee. Wanneer ’n groep dogters ná jare saam hul laaste hoofstuk in die koshuis afsluit, besef ’n mens weer hoe sterk bande kan word en hoe vinnig ’n tydperk verbygaan. Ons stuur die matriekgroep van 2026 met waardering en goeie wense die toekoms in. Mag elkeen die vriendskappe, lesse en herinneringe wat sy hier opgedoen het, saamneem en op haar eie manier verder bou aan dit wat sy by Huis Bloemhof geleer het.

Van die verhoog tot die sportveld, van die debatspodium tot die kampvure langs die Oranjerivier: Bloemhoffers leef voluit en laat hul merk waar hulle ook al gaan. Die prestasies en herinneringe van die afgelope tyd herinner ons daaraan dat Bloemhof veel meer as ’n skool is. Dit is ’n plek waar wortels geskiet, vriendskappe gesmee en drome gevorm word. Terwyl die matriekklas gereed maak vir hul volgende hoofstuk en ander leerders nuwe uitdagings aanpak, bly die gees van Bloemhof ’n gemene draad wat ons saambind. Mag elke Bloemhoffer die geleenthede wat hier gebied word, met dankbaarheid aangryp en dit gebruik om met moed, waardes en uitnemendheid ’n verskil te maak.

VRL-leierskapkamp

Die nuwe VRL het van 2–4 September hul jaar met ’n inspirerende opleidingskamp afgeskop. Die tema was “Slotte en Sleutels” en is die leerders uitgedaag om te dink oor wat hulle potensiaal kan toesluit, maar veral oor die vaardighede en keuses wat dit kan ontsluit. Deur spanbou, ’n skattejag, groepwerk en verskeie opleidingsessies het hulle meer geleer oor selfkennis, temperamente, emosionele intelligensie, goeie kommunikasie en etiket, intensionele rus en waardegedrewe leierskap. Die meisies het ook praktiese “sleutels” tot goeie leierskap ondersoek, waaronder om deur jou voorbeeld te lei, mense raak te sien, betroubaar te wees, goed te kommunikeer en die moed te hê om reg te kies.

Die kamp het egter nie net oor opleiding gegaan nie. Daar was ook genoeg geleentheid om mekaar beter te leer ken, saam te lag, kreatief te wees en as ’n span te groei. Tyd is afgestaan aan die beplanning van die nuwe VRL-termyn en die ontwikkeling van ’n gemeenskaplike missie en visie vir 2026/2027. Die doel van die kamp was om nie bloot goeie taakuitvoerders te ontwikkel nie, maar selfbewuste en verantwoordelike jong leiers wat volgens hul waardes leef, ander mense raaksien en hul invloed gebruik om ook die potensiaal in ander te ontsluit.

Ekonomie Kleinbosch-Kursus

Juf. Matthee en Juf. Kruger het saam met 24 Bloemhof-leerders en 24 Paul Roos-leerders vir ’n vierdaagse kursus, Bou ’n Besigheid, na Kleinbosch in die Paarl gereis. Die vier dae was ’n unieke kombinasie van leer, plaaslewe en ontspanning, waar die leerders die geleentheid gekry het om meer oor entrepreneurskap te leer en hoe om KI te gebruik om hul eie besigheid te begin. Tussen die besigheidsidees en nuwe kennis deur, was daar geleenthede om die plaaslewe te ervaar, van botter maak en koeie melk tot vars lug en ’n bietjie wegkom van die klaskamer. Die leerders het ook lekker saam sport gespeel, met vlugbal, sokker en netbal wat vir heelwat pret en spanbou gesorg het.

LOK Nr. 2

By die tweede LOK, Bloemhof se leierskapsontwikkelingskonferensie, van 2026 het sowat 165 leerders dié geleentheid bygewoon waar leierskap onder die loep geneem is.

Die gasspekers was Me. Coetzee en Alize van Vuuren (Matriek van 2016) het nie net gelei nie, maar ook geïnspireer. Ons weet nou dat leiers in skole nie noodwendig balkies dra nie, maar die mense is war ander se rigting en energie beïnvloed.

Dankie aan ons VRL (verteenwoordigende raad van leerders) wat hierdie aand aangebied het!

’n Aand om te onthou

Die matriekafskeid van 2026 was ’n besondere aand in die Stellenbosch Stadsaal, waar ons matrieks opgedollie het vir ’n onvergeetlike Midwinterbal. Van elegante rokke en netjiese pakke tot glansende dekor en spesiale oomblikke – die aand was gevul met styl, vreugde en baie herinneringe.

Hier is ’n paar van die foto’s wat die atmosfeer en hoogtepunte van die aand vasgevang het.

Nederlandhokkietoer

Ses-en-vyftig spelers het na Nederland vertrek om die Hokkiewêreldbeker by te woon en in en om Amsterdam te oefen en wedstryde te speel.

Die meisies het in Utrecht tuisgegaan en die atmosfeer van die universiteitsstad geniet terwyl hulle die winkels, restaurante en besienswaardighede verken het.

Die spelers het ‘n oefensessie by die Kampong-hokkieklub saam met Nederlandse afrigters geniet en aan ‘n internasionale toernooi van drie dae deelgeneem, waar hulle kragte gemeet het teen klubspanne van Nederland, Engeland en België, asook die o.18- en o.16-spanne van die VSA.

Die drie dae by die Hokkiewêreldbeker in Amstelveen het ingesluit dat hulle wedstryde van Suid-Afrika, Nieu-Seeland, Argentinië, Indië, Skotland en Nederland in ‘n stampvol stadion kon kyk. ‘n Hoogtepunt was om te sien hoe Nederland hul halfeindstryd teen België wen.

Daar was ook tyd vir pret toe die meisies Amsterdam tydens ‘n “Amazing Race”-aktiwiteit verken, die “Holland 5D”-vertoning bygewoon en ‘n bootvaart op die kanale onderneem het. Hulle het ook ‘n dag lank van Amsterdam se sentrale stasie na Zaanse Schans gefietseer – ‘n avontuur op sy eie.

Atletiekkamp 2026

Die atletiekspan het die seisoen afgeskop met ons jaarlikse atletiekkamp!

Skattejag by Coetzenburg was eerste op die program, gevolg deur opwindende spanbouaktiwiteite aangebied deur die VCSC (Verenigende Christen Studente-vereniging van SA). Hierdie jaar het ons op die atletiekveld uitgekamp, en elke atleet het self haar tent opgeslaan.

Die aand het behoorlik kleur gekry met ’n 80’s-partytjie! Met helder kleure, interessante uitrustings en haarstyle het almal hul beste danspassies uitgehaal.

Later die aand is daar malvalekkers gebraai, s’mores gemaak en sommer net lekker om die kampvuur gekuier.

Ons is gereed vir die nuwe seisoen!

Saam gewortel, saam groei ons.

𝗕𝗹𝗼𝗲𝗺𝗵𝗼𝗳 𝗠𝗧𝗕 | 𝗪𝗲𝘀-𝗞𝗮𝗮𝗽-𝗸𝗮𝗺𝗽𝗶𝗼𝗲𝗻𝗲

Bloemhof het die Wes-Kaap Skole-MTB-seisoen as wenners van die Top Schools High School Girls-ranglys afgesluit, met ’n vierde plek op die All Stars – Top Schools-ranglys.

By die laaste wedren op 5 September by Bloemendal het ons ryers sterk presteer:

Junior 18-vroue:
Isabel Lutz (Gr. 12) – 1ste

Youth 16-vroue:
Lara van der Vyver (Gr. 10) – 1ste
Klara du Plessis – 5de

Youth 15-vroue:
Mienke Kotze – 6de
Emma Murray – 11de
Kara Boonzaier – 12de

Isabel en Lara het die seisoen onderskeidelik as leiershemeldraers in hul ouderdomsgroepe afgesluit.

Isabel, Lara, Klara, Abigail Keuler en Mienke is gekies om Bloemhof by die Skole Fietsry SA Nasionale 2026-kompetisie op 2 Oktober by Coetzenburg te verteenwoordig. Isabel en Lara sal die Wes-Kaap ook op 3 Oktober verteenwoordig.

Tennis - Sterk vertonings op die baan

TRIO Meesters-toernooi: Charlotte Bouwer, een van die top agt o.16-dogterspelers op die TSA-ranglys, het in September aan die TRIO Meesters-toernooi in Kaapstad deelgeneem. As eerste gekeurde speler het Charlotte eerste in die rondtalie geëindig en daarna die halfeindstryd gewen om tot die finaal deur te dring. Sy was een stel voor en het met 5–2 voorgeloop, met ’n kampioenskappunt, toe reën die finaal onderbreek het. Ons is baie trots op Charlotte se besondere prestasie.

Affies o.15 Tennistoernooi: Megan Mackie, Annabel Smit, Stella Pansegrouw, Izanne Rust en Julia de Lange het aan die Prestige-toernooi in Pretoria deelgeneem. Die span het tweede in hul groep geëindig en daarna in die kwarteindronde teen ’n sterk Oranje-span te staan gekom. Hulle het uiteindelik agtste uit 16 spanne geëindig en waardevolle ervaring opgedoen.

Maretha Burger o.15 Gemengde Toernooi: Bloemhof se o.15B-span het saam met Paul Roos se o.15B-span aan die toernooi deelgeneem. Die span het eerste in hul groep geëindig nadat hulle teen Paarl Gim o.15B, Hoërskool Durbanville o.15A, HMS/HJS o.15B, Bellville o.15A en Hoërskool Stellenbosch o.15A gewen het. In die finaal het hulle teen die PRG/Rhenish o.15A-span te staan gekom.

Fairmont Top 15

Ons atlete het 18 en 19 September aan die Fairmont Top 15-byeenkoms deelgeneem en sterk teen van die land se beste skole meegeding.

’n Groot dankie aan Winelands Bluestar vir julle waardevolle ondersteuning van HMS Bloemhof se personeeldrag. Ons waardeer julle betrokkenheid en ruimhartigheid opreg. Dankie dat julle saam met ons belê in die mense wat elke dag ons skoolgemeenskap met soveel toewyding ondersteun.

Van Bergkroon tot die silwerskerm, van wetenskap tot sport, Bloemhof is aan die beweeg! Hier is ’n paar van die oomblikke waarop ons met trots terugkyk.

JIP-kamp

Ons jaarlikse JIB-kamp het verlede naweek by Bergkroon in Wellington plaasgevind. Byna 100 leerders het dit bygewoon, waar nuwe vriendskappe gesmee en kosbare herinneringe gemaak is. Dit was ’n heerlike tyd van samesyn, aanbidding en om meer oor die Here se Woord te leer!

Marita van der Vyver kom kuier

Die bekroonde skrywer Marita van der Vyver het onlangs Bloemhof se graad 10- en 11-leerders besoek en met hulle oor haar skryfproses en haar jongste jeugroman, Twee halwes maak ’n hele, gesels.

Marita is pas aangewys as die wenner van Jonathan Ball Uitgewers se Tafelberg Jeugboekprys 2026 in die kategorie fiksie vir tieners en jong volwassenes ouer as 13 jaar. Sy het vertel waar haar idees vandaan komen hoe sy feite en fiksie verweef. Sy het ook waardevolle raad aan voornemende jong skrywers gegee: lees wyd, luister na jongmense en skryf en herskryf totdat jou storie die beste weergawe daarvan is.

Marita het ook oor haar gewilde jeugroman Al wat ek weet gesels, wat eersdaags as ’n rolprent in fliekteaters te sien sal wees. Dit het groot belangstelling onder die leerders gewek en hulle ’n interessante kykie n hoe ’n boek van die bladsy na die grootskerm beweeg gegee.

Leerders het ná die gesprek die geleentheid gehad om van Marita se boeke te koop. Dit was ’n besondere geleentheid om ’n bekende Afrikaanse skrywer van nader te leer ken en meer oor die wêreld agter haar stories te hoor.

SAOU Kongres

Ware leierskap begin wanneer ons die moed het om ’n verskil te maak, net daar waar jy geplant is. Juf. Matthee en Juf. Van der Merwe het die afgelope naweek die SAOU se Damesleierskapseminaar in Gqeberha bygewoon. Die tema van die konferensie was “Waar Moed en Leierskap Ontmoet”. Verskeie inspirerende sprekers het hul toegespreek oor leierskap, persoonlike groei en die belang van vroue in leierskap binne die onderwys. Die naweek was ’n waardevolle geleentheid om te leer, nuwe perspektiewe te ontdek en saam met ander vroue in die onderwys te groei. Daar is iets besonders daaraan om 300 vroue bymekaar te bring met één doel voor oë: om die volgende generasie te inspireer, te bemagtig en toe te rus om met moed hul eie toekoms te vorm.

𝗘𝘀𝗸𝗼𝗺 𝗘𝗸𝘀𝗽𝗼 𝘃𝗶𝗿 𝗝𝗼𝗻𝗴 𝗪𝗲𝘁𝗲𝗻𝘀𝗸𝗮𝗽𝗹𝗶𝗸𝗲𝘀

Bloemhof se Graad 9-leerders het uitstekend gevaar by die Eskom Ekspo vir Jong Wetenskaplikes se streeksuitdun, met 18 projekte en 28 deelnemers wat 2 brons-, 10 silwer- en 6 goue medaljes verower het!

Spesiale geluk aan Elena Lombard en Liike Bekker (Beste Junior Projek – Landbou), Xia du Toit en Kirsten Bouwer(Beste Junior Projek – Dierwetenskappe én Two Oceans Aquarium-spesiale prys) en Annebelle Groenewald (Beste Junior Projek – Omgewingswetenskappe).

’n Besonderse gelukwensing aan Annebelle Groenewald en Emma Benden, wat na die nasionale finaal deurgedring het!

Huis Bloemhof bederf haar koshuis-engele

Ter viering van Vrouemaand het die nuwe HK van Huis Bloemhof ons wonderlike koshuisengele Vrydag tydens pouse met ’n spesiale Paint and Sip en ‘n pamperlang-pakkie bederf. Dié vrolike geleentheid was ’n klein manier om dankie te sê vir die groot rol wat hierdie besondere vroue elke dag in die koshuis speel.

𝗕𝗹𝗼𝗲𝗺𝗵𝗼𝗳 𝗶𝗻 𝗱𝗶𝗲 𝗞𝗼𝗹𝗹𝗶𝗴 𝗯𝘆 𝗔𝗧𝗞𝗩-𝗧𝗶𝗲𝗻𝗲𝗿𝘁𝗼𝗻𝗲𝗲𝗹

Bloemhof se twee produksies, Surprise, Poplap! en Die Republiek van Môre, het onlangs aan die ATKV-Tienertoneel Wes-Kaap-Streeksfees by die Baxter Teater deelgeneem.

Surprise, Poplap! het 8 goud-, 9 silwer- en 1 bronssertifikaat verwerf en tot die Streeksfinaal deurgedring. Mia Duvenhage is daar aangewys as Beste Aktrise in ’n Hoofrol vir haar vertolking van Tannie Ronél. Die produksie het ook verskeie benoemings ontvang.

Die Republiek van Môre het 2 goud-, 7 silwer- en 2 bronssertifikate verwerf, met Grete Spruyt en Marlene du Toit wat goud ontvang het. Albei is ook vir hul onderskeie kategorieë in die streeksfinaal benoem.

Ons is dankbaar vir die toekennings en opgewonde daaroor dat Tienertoneel ’n plek is waar Bloemhof se toneelkultuur groei, leerders saam skep en lewenslange vriendskappe gevorm word. Ons is trots op elke leerder wat met passie, moed en toewyding die verhoog betree!

𝗩𝗮𝗻 𝗕𝗹𝗼𝗲𝗺𝗵𝗼𝗳 𝗻𝗮 𝗱𝗶𝗲 𝗦𝗶𝗹𝘄𝗲𝗿𝘀𝗸𝗲𝗿𝗺𝗳𝗲𝗲𝘀!

Chrystal Conradie het die bekendstelling van Invisible, die nuwe kykNET-reeks gegrond op ’n verhaal deur Deon Meyer, by die kykNET Silwerskermfees bygewoon.

Chrystal vertolk die rol van die jong Emma in die reeks, wat in Oktober op kykNET te sien sal wees. Sy het ook die geleentheid gehad om haar boek deur Deon Meyer self te laat teken!

4M Landloop

Die 4M-landloopbyeenkoms is vanjaar deur Bloemhof en Rhenish by die pragtige Blaauwklippen aangebied.

Ons seniors het ’n sterk tweede plek behaal, terwyl die juniors derde geëindig het.

Seniors:

1. Rhenish – 17

2. Bloemhof – 29

3. La Rochelle – 45

4. Paarl Girls’ High – 54

Juniors:

1. La Rochelle – 21

2. Paarl Girls’ High – 24

3. Bloemhof – 33

4. Rhenish – 85

Sien hier die volledige uitslae.

𝗕𝗹𝗼𝗲𝗺𝗵𝗼𝗳 𝘁𝗿𝗮𝗽 𝘀𝘁𝗲𝗲𝗱𝘀 𝘃𝗼𝗼𝗿

Na afloop van die vierde Wes-Kaap Skole MTB-resies behou Bloemhof die eerste plek op die Top Schools Girls/Women-ranglys en ’n indrukwekkende vierde plek op die All Stars-ranglys.

By die resies op 22 Augustus in Malmesbury het Lara van der Vyver (Gr. 10) die Youth 16 Women-afdeling gewen, terwyl Isabel Lutz (Gr. 12) derde in Junior 18 Women geëindig het. Albei behou hul leaders jerseys.

Ander uitslae:

• Klara du Plessis – 4de, Youth 16

• Mia Gerber – 5de, Junior 18

• Kara Boonzaier – 12de, Youth 15

• Mienke Kotze – 16de, Youth 15

Die laaste resies, met die oog op kwalifikasie vir die Nasionale Skole MTB-kompetisie op 3 Oktober by Coetzenburg, vind 5 September by Bloemendal plaas.

En dit is maar net ’n blik op wat by Bloemhof gebeur! Mag die laaste paar weke van die kwartaal net soveel energie, groei en mooi oomblikke bring!

Matriektee 2026

Die Bloemhofbond het ons Matrieks van 2026 op 24 Julie weer op tradisionele wyse met die jaarlikse Matriektee bederf – een van die hoogtepunte op die matriekjaarkalender.

Ons was bevoorreg om oudleerder en nuutverkose Bloemhofbond-bestuurslid, me. Juliana van der Merwe (2015), as gasspreker te verwelkom. Haar inspirerende boodskap het die oggend besonders gemaak.

Onthulling van Die Bloemhoffer-gedenkplaak

Tydens die onthulling van die Die Bloemhoffer-gedenkplaak op 25 Julie het ons die Klas van 2025, die Bloemhofbond en al ons donateurs bedank vir hul bydrae tot die verwesenliking van HMS Bloemhof se ikoniese bronsbeeld.

Die tien hoofdonateurs het elk ’n replika van die beeld ontvang as blyk van waardering. Ons opregte dank aan elkeen wat hierdie besondere nalatenskap moontlik gemaak het. Die Bloemhoffer bly ’n trotse simbool van Bloemhof se geskiedenis, waardes en dankbaarheidsvreugde.

Project Flamingo bring Bloemhoffers in beweging

As deel van Project Flamingo se All Girls’ Schools Challenge 2026 het Bloemhof ‘n borskankerbewusmaking en fondsinsameling op ‘n besonderse manier aangepak.

Borskankeroorwinnaar, Anishka le Roux, het die leerders met haar inspirerende verhaal toegespreek en die belangrike werk van Project Flamingo onder almal se aandag gebring. Sy het die leerders aangemoedig om met hoop, empatie en moed na die wêreld te kyk. Daarna het Bloemhoffers behoorlik met ‘n civviedag ten bate van dié organisasie ingekoop.

Die fondsinsameling het ook ‘n gesonde dosis kompetisie onder die klasse ontketen. Hul het meegeding om te sien wie die meeste geld kan insamel. Die wenklas sal met ‘n pizzapartytjie beloon word.

Die personeel het hul ondersteuning gewys deur op Maandag 27 Julie pienk aan te trek en die hele week daarna pienk flamingo haarbande te dra – sommige selfs op die netbalbaan en tydens oueraand! Intussen is Flam, ons Flamingo gelukbringer, steeds in die gange en sportveld om ons te herinner aan die verskil wat ons kan maak.

‘n Groot dankie aan die volgende borge vir die wonderlike pryse wat hul aan ons opvoeders en gr 12.33 gemaak het. Julle ondersteuning het ons opvoeders gemotiveer om die hele week met trots hul Flamingo haarbande te dra en sodoende leerders te motiveer om ‘n bydrae vir die projek te maak.

Borge:

Nooitgedacht Estate, ISA Carstens Welness Sanctuary, House of Hair, Eerstekafee en Grase+co

VRL en HK 2027 aangekondig

Die Leerderraad (VRL) en Huiskomitee (HK) vir 2027 is amptelik aangekondig. Baie geluk aan al die leerders wat verkies is om in die komende jaar leiding te neem en die Bloemhofgemeenskap te dien.

Tydens die Leierinhuldigingseremonie is Nichola Pienaar as HMS Bloemhof se hoofdogter vir 2026/27 aangewys, met Danielle Le Hanie as onderhoofdogter. Martelize Geduldt is as koshuishoofdogter van Huis Bloemhof aangewys, met Nichola Pienaar as onderhoofdogter.

Pryswenners by Stellenbosch Eisteddfod se Pryswennerkonsert

Bloemhofleerders en -ensembles is tydens die Stellenbosch Eisteddfod se Pryswennerskonsert met verskeie gesogte toekennings vereer.

• Chloe Booyens – Stellenbosch Eisteddfodmedalje vir Beste Deelnemer (17-18 jaar): Kontemporêre Kitaar

• Julienne Theron en Marinell Wolmarans – Bessie van Brakel-wisseltrofee vir Senior Klavierduet

• Isabella du Toit, Isabel Hanekom, Mia Retief en Riana Vermeulen – CGW Schumann-beker vir die Beste Twee Klavierwerke van alle ouderdomme

• Zea Plekker – Stellenbosch Eisteddfodmedalje vir Senior Sangduet

• Lara van Niekerk – Stellenbosch Eisteddfodmedalje vir Kunslied (Ander Tale)

• Bloemhof se A cappella-groep – Elise Coetzee-beker vir Hoërskool Dogterskoor

Bloemhof Musiekkonsert 2026

Op Woensdag 5 Augustus het Bloemhof se jaarlikse Musiekkonsert ’n verskeidenheid van die skool se musikale talent ten toon gestel. Soliste, ensembles, sangers, instrumentaliste, die koor, sanggroep en blaasensemble het ’n aand van uiteenlopende en uitstekende musiek aangebied.

ATKV-Debat Landsfinaal 2026

Kaylie Herbst en Celina Quinot het HMS Bloemhof op 3 Augustus by die ATKV-Debat Landsfinaal by ATKV-Klein-Kariba in Bela-Bela verteenwoordig.

Hulle het teen die land se topdebatspanne meegeding en ’n vierde plek in Suid-Afrika behaal

Con Spirito-finaal

Drie van ons senior debatspanne het deurgedring na die finale rondte van die Con Spirito-debatkompetisie, wat op 23 en 24 September in Tulbagh plaasvind.

ATKV-Redenaarsfinaal

Mikayla Koen het aan die ATKV-Redenaars Nasionale Finaal deelgeneem en ’n 15de plek nasionaal behaal.

’n Hoë noot vir ons graad 12’s

Op 17 Augustus is die koorjaar op ’n hoë noot afgesluit tydens ’n spesiale uittekenseremonie vir die graad 12-leerders. As simbool van hul tyd in die koor wat tot ’n einde kom, het die matrieks amptelik uitgeteken.

Erkenning is ook gegee aan leerders vir hul deelname aan die vele kooroptredes tydens hul hoërskoolloopbaan.

Meer as 40 optredes: Leelah Sykstus

Meer as 50 optredes: Chanika Arnolds, Chloe Booyens, Elizabeth Burger, Carla de Jager, Ana de Kock, Tertia du Plessis, Mia Gerber, Melindie Horn, Leané Rolfe, Danika Smit, Janka Strauss, Linda Toerien, Liané van Hoogstraten, Miné Venter en Jana Vorster.

Bloemhof-toneel blink uit by toneelfeeste

Bloemhof se toneeldepartement het onlangs uitstekende resultate by die Fraserburg Logan Toneelfees, Pronk Podium, Teater Makers Fees en Klein Libertas Toneelfees behaal. Twee produksies het Bloemhof verteenwoordig: Surprise, Poplap! en Die Republiek van Môre.

Surprise, Poplap!

Fraserburg Logan Toneelfees

Toekennings:

• Beste Ensemble

• Beste Aktrise – Mia Liese Duvenhage

Nominasies:

• Beste Aktrise – Mikayla Koen

• Beste Regisseur – me. Dinie Basson

• Beste Produksie

Pronk Podium

Silwer sertifikate:

• Regie

• Teks

• Ensemble

• Stelontwerp

• Plakkaat

• Kostuums

• Individuele spel – Mia Duvenhage, Mikayla Koen en Iza Janse van Rensburg

Brons sertifikate:

• Klankontwerp

• Klankoperateur

• Beligtingsontwerp

• Beligtingsoperateur

• Verhoogbestuur

• Grimering

Teater Makers Fees

Toekennings:

• Beste Teaterervaring

• Beste Aktrise in ’n Kamee-rol – Reagan Roodt

• Beste Ensemble

Nominasies:

• Beste Aktrise in ’n Ondersteunende Rol – Iza Janse van Rensburg

• Beste Aktrise – Mikayla Koen

• Beste Aktrise – Mia Duvenhage

Klein Libertas Toneelfees

Nominasie:

• Beste Aktrise – Mia Duvenhage

Die Republiek van Môre

Fraserburg Logan Toneelfees

Toekennings:

• Beste Produksie

• Beste Regisseur – Liané van Zyl

• Pieter Fourie-prys vir ’n uitmuntende teaterervaring

• Beste Nuutgeskrewe Teks – Liané van Zyl

Nominasies:

• Beste Ensemble

• Beste Aktrise – Tiné van Loggerenberg

• Beste Byspelende Aktrise – Isabella van Zyl

• Beste Tegniese Versorging – Marlene du Toit en Sonja Swanepoel

Pronk Podium

Silwer sertifikate:

• Teks

• Regie

• Ensemble

• Kostuums

• Verhoogbestuur

• Beligtingsontwerp

• Beligtingsoperateur

• Individuele spel – Nina Grobbelaar, Tiné van Loggerenberg, Liané van Zyl en Isabella van Zyl

Brons sertifikate:

• Joernaliste-ensemble

• Klankontwerp

• Klankoperateur

• Stel

• Beligting

Die produksie het ook tot die semi-finaal deurgedring.

Teater Makers Fees

• Beste Volgehoue Fokus – Lian Winckler

• Beste Konsep – Liané van Zyl

• Beste Beligtingsoperateur – Marlene du Toit

Klein Libertas Toneelfees

Toekennings:

• Beste Nuutgeskrewe Teks – Liané van Zyl

• Beste Akteur – Lian Winkler

Nominasies:

• Beste Aktrise – Tiné van Loggerenberg

• Beste Ondersteunende Aktrise – Nina Grobbelaar

• Beste Ensemble

• Beste Klankoperateur – Sonje Swanepoel

• Beste Beligtingsoperateur – Marlene du Toit

• Beste Produksie

Boland Landloop

Vier Bloemhof-atlete het tydens die Boland Landloopkampioenskappe podiumplekke behaal en is vir die Boland Landloopspan gekies:

• Abigail Keuler (o.15) – 1ste plek

• Katerien Fourie (o.16) – 2de plek

• Gizé Strydom (o.16) – 5de plek

• Mila de Jager (o.17) – 1ste plek

o.19A Menlo-tennistoernooi

Ons o.19A-tennisspan het die Menlo-tennistoernooi gewen! Ná ’n indrukwekkende toernooi het die span die finaal teen Paarl Gimnasium gewen en is hulle as toernooiwenners gekroon.

Hokkiespanne blink uit by toptoernooie

Bloemhof se hokkiespanne het die afgelope naweek aan drie van Suid-Afrika se voorste skolehokkietoernooie deelgeneem en uitstekende uitslae behaal.

Die o.19A-span het tweede geëindig by die Challengers Cup in die Paarl, terwyl die o.16A-span sesde geëindig het by die Top Skole-toernooi by Paarl Gimnasium.

Die o.14A-span het hul veldtog by die Top Skole-toernooi, aangebied deur Rhenish Girls’ High School, met ’n tweede plek afgesluit.

Individuele erkenning het ook gevolg: Kaylin Hannekom (o.14) is as midveldspeler van die toernooi aangewys, terwyl Bea van den Berg (o.19) as doelskieter van die toernooi aangewys is.

Vier weke is verby, maar die kwartaal is nog lank nie klaar nie! Met soveel wat reeds gebeur het, sien ons uit na nog ’n kwartaal vol geleenthede, prestasies en Bloemhof-oomblikke.

Wat ’n ongelooflike Interskole-naweek! Van die eerste swem- en tennisballe tot die laaste netbal- en hokkiewedstryde het ons leerders, personeel en ondersteuners met trots, passie en Bloemhof-gees deelgeneem.

Baie dankie aan elke leerder, afrigter, onderwyser, ouer, ondersteuner en vrywilliger wat bygedra het tot ’n onvergeetlike Interskole. Ons is trots op elke Bloemhoffer!

Welkom Oranje

Oranje het Donderdag ná 12 ure op die bus gearriveer – met groot glimlagte en sommer baie opgewondenheid vir Interskole 2026!

Swemuitslae

Die Interskole-swemgala het afgeskop met Paul Roos en Bloemhof wat kragte gemeet het teen Grey en Oranje. Bloemhof het met 298 punte afgesluit, terwyl Oranje die dag met 369 punte gewen het.

Tennisuitslae

Ons tennisspanne het Donderdag die bane betree met goeie gees en vasberadenheid. Die o.19B-span het ’n sterk oorwinning van 8–4 behaal, terwyl die o.15A-span met 4–8 en die o.15B-span met 3–9 verloor het. Vrydag het ons o.19A-tennisspan die baan betree en met ’n indrukwekkende 10–2-oorwinning weggestap.

Skaakuitslae

Ons skaakspan het Donderdag behoorlik skoonskip gemaak en Oranje met ’n indrukwekkende 7–0 oorwinning geklop!

Debatuitslae

Op die verhoog het ons junior- én senior-debatspan hul staal gewys en albei spanne het die oorwinning behaal.

Kultuuroggend

Vrydagoggend het ons die verhoog laat lewe met ’n heerlike kultuuroggend vol talent en vermaak. Van pragtige koorsang tot energieke dans het ons leerders hul passie en kreatiwiteit ten toon gestel.

Landloopuitslae

Ons landloopspan het Vrydag sterk meegeding en ’n uitstekende oorwinning vir Bloemhof behaal! HMS Bloemhof het 129 punte aangeteken teenoor Oranje se 80 punte.

Hokkieuitslae

Oranje se o.19A-span het Bloemhof met 5–0 geklop. Ons ander hokkiespanne het ook hul wedstryde met groot gees en vasberadenheid aangepak.

Netbaluitslae

Ons o.18A-netbalspan het Saterdag ’n spannende wedstryd gespeel en met ’n 24–24-gelykopuitslag teen Oranje afgesluit. Ons netbalspanne het die baan met groot gees, vasberadenheid en trots betree en elke wedstryd met volle oorgawe aangepak. Sien die volledige netbaluitslae hieronder.

Tot volgende jaar, Oranje! Dankie vir ’n onvergeetlike Interskole 2026. Ons sien julle volgende jaar in Bloemfontein!

Dankie aan ons borg, BASE

Interskole 2026 is vanjaar met die waardevolle ondersteuning van BASE moontlik gemaak. Baie dankie aan BASE vir julle betrokkenheid, ondersteuning en bydrae tot ’n onvergeetlike Interskole-naweek. Ons waardeer julle vennootskap en die rol wat julle speel om hierdie besondere geleentheid moontlik te maak.

Netbal op nasionalevlak

Alet Louw (o.16) en Lisa Steenkamp (o.17) is gedurende die vakansie in die SA Skole Netbal Top 35-oefengroepe opgeneem en het aan die finale proewe deelgeneem.

Tachin Adams en Isela Coetzee het aan die Telkom Netbalkampioenskappe in Boksburg deelgeneem. Tachin is as kaptein van die o.19B CTNF-span aangewys, terwyl Isela as onderkaptein van die o.19A CTNF-span gedien het.

Hokkiehoogtepunte

Klara-Lea Basson het Boland by die o.16 IPT Provinsiale Toernooi verteenwoordig en is gedurende die toernooi vir die SA o.16B-hokkiespan gekies.

Nina Swanepoel het as kaptein, haar o.14B-Bolandhokkiespan na ‘n toernooi-oorwinning gelei en is as Speler van die Toernooi aangewys.

Op internasionale krieketverhoog

Melissa van der Merwe het saam met die Suid-Afrikaanse o.19-vrouekrieketspan aan ‘n Youth T20 Internasionale toer in Pakistan deelgeneem. Die toer het as voorbereiding vir die ICC o.19 Vroue T20 Wêreldbeker 2027 gedien.

Gimnastiek oorsee

Danae Storm het aan die USAIGC (United States of America International Gymnastics Competition) in Orlando, Florida deelgeneem. Sy het ‘n algehele sewende plek behaal en ‘n bronsmedalje op die balk gewen.

Moderne driekamp-prestasies

Elrie het die Wes-Kaap by die Suid-Afrikaanse Kampioenskappe in Pietermaritzburg verteenwoordig en die volgende uitslae behaal:

• Laser Run: 5de plek

• Triathle: 7de plek

• Biathle: 21ste plek

In die saal

Ella Loubser, Annabel Smit en Nina Smith is vir die Winelands Distrik-ruiterspan gekies en het gekwalifiseer om aan die SANESA Regional-kampioenskappe deel te neem.

Bergfietssukses

Lara van der Vyver het aan die derde rondte van die SA Bergfiets XCC- en XCO-kampioenskappe in Pietermaritzburg deelgeneem. Sy het ‘n derde plek in die XCC behaal en die XCO-wedren gewen.

Proteakleure onder water

Karla Kieviet het Suid-Afrika as lid van die o.19 Protea-onderwaterhokkiespan in Turkye verteenwoordig en gedurende die tyd ook haar Protea-baadjie ontvang.

Op die kleinskerm

Chrystal Conradie het die rol van die jong Emma vertolk in terugflitse van die internasionale dramareeks Invisible, gebaseer op Deon Meyer se Blood Safari.

Musiek op internasionale verhoog

Rebecca Briggs (tjello) en Isabelle Mouton (viool) het gedurende die Julievakansie aan die Stellenbosch International Chamber Music Festival deelgeneem. Hulle het meestersklasse bygewoon, intensief gerepeteer en saam met ander jong musikante in die Endlersaal opgetree.

Toneelproduksies

Surprise, Poplap!

Teks en regie: Dinie Basson (personeel)

Surprise, Poplap! is ‘n satiriese donker komedie wat tydens ‘n oënskynlik tradisionele kombuistee afspeel. Soos die viering ontvou, begin die druk, verwagtinge en mites rondom liefde, vrouwees en die huwelik na vore kom. Die produksie bied ‘n skerp en relevante blik op moderne Afrikaanse vrouwees.

Die Republiek van Môre

Teks en regie: Liané van Zyl (matriekleerder)

Die Republiek van Môre is ‘n satire met invloede uit die Teater van die Absurde. Deur die verhaal van die fiktiewe eilandstaat Goya word temas soos politieke mag, korrupsie en ekonomiese wanbestuur ondersoek. Met humor, poësie en skerp sosiale kommentaar bevraagteken die stuk of verandering werklik moontlik is.

HMS Bloemhof Musiekkonsert

Die HMS Bloemhof Musiekkonsert vind op 5 Augustus om 18:30 in die Bloemhof-skoolsaal plaas en bied ‘n geleentheid om ‘n verskeidenheid van die skool se musikale talent te beleef.

Kaartjies

Wintersweek 2026

Die opwinding bou op vir Bloemhof se jaarlikse Wintersweek, propvol tradisies, geesbou en aktiwiteite.

Wintersweek-program

Bloemhoffers het gedurende die vakansie op talle terreine hul merk gemaak en die skool se naam met trots op plaaslike, nasionale en internasionale platforms verteenwoordig.

Hierdie uitgawe van Brokkies getuig van ’n skoolgemeenskap wat floreer. Ons leerders het nie net indrukwekkende prestasies op provinsiale en nasionale vlak behaal nie, maar ook mekaar ondersteun, nuwe uitdagings aangepak en die waardes van Bloemhof daagliks uitgeleef. Selfs te midde van eksamens en ’n besige program was daar ruimte vir omgee, soos die besoek van die viervoetige vriende van Pets as Therapy South Africa wat ’n welkome dosis vreugde en kalmte na ons kampus gebring het.

Terwyl ons die kwartaal afsluit, vier ons die vele hoogtepunte wat in die bladsye volg. Baie geluk aan elke leerder, afrigter, onderwyser en ondersteuner wat bygedra het tot hierdie suksesvolle kwartaal. Julle maak ons trots om deel van die Bloemhof-familie te wees.

Die eksamen is verby! Wat nou?

Viervoetige vriende bring verligting in eksamentyd

Op 10 Junie het die vriendelike viervoetige besoekers van Pets as Therapy South Africa by Huis Bloemhof kom kuier en vir ‘n rukkie die eksamenspanning laat verdwyn.

Vir ‘n paar kosbare oomblikke het leerders hul boeke neergesit en onderwysers hul rooipenne laat rus, terwyl die liefdevolle woefies vreugde, kalmte en baie glimlagte oral versprei het. Tussen die eksamendruk deur was hierdie besoek ‘n welkome herinnering dat ‘n sagte poot, ‘n nat neus en ‘n kwispelende stert soms al is wat jy nodig het om weer moed te skep.

Dit was ’n besonder besige en suksesvolle kwartaal vir Bloemhof se kultuurleerders. Deur deelname aan orkeste, eisteddfods, eksamens, kompetisies en uitvoeringsgeleenthede het hulle hul talente met trots uitgeleef en indrukwekkende resultate behaal. Ons wens elke leerder geluk met hul harde werk en deel graag die volgende prestaties van die kwartaal.

Musiek

Stellenbosch Jeugorkes

Bloemhof is besonder trots op die leerders wat vanjaar tot die gesogte Stellenbosch Jeugorkes verkies is. Hierdie prestasie getuig van jare se toegewyde oefening, musikale uitnemendheid en ’n passie vir ensemblemusiek. Om deel van hierdie orkes te wees, bied leerders die geleentheid om saam met talentvolle jong musikante van regoor die streek op te tree en hul musikale vaardighede verder te ontwikkel.

Stellenbosch Eisteddfod

Bloemhof se musiekleerders het weer vanjaar uitstekend gevaar tydens die Stellenbosch Eisteddfod. Met ’n totaal van 39 inskrywings het ons leerders 13 Cum Laude-, 12 Goud Plus-, 13 Goud-, drie Silwer Plus- en twee Silwer-toekennings verwerf. Veral indrukwekkend is die 25 prestasies op Cum Laude- en Goud Plus-vlak. Die volgende leerders het deelgeneem aan een of meer items:

Individuele musiekprestasies

Baie geluk aan Rebecca Briggs (graad 11), wat ’n eervolle vermelding ontvang het vir haar ABRSM Graad 7 Tjello-eksamen. Hierdie prestasie getuig van haar deursettingsvermoë en toewyding aan haar instrument.

Ons wens ook vir Faith Boer (graad 11) geluk met haar uitsonderlike prestasie as senior-wenner van die Hugo Lambrechts Klarinetkompetisie. Hierdie toekenning plaas haar onder die voorste jong klarinettiste in die streek en is ’n besondere erkenning van haar talent en harde werk.

Drama

Bloemhof se dramaleerders het met selfvertroue en kreatiwiteit aan die Stellenbosch Eisteddfod deelgeneem en uitstekende resultate behaal. Van poësie en prosa tot dialoog en dramatiese uittreksels het ons leerders hul vermoë om stories en karakters tot lewe te bring, ten toon gestel. Hierdie prestasies getuig van hul talent, voorbereiding en liefde vir die uitvoerende kunste.

Dans

Ons dansleerders het voortgegaan om op nasionale en streeksvlak uitnemend te presteer. Deur hul deelname aan internasionaal erkende eksamens en kompetisies het hulle nie net tegniese vaardigheid nie, maar ook toewyding, dissipline en artistieke uitdrukking gedemonstreer. Ons is trots op hierdie prestasies wat die hoë gehalte van dansopleiding en die deursettingsvermoë van ons leerders weerspieël. Baie geluk aan elke danser wat Bloemhof met onderskeiding verteenwoordig het.

Redenaars maak hul merk op nasionale vlak

Bloemhof se redenaars het vanjaar uitstekende prestasies behaal en sal later vanjaar die skool se naam op nasionale vlak verteenwoordig.

ATKV-Redenaars Nasionale Finaal

Ons vier met groot opgewondenheid die prestasie van Mikayla Koen, ‘n Graad 10-leerder, wat deurgedring het na die nasionale finaal van die ATKV-Redenaars.

Die ATKV-Redenaarskompetisie bied jaarliks aan leerders die geleentheid om hul denkvermoë, kommunikasievaardighede en selfvertroue op die verhoog ten toon te stel. Ná ‘n reeks sterk optredes het Mikayla haar plek tussen die land se top-redenaars verseker en sal sy op 4 en 5 Augustus by ATKV-Klein-Kariba aan die nasionale rondte deelneem.

Oppi Tong Af-finaliste

Bloemhof se sukses strek egter verder as een kompetisie. Die uitslae van die Oppi Tong Af-kompetisie is onlangs bekend gemaak, en ons is besonder trots dat vier Bloemhoffers deurgedring het na die nasionale finaal.

Hierdie leerders sal van 8 tot 10 Oktober in Centurion aan die finale rondes deelneem.

Debatteerders presteer op provinsiale en nasionale vlak

Bloemhof se debatteerders bly van krag tot krag gaan en het die afgelope tyd uitstekende prestasies behaal op beide provinsiale en nasionale vlak.

ATKV-Debat: plek in die landsfinaal

Met groot opgewondenheid vier ons die prestasie van Kaylie Herbst en Celina Quinot, wat deurgedring het na die landsfinaal van die ATKV-Debat.

Ná ‘n indrukwekkende vertoning in die semi-finale ronde het hulle hul plek onder die Top 5 debatspanne in die Wes-Kaap verseker. Hierdie prestasie getuig van hul deeglike voorbereiding, kritiese denke en vermoë om met selfvertroue en oortuiging standpunt in te neem. Die twee debatteerders sal op 3 Augustus by ATKV-Klein-Kariba in Bela-Bela aan die landsfinaal deelneem, waar hulle teen die beste jong debateerders in die land sal meeding.

Con Spirito: sewe spanne na die semi-finaal

Bloemhof se sukses op die debatvloer strek egter verder as die ATKV-kompetisie. Tydens die Con Spirito-rondtes het ons debatteerders weereens hul staal gewys, met sewe spanne wat hul plek in die semi-finale ronde bespreek het.

Die semi-finale rondte vind op 30 en 31 Julie by Paul Roos Gimnasium plaas.

Bloemhof se verhoog bruis van nuwe talent!

Volgende kwartaal bring Bloemhof se Dramadepartement twee oorspronklike produksies na die verhoog – elk met ’n unieke stem, vars perspektief en skerp kommentaar op die wêreld om ons.

Surprise, Poplap!

Teks en regie: Dinie Basson (onderwyser)

Wat begin as ’n tradisionele kombuistee vir die jong bruid, Poplap, ontaard geleidelik in iets veel donkerder. Tussen ongemaklike grappies, goedbedoelde raad en botsende persoonlikhede word vrae gevra oor vrouwees, liefde, seksualiteit en die verwagtinge wat die samelewing op jong vroue plaas.

Surprise, Poplap! is ’n satiriese donker komedie wat tradisie en moderne idees teenoor mekaar plaas en ’n skerp, herkenbare blik werp op die uitdagings van moderne Afrikaanse vrouwees.

Die Republiek van Môre

Teks en regie: Liané van Zyl (matriekleerder)

Welkom in Goya – ’n land waar die president nog sy duim suig, staatsgeld in buffels belê word en kritiese joernaliste as “stout” verklaar word. Deur satire en die invloed van die Teater van die Absurde ondersoek hierdie oorspronklike produksie temas soos politieke mag, korrupsie en ekonomiese wanbestuur.

Met slim humor, donker poësie en verrassende intertekstuele verwysings vra Die Republiek van Môre ’n ontstellende vraag: Het iets werklik verander?

Ons sien daarna uit om hierdie twee opwindende nuwe werke met ons Bloemhof-gemeenskap te deel. Hou Brokkies en ons sosialemediaplatforms dop vir kaartjie-inligting en opvoeringsdatums.

Kom ondersteun ons jong kunstenaars en ervaar teater wat laat lag, laat dink en lank ná die laaste buiging by jou bly.

Netbalspanne skitter by Wes-Kaapse kampioenskappe

Bloemhof se netbalspanne het gedurende Junie hul staal op provinsiale vlak gewys en met trots die skool se naam hoog gehou tydens die onderskeie Wes-Kaapse kampioenskappe.

o.14A bereik kwarteindstryd

Die o.14A-netbalspan het op 6 Junie aan die Wes-Kaap Netbalkampioenskap deelgeneem. Die span het deurgaans goeie netbal gespeel en hul plek in die kwarteindstryd verdien, waar hulle in ‘n spannende wedstryd met 8–10 teen Durbanville vasgeval het.

o.15A onder die beste ses in die Wes-Kaap

Die o.15A-netbalspan het op 20 Junie aan die Kay Motsepe Wes-Kaap Kampioenskap deelgeneem en weereens bewys waarom hulle onder die sterkste spanne in die provinsie gereken word.

Die span het deur die dag uitstekende netbal gespeel en hul plek in die finale uitspeelronde verseker. In ‘n naelbytstryd teen Paarl Gimnasium het die dogters met 16–18 vasgeval, maar hul prestasie was genoeg om hulle onder die Top 6 skole in die Wes-Kaap te plaas.

Hierdie uitslag is ‘n besondere prestasie en weerspieël die talent, dissipline en spanwerk wat kenmerkend van Bloemhof-netbal is.

Terwyl die skoolhekke vir ’n paar weke sluit, kan ons met dankbaarheid terugkyk op ’n kwartaal vol groei, prestasies en besondere herinneringe. Of dit nou in die klaskamer, op die sportveld, op die verhoog of in die gemeenskap was – Bloemhoffers het hul stempel afgedruk en ons skool se naam met trots uitgedra.

Ons wens elke leerder, ouer en personeellid ’n welverdiende vakansie toe. Mag dit ’n tyd van rus, herlaai en kwaliteittyd saam met familie en vriende wees.

Geniet die wintervakansie, reis veilig en kom volgende kwartaal terug met nuwe energie vir die opwindende geleenthede wat voorlê. Ons sien daarna uit om die volgende hoofstuk saam met julle te skryf.

Civviedag – Bloemhof gee om

Vrydag, 22 Mei, se Civviedag was nóg ’n bewys van die groot harte by Bloemhof Meisieskool. Leerders en personeel het hul skooldrag vir die dag verruil om ondersteuning te wys vir twee besondere organisasies: Reach For A Dream Foundation en Die Herberg Kinderhuis.

Deur saam deel te neem aan die Civviedag, het die Bloemhoffamilie nie net fondse ingesamel nie, maar ook hoop, omgee en ondersteuning aan kinders in nood gewys.

Dankie aan elke leerder, ouer en personeellid wat bygedra het om van die dag ’n sukses te maak. ’n Fantastiese bedrag van R15 000 is ingesamel. Saam wys ons dat klein gebare ’n groot verskil kan maak.

Bloemhof Skenk Bloed

Bloemhof se leerders en personeel het tydens die skool se bloedskenkdag hul ondersteuning gewys deur bloed te skenk. Die dag het goed verloop en ons waardeer elke persoon wat bereid was om by te dra. Bloedskenk bly ’n belangrike manier om mense in nood te help, en ons is trots op die Bloemhoffers wat deelgeneem het.

Spogbiblioteek by Club21-leersentrum geopen

Club21- Leersentrum, ’n sentrum wat spesialiseer in die opvoeding van kinders en jongmense met Down-sindroom, het op 19 Mei hul spoggerige nuwe leessentrum by die Centurion-kampus geopen. Bloemhof is trots om deel van hierdie besondere projek te wees nadat Bloemhoffers verlede jaar boeke geskenk het om lees en leer by dié sentrum te bevorder. Dit is vir ons lekker om te weet dat hierdie boeke nou deel van hul leessentrum vorm. Ons is dankbaar dat Bloemhof op hierdie manier ’n klein bydrae tot die nuwe biblioteek kon maak.

BANANGO: Besigheidsimulasie vir gr. 9-EBW-leerders

Die Banango Besigheidsimulasie wat jaarliks by Hoër Meisieskool Bloemhof aangebied word, bied aan graad 9 EBW-leerders ’n unieke geleentheid om die besigheidswêreld prakties te ervaar. Tydens hierdie interaktiewe simulasie bestuur leerders hul eie “maatskappye”, neem besluite oor produksie, bemarking en finansies, en kompeteer teen ander groepe in ’n dinamiese markomgewing.

Die program ontwikkel nie net ekonomiese kennis nie, maar ook belangrike vaardighede soos spanwerk, probleemoplossing, kritiese denke en tydsbestuur. Deur hierdie ervaring kry leerders insig in entrepreneurskap en die uitdagings van die sakewêreld, terwyl hulle terselfdertyd leer om strategies en verantwoordelik op te tree.

Die Banango-simulasie is ’n hoogtepunt op die EBW-kalender en dra betekenisvol by tot die voorbereiding van leerders vir toekomstige studies en die beroepswêreld.

Skrywer, Nerine Ahlers, kom kuier met haar nuwe boek

Op 19 Mei het die bekende Afrikaanse skrywer Nerine Ahlers, wat ook al verskeie ATKV-kinderboektoekennings gewen het, Bloemhof besoek. Die graad 8-leerders en ’n groep graad 9’s het die geleentheid gehad om meer oor haar nuwe tienerroman, In my ander lewe is ek Ellie, te hoor. Tydens die besoek het sy uit dié boek voorgelees, eksemplare van die boek verkoop en met leerders gesels oor haar skryfproses, asook waar sy inspirasie vir haar stories kry. Die leerders het die besoek baie geniet en waardevolle insig in die wêreld van skryf en storievertelling gekry.

Bloemhof-onnies verower medaljes by Sanlam Kaapstad Maraton

Daar is iets besonders aan ’n vroeë oggend in Kaapstad wanneer die stad stadig begin wakker word en duisende voetstappe reeds die strate vul met energie, deursettingsvermoë en opwinding. Tussen hierdie stroom vasberade hardlopers was twee bekende Bloemhof-gesigte wat met trots hul merk gemaak het by die beroemde Sanlam Cape Town Marathon.

Baie geluk aan me. O’Dine Lategan en me. Hanneke van der Merwe wat dié uitdagende marathon suksesvol voltooi het en hul welverdiende medaljes huis toe gebring het.

Dit was ook nie hul eerste ontmoeting met hierdie uitdaging nie: me. Lategan het reeds haar derde medalje in dié marathon verower, terwyl me. Van der Merwe vir die vierde keer daarin geslaag het om hierdie gesogte prestasie te voltooi.

Bloemhof is ongelooflik trots op hierdie twee rolmodelle wat wys dat deursettingsvermoë nie net in die klaskamer tel nie, maar ook op die lang pad van 42,2 km.

Junie Eksamenwenke - Streshantering

Artikel deur dr. Carla Bezuidenhout

Dit is normaal om spanning tydens eksamen te ervaar, maar dit is belangrik om dit effektief te bestuur. Maak tyd vir rus, kry genoeg slaap en bly fisies aktief. Asemhalingsoefeninge en kort breuke kan help om jou kalm en gefokus te hou.

Moenie huiwer om ondersteuning te vra nie. Leerders kan afsprake met dr. Carla Bezuidenhout of me. Jeanne-Marie Kriel deur die kantoor maak.

Koshuisaanbouings en Opgraderings

Met die bou-afkortings wat sekere dele van Huis Bloemhof se onderste vloer op indrukwekkende wyse versper en haar inwoners teen stof, bousand (en bouers) beskerm, voel die koshuis op die oomblik amper soos ’n doolhof. En soos enige doolhof lei dit uiteindelik na ’n sentrale punt, in ons geval die drie tydelike eetareas: die stoep, die TV-kamer en die tent in die vierkant.

Wat opvallend is, is hoe die atmosfeer skielik aansluit by die vrolike gevoel wat mens oudergewoonte met ’n onthaaltent sou assosieer. Verandering en die versteuring van roetine is vir seker ontwrigtend, maar ’n mens moet ook nie die positiewe effek daarvan onderskat nie. Skielik sit matriekmeisies almal saam aan tafel, giggel en maak grappies, terwyl die jonger leerders die samehorigheid van ’n eie hoekie beleef. En daar is iets besonders daarin om kinders se stemme en gelag bo die gedreun van bouwerk te hoor uitstyg.

Tannie Roslyn Groet

Na 25 jaar se toegewyde diens neem tannie Roslyn hierdie maand afskeid as kok by Huis Bloemhof.

Tannie Roslyn het duisende etes met sorg en liefdevir die inwoners van Huis Bloemhof voorberei, en op Vrydag 22 Mei was dit ons beurt om haar ’n bietjie te bederf. Die hele koshuis het om die tafels saamgedrom en uit volle bors die koshuislied vir haar gesing - ’n spesiale oomblik vol dankbaarheid en liefde. Só stuur Huis Bloemhof haar die toekoms in, met die wete dat sy altyd ’n deel van die huis sal bly en die liefde van die koshuis saam met haar in haar reissak sal dra.

Die personeel en inwoners van Huis Bloemhof wens haar alles van die beste toe met haar welverdiende aftrede en bedank haar vir die groot rol wat sy oor die afgelope kwarteeu in die koshuisgemeenskap gespeel het.

Redenaars beïndruk by verskeie kompetisies

Bloemhof se redenaars het uitstekend tydens verskeie kompetisies gevaar en ons is ongelooflik trots op al die leerders se prestasies. By die Radikale Redenaars het Jesse Nieman en Elzanri Oosthuizen tot die streeksfinaal deurgedring, terwyl Milan Doncaster in die tweetalige afdeling tot die nasionale finaal deurgedring het.

By die Oppi Tong Af-redenaarskompetisie het Cara du Rand, Zea Plekker, Mikayla Koen, Jesse Nieman, Elzanri Oosthuizen en Isabel Hanekom die streeksfinaal gehaal in die voorbereide afdeling, terwyl Isabella du Toit in die onvoorbereide afdeling tot die nasionale finaal deurgedring het.

Tydens die ATKV Redenaars semi-finaal het Anja van Staden, Elzanri Oosthuizen, Isabella du Toit, Mignon Kotzenberg, Lara van Niekerk en Mikayla Koen hul staal gewys in die voorbereide afdeling, met Isabella du Toit wat ook in die onvoorbereide afdeling deelgeneem het. Baie geluk aan al ons redenaars met hul harde werk en puik prestasies.

ATKV-Debatuitslae

Bloemhof se debatteerders het die afgelope naweek hul staal gewys tydens die ATKV-Debatskompetisie, met uitstekende uitslae oor beide die senior- en juniorafdelings. Ná sterk optredes het drie seniorspanne en twee juniorspanne daarin geslaag om hul plekke in die semi-finale rondte te verseker.

Die semi-finale vind op 6 Junie by Hoërskool Stellenbosch plaas, waar ons spanne weer hul argumente, spanwerk en redenasievermoë op die proef sal stel.

Koormusiek wat klink in sukses

Die afgelope week het Bloemhof se koorgroepe weer gewys hoekom musiek ’n trotse deel van ons skool se identiteit is, met uitstaande prestasies op verskeie verhoogplatforms.

Bloemhof Accelerando het die week op ’n hoë noot afgeskop by die Tygerberg Eisteddfod, waar die koor ’n indrukwekkende 88.6% behaal het. Die beoordelaars was vol lof vir hul “heerlike energie”, “resonerende, gemaklike klank” en “suiwer, eenvormige vokale” — ’n bevestiging van die koor se groei en musikaliteit.

Kort daarna het Accelerando hul sukses voortgesit by die ATKV-Applous-streeksfees, waar hulle in die Prestige-afdeling vir dogterskore deelgeneem het. Hier het hulle Goud verower — die hoogste toekenning wat op streeksvlak behaal kan word. Beoordelaars het die groep beskryf as “’n besonder vaardige en musikale groep”, wat hul harde werk en toewyding duidelik onderstreep.

Terwyl Accelerando, onder leiding van me. Bea de Wit, op die groot verhoog geskitter het, het Bloemhof se sanggroep ook hul eie merk gemaak by die Stellenbosch Eisteddfod. In die kategorie Hoërskool Kamerkoor: Eie Keuse het hulle ’n uitmuntende Cum Laude-toekenning (90%–100%) verower. Hierdie prestasie is ’n bewys van fyn samewerking, dissipline en musiekliefde onder leiding van me. Carla van der Westhuizen.

Van Eisteddfod tot Applous — Bloemhof se sangers dra nie net note oor nie, maar ook trots, passie en uitnemendheid.

Netbalhoogtepunte

HMS Paarl

Bloemhof se netbalspanne het 40 wedstryde teen HMS Paarl gespeel en 13 oorwinnings behaal. Dit was wonderlike wedstrydgeleenthede wat waardevolle ondervinding en ervaring vir ons dogters gebied het. Elke wedstryd dra by tot groei, spanwerk en voorbereiding vir die res van die seisoen.

La Rochelle

Teen La Rochelle het ons A- tot D-spanne in ligawedstryde meegeding. Bloemhof het 19 wedstryde gespeel en 14 gewen — ’n uitstekende prestasie! Ons sien uit daarna om weer in die derde kwartaal met al ons spanne teen La Rochelle kragte te meet.

Netbalspelers blink uit

Baie geluk aan die ses Bloemhof-netbalspelers wat gekies is vir die Wes-Kaap-netbalspanne. Hulle sal gedurende die Julie-vakansie aan die Suid-Afrikaanse Kampioenskappe deelneem.

Ons vier ook met trots die insluiting van vyf van ons spelers in die onderskeie Kaapse Wynland-netbalspanne. Hulle neem van 15–18 Julie 2026 deel aan die Interdistrikte-toernooi in Bredasdorp.

Bloemhof is trots op elke speler se harde werk en toewyding – julle verteenwoordig ons met glans!

Hokkiehoogtepunte

HMS Paarl

Bloemhof se hokkiespanne het sterk vertonings teen HMS Paarl gelewer. Uit 14 wedstryde is 10 gewen en slegs 4 verloor. Ons dogters het ’n indrukwekkende 34 doele aangeteken, terwyl net 5 doele afgestaan is.

HS Fairmont

Teen Fairmont High School het Bloemhof 3 wedstryde gespeel, waarvan 2 gewen is. Die spanne het 14 doele aangeteken en net 4 afgestaan.

Rustenburg GHS

Bloemhof het ook uitstekend gevaar teen Rustenburg Girls’ High School. Uit 11 wedstryde is 9 gewen en 2 gelykop gespeel. Ons spanne het 35 doele aangeteken en slegs 3 afgestaan — ’n besondere prestasie!

Hokkiespelers blink uit

Baie geluk aan ons hokkiespelers wat vir die Boland-hokkiespanne gekies is – ’n groot prestasie wat ons skool met trots vervul.

Ons personeel speel ook ’n belangrike rol op provinsiale vlak:

• Mnr. Dylan Botha, ons o.16A-afrigter, is aangewys as streeksafrigter van die o.16C-seunspan.

• Me. Jamie Smith, ons o.14A-afrigter en hokkiebestuurder, is die spanbestuurder van die o.16B-meisiespan.

Bloemhof is trots op elke speler en afrigter wat ons naam met glans uitdra – julle harde werk en toewyding maak ’n verskil!

Elrie Fourie skitter in Laserrun

Tussen vinnige voetstappe, fokus en presisie het Elrie Fourie onlangs haar merk gemaak by die Wes-Kaap Laserrun-kampioenskappe, waar sy ’n uitstekende derde plek in die dogters o.15-afdeling behaal het.

Laserrun, wat uithouvermoë met laser-skiet akkuraatheid kombineer, verg beide fisiese en geestelike fokus — en Elrie het dit met selfvertroue en deursettingsvermoë hanteer.

As gevolg van hierdie prestasie het sy ook gekwalifiseer om gedurende die Junie-skoolvakansie in Pietermaritzburg, KwaZulu-Natal, aan die SA Laser Run Championships deel te neem.

Die Groot 5 vir Kay-Lee Mouton

In die ysige waters van Yzerfontein het Kay-Lee Mouton op 20 Mei ’n prestasie behaal wat min ooit sal kan ewenaar. Sy het die uitdagende oopwaterroete van Dassen Eiland tot by Hoofstrand oorgesteek en daarmee haar Groot 5 langafstand-seeswem-uitdaging voltooi.

Hierdie monumentale reeks van vyf uiters veeleisende swemroetes toets nie net fisiese uithouvermoë nie, maar ook ongelooflike geestelike krag en deursettingsvermoë. Met haar laaste swem het Kay-Lee haar naam ingeskryf as die jongste vrou nóg om hierdie uitdaging te voltooi, slegs die tweede vrou ooit wat dit reggekry het, en een van net vyf mense in totaal wat die BIG 5 voltooi het.

Die Groot 5 bestaan uit:
The Leopard – Cape Point (8 km)
The Rhino – West Coast Angel (18 km)
The Elephant – Double Langebaan (24 km)
The African Lion – False Bay Crossing (33 km)
The Cape Buffalo – Dassen Eiland (11 km)

Asof die prestasie nie reeds buitengewoon genoeg is nie, het Kay-Lee ook ’n onvergeetlike ervaring op see gehad — ’n walvis wat naby haar verskyn het en ’n dolfyn wat haar vir byna die hele swem vanaf Dassen Eiland vergesel het.

Kay-Lee, jy is ’n ware kampioen. Bloemhof vier jou moed, jou deursettingsvermoë en hierdie uitsonderlike mylpaal met groot trots!

Bloemhof Bergfiets trap voor

Na afloop van die derde been van die Wes-Kaap Skolefietsry-reeks (uit ’n reeks van vyf) bly Bloemhof steeds sterk voor op die Girls/Women Top Schools-ranglys. Die span beklee tans ook ’n indrukwekkende 3de plek op die All Stars – Top Schools-ranglys, met Paul Roos Gimnasium MTB in die eerste plek en Paarl Boys’ High MTB in die tweede plek.

Hierdie prestasie is besonder betekenisvol aangesien Bloemhof teen van die sterkste bergfietsskole in die land kompeteer en steeds konsekwent op die podium bly.

Met die eksamen wat hierdie week begin het vir ons seniors, kyk ons met dankbaarheid terug op ’n kwartaal vol hoogtepunte, harde werk en onvergeetlike oomblikke. Elke prestasie, groot of klein, dra by tot die unieke storie van Bloemhof — ’n storie van deursettingsvermoë, omgee, uitnemendheid en samehorigheid. Dankie aan elke leerder, ouer, personeellid en ondersteuner wat help om hierdie gemeenskap so besonders te maak. Mag die komende eksamentyd vir elke Bloemhoffer gevul wees met fokus, moed en balans. Ons stap saam vorentoe — trots Bloemhof!

ADVERTENSIE: School of Rock Vakansieprogram: 13 - 15 Julie

Hierdie skoolvakansie, ervaar regte bands, regte repetisies en regte optredes.

Ons School of Rock-kampe is ontwerp vir jong musikante van alle vaardigheidsvlakke wat wil ervaar hoe dit is om in ’n band te speel, ikoniese liedjies aan te leer en saam op die verhoog op te tree.

Leerders sal die drie dae spandeer om liedjies te leer, hul musikale vaardighede te ontwikkel, saam met ander musikante te werk en die selfvertroue te bou om regstreeks op te tree.

Geen ervaring nodig nie – bring net jou energie en liefde vir musiek.

• Beperkte plekke beskikbaar

• Alle instrumente welkom

• Regstreekse optrede aan die einde van die kamp

Sluit hierdie vakansie by die band aan.
devonbosch@schoolofrock.com | 021 100 5559

Phoenix-uitreik by Azaleahof

Phoenix, ons skool se vereniging vir liefdadigheid en gemeenskapsdiens, het op Maandag 4 Mei, ’n uitreik na Azaleahof Aftree-oord gereël. Bloemhoffers het die geleentheid gehad om bietjie met die inwoners te kuier en het ’n handgemaakte Moedersdagkaartjie en ’n sjokolade aan elke inwoner oorhandig. Bloemhof se orkes het ook ’n klein opvoering vir die inwoners gelewer, wat die besoek ekstra spesiaal gemaak het.

Graad 9’s beïndruk by Interne Ekspo

Ons leerders het verlede week hul projekte tydens die Graad 9 Interne Ekspo uitgestal. Graad 9-leerders het aan die jaarlikse Ekspo deelgeneem, waar hulle ’n navorsingsvraag gekies, ’n hipotese geformuleer en dit deur middel van navorsing, eksperimente of die bou van ’n prototipe getoets het.

In totaal het 146 leerders deelgeneem met 87 projekte, wat deur 26 eksterne beoordeelaars van die Universiteit Stellenbosch geëvalueer is. Projekte is individueel of in pare aangebied, met onderwerpe wat oor ’n wye verskeidenheid wetenskaplike velde gestrek het.

Die hoë gehalte van die werk het beoordelaars en personeel beïndruk. Die Ekspo bied aan leerders ’n waardevolle geleentheid om die wetenskaplike metode eerstehands toe te pas en kritiese denkvaardighede te ontwikkel wat hulle in hul verdere studies sal ondersteun.

Welstand: Junie Eksamenwenke (Deel 2) Fokus en Aanjaag

deur dr. Carla Bezuidenhout

Goeie fokus en konsentasie speel ’n belangrike rol tydens eksamentyd. Skep ’n stil, georganiseerde studie-omgewing en beperk afleidings soos selfone en sosiale media gedurende studietye. Werk in kort, gefokusde sessies en neem gereelde pouses om jou konsentrasie te behou.

Onthou dat hulp beskikbaar is indien jy sukkel om gefokus te bly. Kontak gerus dr. Carla Bezuidenhout of me. Jeanne-Marie Kriel via die skoolkantoor.

Koshuis Fliekaand Pret

Die koshuismeisies het Woensdagaand hul innerlike mode-ikone losgelaat tydens ’n heerlike uitstappie na Somerset-Wes om die nuwe rolprent, The Devil Wears Prada 2, te gaan kyk. Om ‘n grootskerm fliekteater eksklusief met Bloemhoffers vol te maak, was ‘n besondere belewenis en het gesorg vir ‘n atmosfeer vol lag en opgewondenheid. Sommige leerders, veral die matrieks, het behoorlik hul innerlike Andy Sachs en Miranda’s ontgin met stylvolle uitrustings wat selfs Runway kon haal!

Die koshuispersoneel en ‘n paar van die skool se onderwysers het ook saamgegaan - die gedeelde ervaring het weer bewys dat van die beste herinneringe soms juis buite die skoolbanke gemaak word.

Baie dankie aan dr. Carla Bezuidenhout vir al haar moeite en reëlings om dit so ‘n spesiale aand te maak wat nog lank onthou sal word! Soos Miranda Priestly sou sê: “That’s all”.

Amanda Coetzer toernooi: Tennis in Aksie

Bloemhof se o.15A- en o.19A-tennisspanne het aan hierdie prestigeryke tennistoernooi deelgeneem, waarheen slegs die top tennisskole in die land genooi word. Ons o.19A- span het derde geëindig nadat hulle teen Oranje Meisieskool in die semi-finaal verloor het. Marlia Nel wen die prys vir die beste no.5 speler van die toernooi. Die span eindig derde na hulle vir teen Affies in die laaste uitspeelrondte 4-0 wen.

Die o.15A-span het ook goed gevaar en tweede in hul groep geëindig voordat hulle in die semi-finaal teen HMS Paarl verloor het. Hulle speel ook uit vir derde en vierde plek teen Afrikaans Hoër Meisieskool en eindig in die vierde plek. Isabella du Toit ontvang die prys as die beste nommer twee speler van die o.15-toernooi. Ons is ongelooflik trots op die dogters en hulle prestasies!

Landloopspanne vat die Pad

Vyf atlete het aan die skoleliga landloopbyeenkoms by Banhoek deelgeneem. Dit was ‘n skilderagtige, nat en koue roete wat die atlete behoorlik uitgedaag het. Die uitslae was soos volg:

• Ené Janse van Rensburg 8ste 20:33

• Mia de Kock 10de 21:22

• Mieke Steenkamp 11de 21:27

• Ella Lategan 13de 21:37

• Reagan Roodt 20ste 25:13

Ons is trots op ons atlete! Welgedaan.

Netbal teen Paarl Gimnasium

Bloemhof se netbalspanne het onlangs ’n reeks ligawedstryde teen Paarl Gimnasium gespeel, met verskeie mededingende spanne.

Die volgende spanne oorwinnings behaal: o.14D en o.14E, o.15A, o.15E en o.15J, o.16E en o.16F, asook o.18D, o.18E, o.18F en o.18E/F. Verskeie ander spanne het ook gelykop gespeel of in naelbytwedstryde wedstryde net-net vasgeval, wat die hoë mededingingsvlak van die liga beklemtoon het

Die o.17-spanne het uitdagende wedstryde teen sterk opposisie beleef, maar waardevolle ervaring en wedstrydblootstelling opgedoen. Die o.18A-span het egter ’n moeilike wedstryd gehad en moes uiteindelik met 22–30 die knie buig.

In die geheel gesien, was dit ’n uitdagende, maar leersame reeks wedstryde teen sterk Paarl Gim-spanne.

Uitstekende Vertonings by die Belgotex Girls’ Challenge

Bloemhof se hokkiespanne het uitstekende resultate tydens die Belgotex Girls’ Challenge behaal, waar van die land se topskole meegeding het.

Die o.14A-span het ’n uitsonderlike toernooi beleef en is as wenners uit 24 skole gekroon. Die span het deurgaans indrukwekkende hokkie gespeel en oortuigende oorwinnings teen sterk opposisie behaal. Hul pad na die titel het oorwinnings teen DF Akademie en St Mary’s Waverley ingesluit, voordat hulle Pearson in die kwarteindronde en Durban Girls’ College in die halfeindronde uitgeskakel het. In ’n spannende finaal het Bloemhof vir Rhenish Girls’ High School met 2–1 geklop om die kampioentitel in te palm.

Die o.16A-span het ook ’n sterk toernooi beleef en het vyfde uit 24 skole geëindig. Die span het uitstekende dissipline en deursettingsvermoë getoon in sterk wedstryde teen Durban Girls’ College, Pearson, Rhenish Girls’ High School, Our Lady of Fatima en Afrikaans Hoër Meisies . Ná ’n gelykopuitslag teen Affies het Bloemhof die wedstryd met 3–1 in ’n spannende uitskietronde beklink.

Baie geluk aan albei spanne en hul afrigters met hierdie uitstekende prestasies en die trotse wyse waarop hulle Bloemhof verteenwoordig het.

Liga-wedstryde teen Somerset College

Op 6 Mei het Bloemhof se hokkiespanne ligawedstryde by Somerset College se pragtige sportgronde gespeel en uitstekende resultate behaal. In sewe wedstryde het Bloemhof altesaam 38 doele aangeteken en slegs een afgestaan, wat sterk aanvallende spel en soliede verdediging beklemtoon. Die dag is met oortuigende oorwinnings oor al die ouderdomsgroepe heen afgesluit.

Koorleerders skitter by Bekoorkonsert

Bloemhof Accelerando het op 6 Mei ’n besonderse optrede tydens beKoor 2026 gelewer en die gehoor met hul musiek en energie beïndruk.

Die 13de jaarlikse beKoor, aangebied deur Paul Roos Gimnasium by die Paul Roos Sentrum in Stellenbosch, bring jaarliks van die streek se voorste skoolkore bymekaar in ’n viering van musiek, samewerking en gemeenskapsgees.

Bloemhof het die verhoog gedeel met Paul Roos Gimnasium, Rhenish Girls’ High School, Hoërskool Stellenbosch, St Cyprian’s School en La Rochelle Girls’ High School, en het met trots Bloemhof se talent en passie vir koormusiek ten toon gestel.

Die optrede vorm deel van ’n opwindende koorseisoen vir Accelerando, met verskeiee optredes en hoogtepunte wat nog voorlê:

• 18 Mei – Tygerberg Eisteddfod

• 22 Mei – Applous-streeksfees by Laerskool Gene Louw

Baie geluk aan die Accelerando en hul afrigter, me. Bea de Wit, met hierdie pragtige vertoning. Bloemhof wens julle alle sterkte toe met die res van die koorseisoen.

Redenaars blink uit op die verhoog

Dit is weer daardie tyd van die jaar wanneer leerders hul kritiese denke en redenaarsvernuf met ons deel. Redenaars 2026 het reeds amptelik afgeskop!

Die junior redenaars (graad 8 en 9) het op 10 April 2026 reeds die redenaarseisoen begin deur aan die Radikale Redenaars-kompetisie deel te neem. Hierdie kompetisie vereis dat leerders ‘n video-opname van hul toesprake maak en dit instuur. Ons is trots op ons leerders wat almal ‘n gemiddeld van bo 80% behaal het. Die finale uitslae sal binnekort bekendgemaak word.

Sestien van ons leerders (graad 8-12) het op Dinsdag, 5 Mei 2026, aan die ATKV-redenaarskompetisie by HTS Drostdy in Worcester deelgeneem. Die leerders het in die voorbereide en onvoorbereide afdelings kompeteer en uitstekend gevaar. Ons wag nog om uit te vind wie na die streeksfinaal deurgedring het.

Meer as twintig Bloemhoffers (graad 8-12’s) het ook aan die Oppi Tong Af-kompetisie deelgeneem. Al die leerders wat deelgeneem het, in hierdie aanlynkompetisiewaar leerders individueel deelneem, meer as 85% persent behaal.

Ons sal binnekort uitvind wie na die volgende rondte deurdring.

Debatteerders Dink-of-Sink

Vrydagaand, 8 Mei, was dit tyd vir die jaarlikse Dink-of-Sink Debatskompetisie by DF Akademie. Junior- en seniorspanne van skole regoor die Wes-Kaap kry die geleentheid om in onvoorbereide debatte mekaar die stryd aan te sê. Aan die einde van die uitdunrondes het ons graad12-seniorspan deurgedring na die semi-finaal, maar hulle het ongelukkig hier die knie gebuig voor Hoërskool Durbanville. Ons is trots op die dames wat flink kan dink, hul menings met oortuiging en selfvertroue kan verwoord en lang ure opoffer vir navorsing en voorbereiding vir debatskompetisies.

Ons is ook trots daarop dat dit die vyfde agtereenvolgende jaar is wat een van ons spanne na die semi-finale rondte deurdring.

Juniorspan 1: Inge van Niekerk, Magriet Spies, Lara Greeff

Juniorspan 2: Larah Graser, Thamelia Bruwer, Milan Blignaut

Juniorspan 3: Tamike van Urk, Zoé Boer, Corlia van der Merwe

Seniorspan gr. 10: Mia Pecoraro, Emma Nel, Nina Graser

Seniorspan gr. 11: Faith Boer, Celina Quinot, Emma de Lange

Seniorspan gr. 12: Annebelle Spies, Janka Strauss, Kaylie Herbst

Kreatiwiteit en Groei by Toneelkamp

deur me. Basson

Die toneelgroep se jaarlikse kamp het van Vrydagaand 8 Mei tot Saterdag 9 Mei by die skool plaasgevind. Hierdie hoogtepunt op die toneelkalender bied aan leerders die geleentheid om hegter bande te smee, saam herinneringe te bou en intensief aan hul produksie te werk. Die kamp was nie net harde werk nie, maar ook groot pret! Die groep het altesaam sowat tien uur se gefokuse repetisietyd ingesluit. Wanneer hulle nie besig was om tonele te verfyn of stemwerk te doen nie, het hulle speletjies gespeel, “candy salad” gemaak, pizza geëet en stories gedeel.

Vanjaar se produksie, Surprise, Poplap!, waarvan me. Basson die teks geskryf en die regie behartig , se toneelseisoendatums is soos volg:

• 30 Julie | Logantoneelfees, Fraserburg

• 4 Aug | Pronk Podium, HS Durbanville

• 6 Aug | Teatermakersfees, La Rochelle

• 15 Aug | Klein Libertas-toneelfees, Drostdy-teater

• 20 Aug | ATKV-Tienertoneelfees, Baxter-teater

Daar is vanjaar ook `n leerderproduksie o.l.v Liané van Zyl. Hierdie matriekleerder het die teks getiteld Die Republiek van Môre geskryf en behartig ook die regie.

Die leerderproduksie is op die volgende datums en plekke te sien:

• 1 Aug | Logantoneelfees, Fraserburg

• 4 Aug | Pronk Podium, HS Durbanville

• 14 Aug | Klein Libertas-toneelfees, Drostdy-teater

• 20 Aug | ATKV-Tienertoneelfees, Baxter-teater

Baie geluk aan al ons leerders, personeel en afrigters wat met passie, toewyding en entoesiasme aan hierdie aktiwiteite deelgeneem het. Julle harde werk en positiewe ingesteldheid dra by tot die besondere gees van HMS Bloemhof.

Tennis

Deelnemers: Charlotte Bouwer (Gr.10), Lisa Jonker (Gr.9), Marlia Nel (Gr. 12), Lizé Buys (Gr. 10) en Makenzie Rolfe (Gr.11)

Die tennisspan het ’n indrukwekkende toernooi agter die rug. Hulle het hul uitspeelrondtes met oortuiging oorheers en Afrikaans Hoër Meisieskool, Eunice en Clarendon elk met 6–0 geklop. In die semifinaal teen Oranje het die spanne gelykop geëindig (3 elk), maar Bloemhof het na die finaal deurgedring danksy Charlotte Bouwer se oorwinning as nommereenspeler. In ’n strawwe finaal teen Rhenish moes Bloemhof die knie buig (0–4) en het uiteindelik tweede uit 12 deelnemende skole geëindig.

Landloop

Deelnemers: Lucia Kempen (Gr.9), Liya Klopper (Gr.9), Lezanne Lourens (Gr.8), Abigail Keuler (Gr.9), Katerien Fourie (Gr.10), Gizé Strydom (Gr.10), Nicah Jacobs (Gr.10) en Mia Swanepoel (Gr.12)

Bloemhof se landloopatlete het tydens die All Girls-fees van 2026 sterk vertonings gelewer. In die individuele 4,4 km-wedlope het Abigail Keuler en Katerien Fourie beide derde plekke behaal in onderskeidelik die junior- en senior-afdelings, met verdere goeie plasings deur hul spanmaats.

In die spankompetisie het die juniors tweede geëindig en die seniors derde. Tydens die 4x800m-aflos het albei spanne weer hul staal gewys deur elk ’n tweede plek te behaal.

Skaak

Deelnemers: Noreht Nieuwoudt (Gr 10), Mieke Labuschagne (Gr 10), Margot Jerman (Gr 12) en Lora Muller (Gr 9)

Die skaakspan het hul staal gewys teen gedugte teenstanders. Noreht het drie van haar vyf wedstryde gewen, terwyl Mieke en Lora elk twee uit vyf wedstryde gewen het. Margot het een wedstryd gewen en een gelykop gespeel. Dié jong span het met groot toewyding deelgeneem, nuwe vriendskappe gesmee en waardevolle ervaring opgedoen.

Netbal

Deelnemers: Mia Botha (Gr.12), Kyla le Roux (Gr.12), Hannah Swart (Gr.12), Mika du Plessis (Gr.12), Tachin Adams (Gr.12), Jeannie Myburgh (Gr.12), Chani du Preez (Gr.12), Emma Watts (Gr.12), Katja de Villiers (Gr.12) en Annalien Spies (Gr.12)

Op die netbalbaan het Bloemhof se graad 12-span hul ervaring en samewerking duidelik ten toon gestel. Die span het met vasberadenheid en ‘n uitstekende gesindheid teen sterk opponente meegeding. Hulle het oortuigende oorwinnings teen Pretoria Girls’ High (39–11), Wynberg Girls’ High (23–20) en Pietermaritzburg (29–11) behaal, asook ’n naelbytoorwinning van 24–23 teen Eunice. Ten spyte van strawwe wedstryde teen Afrikaans Hoër Meisieskool, La Rochelle en Pretoria High School for Girls, het die span karakter getoon. Bloemhof het hul veldtog sterk afgesluit deur Rustenburg Girls’ High School met 24–23 in ’n uitspeelwedstryd te klop en sodoende sewende uit 15 skole te eindig. ’n Spesiale vermelding gaan aan Tachin Adams wat as een van die Top 10 -All-Stars van die toernooi aangewys is.

Hokkie

Deelnemers: Gisela du Toit (Gr.10), Dania Horn (Gr.11), Màdelie Botes (Gr.10), Helen-Mari Stofberg (Gr.11), Nicola Slabbert (Gr.11), Annika Gerstner (Gr.12), Klara-Lea Basson (Gr. 10), Lila Pienaar (Gr.9), Bea van den Berg (Gr.11), Carli Bayer (Gr.11), Loreé Roos (Gr.12), Anke Lombard (Gr.11), Inge Pollard (Gr.11), Simone van der Merwe (Gr.12) en Jumarie Esthuysen (Gr.10)

Op die hokkieveld het Bloemhof se span deurgaans veggees en deursettingsvermoë getoon. Die span het ’n indrukwekkende oorwinning van 8–0 teen Parktown behaal, asook sterk vertonings teen Danville (4–1) en Paarl Girls’ High (3–1) gelewer. ’n Gelykopuitslag teen Rustenberg (2–2) het hul plek in die uitspeelrondtes bevestig. In die kwarteindronde teen Oranje het Bloemhof goeie teenstand gebied, maar ongelukkig met 1–2 vasgeval. Daarna het hulle weer teen Rustenburg te staan gekom en daarna vir die sewende plek teen Paarl Girls’ High uitgespeel. Bloemhof het die wedstryd gewen en uiteindelik sewende in die toernooi geëindig.

Debat

Deelnemers: Janka Strauss (Gr.12), Cailey Haggar (Gr.12) en Nina Graser (Gr.10)

Alhoewel die Bloemhof-debatspan nie aan die Engelse debatformaat gewoond was nie, het hulle nie terug- gestaan vir die Engelse meisieskole nie en hul debatte teen Collegiate Girls’ High School en Durban Girls’ High gewen. In die woorde van Janka Strauss: “Juffrou, hulle het so vinnig gepraat, ek het gewonder of ek Engels verstaan!” Dit was ‘n taai kompetisie wat hierdie dames se vaardighede onherroeplik geslyp het.

Marimba

Deelnemers: Elma Bestbier (Gr.11), Melindi Horn (Gr.12), Jana van Tonder (Gr.12) en Nicola Venter (Gr.9)

Die vier Bloemhof-marimbaspelers is nie daaraan gewoond om te dans terwyl hulle speel nie, maar dié groep het gewys hoe fiks hulle is terwyl hulle vir meer as drie minute ‘n gekompliseerde komposisie gespeel het en terselfdertyd hulle bypassende bewegings uitgevoer het. Wie het gesê marimba is nie ‘n sportsoort nie?!

MasterChef

Deelnemers: Millah Viljoen (Gr.12) en Mia Gerber (Gr.12)

Millah en Mia het Bloemhof in die kombuis by die MasterChef-program verteenwoordig, waar hulle leersame aktiwiteite meegemaak het. Die program was gevul met lesings oor voedselstilering en -fotografie, asook insiggewende en verrykende demonstrasies wat daarop gemik was om die leerders se vaardighede te ontwikkel en op te skerp.

Buiten Rhenish se kombuis het hulle ook die Institute of Culinary Arts besoek , waar hulle van 17 verskillende soorte suiker geleer het. Hulle het verder die Lanzerac Hotel & spa se beroemde skons en tee geniet en die Holland Bakery besoek, waar hulle Hollandse poffertjies geëet het.

As deel van die kompetisie moes elke skool ‘n spesiale koek bak, versier en stilleer vir ‘n spogfoto wat beoordeel sou word. Eunice High School het vanjaar as wenners uit die stryd getree. Alle deelnemers is ook met heerlike geskenkpakkies bederf.

Kuns

Deelnemers: Eva Luiters (Gr.9) en Jana Hoogenboezem (Gr.9)

Eva en Jana het as deel van die kunsprogram die Stellenbosch Kunsmyl meegemaak en daarna hul inspirasie in kunswerke omskep wat op die laaste dag uitgestal is.

Kreatiewe Skryfwerk

Deelnemers: Liané van Hoogstraten (Gr.12) en Carla de Jager (Gr.11)

Liané en Carla het by die kreatiewe skryfwerkprogram nie net hul skryfvaardighede verskerp nie, maar ook meer oor die publikasiewêreld geleer. Die bekende skrywer, Lebo Mazibuko, het ook as deel van die program ‘n sessie aangebied. Al die skryfwerk wat tydens die All Girls-fees geskep is, is na afloop van die fees in mini- tydskrifte gebind waarin die leerders mekaar se werk kan lees.

Public Speaking

Deelnemers: Isla Schutters (Gr 9)

Isla het Bloemhof by Public Speaking verteenwoordig en ‘n sesde plek behaal. Sy het altesaam tweeonvoorbereide toesprake en een voorbereide toespraak, “The Courage to be Unfiltered”, gelewer waartydens sy leiding ontvang het om voor ‘n gehoor te praat. Al die leerders het ook `n gratis boek oor Public Speaking ontvang.

Sang

Deelnemers: Mila Bezuidenhout (Gr.10), Elizabeth Burger (Gr.12), Ghita Du Preez (Gr. 10), Carley Heynes (Gr.10), Nadia Knoetzen (Gr. 9), Nicki Serfontein (Gr. 12), Juliana Stofberg (Gr. 9). Layla Taljaard (Gr.9). Isabel Visser (Gr.9), Mieke Vos (Gr.10) en Lesedi Xaba (Gr.9)

Die sanggroep het as een groot massakoor ‘n splinternuwe lied geskryf en gekomponeer wat die tema van All Girls 2026 “Be Bold, Be Brave, Be You” weerspieël. Dié lied is dan ook aan die einde van die fees opgevoer.

Dans

Deelnemers: Lindi Walters (Gr.9) en Chrizaan Weyers (Gr.9)

Die dansers het nie net choreografie in verskillende style soos hip-hop, jazz en lyrical aangeleer nie, maar ook geoefen om hul hare en grimering vir die verhoog te doen. Hulle het elkeen ‘n stel grimering van Essence ontvang en as deel van die program geleer hoe om dit aan te wend.

Drama

Deelnemers: Mia Duvenhage (Gr.10), Iza Janse van Rensburg (Gr.10), Mikayla Koen (Gr.10), Niela Destroo (Gr.10) en Tiné van Loggerenberg (Gr.10)

Die Bloemhoffers wat vir die dramawerkswinkel ingeskryf het, het op die eerste dag uitgevind dat hulle nie net gaan toneelspeel nie, maar ook sal moet dans en in harmonie sing om `n uittreksel uit die musiekblyspel SIX op te voer. Hulle het die repetisies met ywer aangepak en `n uitstaande vertoning gelewer. Iza Janse van Rensburg is tydens die finale vertoning as ‘n “Outstanding Performer” aangewys.

Die All Girls-fees van 2026 het nie net prestasies opgelewer nie, maar ook herinneringe geskep wat nog lank gekoester sal word. Deur sport en kultuur het Bloemhof se dogters nie net hul talente ten toon gestel nie, maar ook gegroei in selfvertroue, samewerking en deursettingsvermoë. Met nuwe vriendskappe en waardevolle ervarings agter die rug, sien ons reeds uit na die All Girls-fees van 2027 in Durban, waar nóg meer geleenthede wag om te groei, te leer en uit te blink.

Die afgelope weke was gevul met kleurvolle vieringe, akademiese inspirasie, nuwe gesigte, en sterk sport- en kultuurprestasies. Van Wêreldboekedag en eksamenvoorbereiding tot internasionale sportuitblinkers en indrukwekkende spanresultate, weerspieël hierdie uitgawe weer eens die dinamiese hart van Bloemhof.

Wêreldboekedag by Bloemhof gevier!

Bloemhof het hierdie jaar Wêreldboekedag met ‘n boekverkope deur Wordsworth Books gevier. Leerders was opgewonde om deur die boeke te blaai en nuwe leesstof aan te koop. Die verkope is uitstekend ondersteun en R17 000 se boeke is verkoop.

Saam met dié vieringe het ons ook ‘n projek geloods waar goeie kinderboeke en opvoedkundige speelgoed ingesamel word(is). Bloemhoffers kan steeds tot aan die einde van dié kwartaal hul skenkings by die mediateek inhandig.

Nuwe energie by Bloemhof: Ontmoet ons twee nuwe personeellede

deur me. Dinie Basson

Bloemhof is opgewonde om twee dinamiese nuwe personeellede te verwelkom wat reeds besig is om hul merk te maak: me. Franci van den Berg, ons nuwe Kommunikasiebestuurder, en mnr. Ian van der Westhuizen, Dramatiese Kunste-opvoeder.

Mnr. Ian van der Westhuizen – Dramatiese Kunste

Mnr. Ian van der Westhuizen is in Durbanville gebore en getoë, waar hy ook sy skoolloopbaan voltooi en reeds vroeg op die verhoog en agter die skerms uitgeblink het. Hy studeer verder aan die Universiteit Stellenbosch en behaal ’n BA-graad in Drama- en Teaterstudies in 2015. Gedurende en ná sy studies bou hy waardevolle praktiese ervaring op deur vir vyf jaar as regisseur, afrigter en organiseerder by Hoërskool Stellenbosch se tienertoneelproduksies betrokke te wees, waar sy werk en leerders gereeld tot die eindrondes van kompetisies deurdring. Parallel hiermee werk hy in die vermaaklikheidsbedryf as oudisie-ateljee regisseur en koördineerder by onder andere BR Casting en Andy Davis: The Casting Studio, asook by Moonlight Productions by Cape Town Film Studios as ekstras- en rolverdeling-koördineerder. Hy doen ook ervaring op internasionale stelle, insluitend HBO se Warrior (Seisoen 2) op, en werk as vryskut akteur met rolle in produksies soos Fynskrif, Sara se Geheim en Onder die Suiderkruis, asook in internasionale advertensies, onder andere vir Nutella.

Ten spyte van sy uitgebreide bedryfservaring, lê sy passie uiteindelik in die onderwys. In 2021 voltooi hy sy Nagraadse Onderwyssertifikaat cum laude en is tans besig met ’n honneursgraad in Opvoedkundige Leierskap en Bestuur aan die Universiteit van Johannesburg. Hy begin sy onderwysloopbaan as Dramatiese Kunste Vakhoof en Hoof van Drama by die DF Akademie, waar sy leerders uitstekend presteer in die NSS-eksamen en in die ATKV Tienertoneelkompetisie. Daarna bou hy verder aan ’n suksesvolle kultuurprogram as opvoeder en Kultuurhoof by Curro Somerset-Wes, waar leerders onder sy leiding op verskeie terreine uitblink. Sy loopbaan weerspieël ’n unieke kombinasie van akademiese uitnemendheid, praktiese ervaring en ’n diep verbintenis tot leerderontwikkeling.

`n Paar vrae aan mnr. Van der Westhuizen:

Watter vaardighede, buiten toneelspel, hoop jy leerders sal in jou klas leer?

• Ek hoop leerders verlaat my klas met vaardighede wat ver buite die verhoog strek: die vermoë om krities te dink, duidelik en oortuigend te kommunikeer, en sterk, goed beredeneerde argumente te bou. Hulle leer ook om met insig na mense en situasies te kyk, om ander perspektiewe te verstaan sonder om hul eie stem te verloor. Dit kweek empatie, selfkennis en selfvertroue. Dit is vaardighede wat in enige vak en enige loopbaan van onskatbare waarde is. Terwyl hulle dit alles ontwikkel, gebeur dit in ’n ruimte waar hulle kan eksperimenteer, groei en hulself geniet!

Watter produksie-ervaring het die grootste indruk op jou gemaak en hoekom?

• Hoër Meisieskool Bloemhof se tienertoneelproduksie van 2012, Spektakel. Kom gesels gerus met my om meer uit te vind.

Wat is jou gunsteling deel daarvan om met leerders in dramatiese kunste te werk ?

• My gunsteling deel is om te sien hoe leerders groei in selfvertroue en hul eie stem ontdek. Daar is iets besonders daaraan wanneer iemand wat eers huiwerig is, skielik die moed kry om hulself uit te druk en dit met oortuiging doen. Ek geniet ook die proses waar leerders op nuwe maniere begin dink, mekaar se idees uitdaag en saam iets skep wat hulle trots maak. Daardie “aha”-oomblikke, wanneer ’n karakter of toneel skielik sin maak, is ongelooflik besonders. Dan natuurlik die energie, die lag en die kreatiwiteit wat elke klas bring. Geen twee dae is ooit dieselfde nie, en dit maak die werk werklik ’n voorreg.

Me. Franci van den Berg – Kommunikasiebestuurder

Juffrou Franci van den Berg is ’n gebore en getoë Stellenbosser. Sy matrikuleer aan Hoërskool Stellenbosch en voltooi daarna haar BA-graad in Sosiale Dinamika aan die Universiteit Stellenbosch in 2021. Tydens haar studies word sy as een van slegs 13 Maties gekies om saam met 200 internasionale studente uit 14 lande aan die Internasionale Somerskool deel te neem. In 2022 brei sy haar kundigheid verder uit deur ’n nagraadse diploma in joernalistiek aan The London School of Journalism te behaal.

Dieselfde jaar begin sy werk as ’n vryskut bemarking-, kommunikasie-, fotografie- en PR-konsultant in die vermaaklikheidsbedryf. Haar loopbaan neem ’n betekenisvolle sprong wanneer sy by die Suidoosterfees aansluit as projekbestuurder en binne slegs twee maande bevorder word tot Handelsmerk- en Borgskapbestuurder. Haar uitstaande werk lei tot ’n kykNET Blou Fiësta Spesiale Toekenning vir bydrae tot die uitvoerende kunste in Suid-Afrika. Hierdie sukses maak dat sy deur Cape Town City Ballet raakgesien en as Handelsmerk- en Borgskapbestuurder gewerf word. Benewens haar professionele prestasies, getuig haar betrokkenheid as medestigter en redakteur van die aanlyn tydskrif Campus Culture en skepper van die To-may-to To-mah-to Podcast van haar inisiatief, kreatiwiteit en entrepreneursgees.

`n Paar vrae aan me. Franci van den Berg:

Wat was dadelik vir jou opvallend toe jy by Bloemhof begin werk het?

• Wat my dadelik opgeval het , was hoe naby my kantoor aan die snoepie is! Op ’n ernstige noot: die sterk gevoel van gemeenskap — almal werk saam en daar is ’n opregte trots in die skool. Die energie van die leerders en personeel is aansteeklik, en daar is ’n besondere balans tussen tradisie en ’n vars, moderne ingesteldheid. Jy voel vinnig jy is deel van iets spesiaal.

As jy vir Bloemhof ’n nuwe leuse kon uitdink, wat sou dit wees?

• Bloemhof: Dis ’n meisieskool… natuurlik is ons reg

Met me. Van den Berg se kreatiewe visie en mnr. Van der Westhuizen se passie vir ontwikkeling en uitdrukking, lyk die toekoms van Bloemhof se kommunikasie en dramatiese kunste besonder belowend.

Welkom by Bloemhof – ons hoop dat julle tuis in julle maroen, vlootblou en wit sal voel.

Junie Eksamenwenke: Voorbereiding vir die Eksamen

deur dr. Carla Bezuidenhout

Met die Junie-eksamen om die draai, is goeie voorbereiding die sleutel tot sukses. Begin betyds met ’n realistiese studierooster wat jou help om die werk in hanteerbare dele op te breek. Fokus daarop om jou werk deeglik te verstaan eerder as om net te memoriseer, en maak seker jy hersien gereeld.

Onthou, ondersteuning is beskikbaar. Leerders is welkom om ’n afspraak te maak by ons Opvoedkundige Sielkundige, dr. Carla Bezuidenhout, of Berader, me. Jeanne-Marie Kriel. Kontakbesonderhede is beskikbaar by tannie Laurentia in die kantoor.

Ma- en Dogter Piekniek

Huis Bloemhof se jaarlikse Ma- en Dogter-piekniek het op Donderdag, 16 April 2026, in die koshuis se vierkant plaasgevind. Hierdie geliefde tradisie bied jaarliks ’n kosbare geleentheid vir moeders, oumas en ander ma-figure om saam met hul dogters kwaliteittyd te geniet en nuwe herinneringe te skep.

Die sagte liggies, kleurryke lanterns en ideale weer het ’n warm en gesellige atmosfeer geskep. Elke ma en dogter het in hul gunsteling pastelkleure verskyn, wat bygedra het tot die kleurvolle karakter van die aand. Op piekniekkombersies is daar rustig saam gekuier, stories gedeel en bande versterk.

Gaste is bederf met heerlike Kirsten’s roomys, wat groot aftrek gekry het, terwyl twee retro-fotohokkies vir hope pret en baie lag gesorg het. Hier kon ma’s en dogters saam foto’s neem om die spesiale geleentheid vas te vang.

Die aand is verder opgehelder deur verskeie gelukkige trekkings. Baie dankie aan elke ouer wat bygedra het met bederfpryse, asook aan Stelkor Apteek en Paul Roos Kwikspar vir hul ondersteuning.

Die geleentheid was ’n groot sukses en het nie net die unieke band tussen ma’s en dogters gevier nie, maar ook die hegte susterskapgees van Huis Bloemhof opnuut beklemtoon.

Tennis Nuus uit Botswana

Charlotte Bouwer het die afgelope twee weke in Gaborone, Botswana, aan internasionale ITF-tennistoernooie deelgeneem en haar uitstekend van haar taak gekwyt.

By die J30 ITF-toernooi, ’n toegangsvlakkompetisie waar spelers hul eerste internasionale ranglyspunte kan verdien, het Charlotte sterk vertonings gelewer. Sy het tot in die semi-finaal gevorder in beide die enkel- en dubbelspelafdelings, wat haar konsekwentheid en mededingende ingesteldheid duidelik beklemtoon.

Sy het hierdie vorm voortgesit by die J60 ITF-toernooi, ’n meer mededingende vlak met hoër ranglyspunte op die spel en sterker internasionale deelname. Hier het sy voortgebou op haar sukses en is sy as kampioen in beide die enkel- en dubbelspelafdelings gekroon.

Provinsiale Eer vir Chrystal Conradie

Ons deel met trots dat Chrystal Conradie haar Westelike Provinsie Kleure vir Synchronised Ice Skating ontvang het – ’n uitstaande mylpaal in haar sportloopbaan.

Chrystal se toewyding en harde werk het haar hierdie provinsiale erkenning besorg, en sy verteenwoordig nou met trots die Wes-Kaap op ys.

Sy neem van 10–12 Mei deel aan die Nasionale Kampioenskap, waar sy saam met haar span, Team Velocity, teen die land se beste spanne sal meeding.

Netbalnuus

Bloemhof se netbalspanne het ’n besonder aktiewe twee weke beleef, met ’n vol program van wedstryde oor verskeie ouderdomsgroepe, asook liga- en vriendskaplike kragmetings teen sterk opposisie.

Die B- tot F-spanne het sterk deelname gelewer, met talle oorwinnings teen ’n verskeidenheid teenstanders. Verskeie spanne het besonder goeievertonings gelewer met ‘n meerderheid onoorwonne wedstryde, wat die diepte van Bloemhof se netbalprogram beklemtoon.

In die liga teen Parel Vallei, wat onder aangepaste reënomstandighede gespeel is, het Bloemhof sterk kompeterende vertonings gelewer met ’n mengsel van oorwinnings, twee gelykop uitslae en enkele nederlae onder die AB-spanne. Die wedstryde is gekenmerk deur hoë intensiteit spel en goeie spangees.

Die wedstryde teen Durbanville, wat ook volgens ’n reënprogram aangepas is, het gemengde resultate opgelewer met beide sterk oorwinnings en uitdagende wedstryde teen taai teenstand.

Hokkienuus

Bloemhof se hokkiespanne het oor die laaste drie weke ’n vol en suksesvolle wedstrydprogram teen verskeie skole beleef, asook deelgeneem aan die Winelands-hokkietoernooi.

Oor hierdie tydperk is goeie uitslae oor al die ouderdomsgroepe heen behaal met ’n groot aantal oorwinnings teen HS Stellenberg, Herschel, Parel Vallei en Springfield. Verskeie spanne het oortuigende seges behaal, terwyl enkele gelykopuitslae en naelbyt wedstryde vir groot spanning gesorg het.

Die eerste reeks wedstryde was teen HS Stellenberg, waar Bloemhof met verskeie oorwinnings en gelykopuitslae uitstekend gevaar het. Dit is opgevolg deur sterk vertonings teen Herschel, waar Bloemhof in al hul wedstryde suksesvol was.

Teen Parel Vallei is daar besonder sterk vertonings gelewer met ’n groot aantal oorwinnings deur verskeie spanne, gevolg deur verdere sukses teen Springfield, waar goeie spanwerk en aanvallende spel uitgestaan het.

’n Hoogtepunt van hierdie drie weke was die deelname aan die Somerset College Winelands-hokkietoernooi, waar Bloemhof se spanne uitstekende resultate behaal het, insluitend ’n 3de plek vir o.19B en top-4-plasings vir o. 14B en o. 16B.

Ons sien uit na alles wat nog in die komende weke wag. Volgende week verskyn ’n spesiale All Girls’ Festival uitgawe, gewy aan al die hoogtepunte, prestasies en stories van hierdie besonderse geleentheid.

Toekomstige leiers: LOK 2026

LOK, Bloemhof se Leierskapsontwikkelingskonferensie, het op 24 Maart sowat 140 leerders bymekaargebring om leierskap prakties te verken en te ontwikkel.

Gassprekers ds. André Oosthuizen, ’n leraar en Bloemhof-ouer, en mnr. Jannie de Villiers, rektor van Paul Roos Gimnasium, het nie net insig gedeel nie, maar ook inspirasie gebied, met die klem dat leierskap nie net in titels lê nie, maar in invloed en voorbeeld.

Bloemhof Welstand

deur Dr. Carla Bezuidenhout

Dit was ons voorreg om verlede kwartaal die kliniese sielkundige en motiveringspreker, Nicky Abdinor by die skool te kon verwelkom. Sy het haar lewensverhaal en uitdagings met die leerders gedeel, maar ons ook geïnspireer met haar boodskap om in onsself te glo en ons eie kritiese stem stil te maak; om te fokus op dié dinge wat ons wel kan doen, in plaas daarvan om die meerderheid van ons tyd en energie te spandeer aan gedagtes oor dinge waarmee ons nie goed is nie; en om met ‘n dankbaarheidsperspektief te leef.

Teen die einde van verlede kwartaal was dit heerlik dat ouers saam met onderwysers ‘n glasie kon klink. Die doel van die geleentheid was beslis nie die gevoel van ‘n formele oueraand “vibes”, soos die kinders sal sê, nie. Dit was ‘n geleentheid vir ouers om hul kinders se onderwysers te kon ontmoet. Dankie aan elke ouer wat die geleentheid saam met ons kom geniet het.

Bloemhof groet: Dankie vir die pad saam

Bloemhof het aan die einde van die eerste kwartaal afskeid geneem van drie gewaardeerde personeellede.

Me. Anél Joubert, drama-opvoeder, het sedert 2022 ’n belangrike rol in Bloemhof se toneelwêreld gespeel en het besluit om haar kreatiewe pad verder te volg.

Mnr. Gideon Janse van Rensburg, fasiliteitebestuurder sedert 2018, was ’n staatmaker wat ’n groot bydrae tot die skool se infrastruktuur en daaglikse funksionering gelewer het. Hy het na die korporatiewe wêreld vertrek.

Mnr. Stephan Meyer, wat vir meer as ’n dekade by Bloemhof betrokke was en as kommunikasiebestuurder ’n groot impak gemaak het, het by Hoërskool Parel Vallei aangesluit as senior bemarkingsbeampte.

Dramadrome: Op die verhoog

Mikayla Koen is as deel van The Stage Performing Arts Studio, as nasionale finalis in die Procenium-dramakompetisie aangewys. Sy is uit ongeveer 400 nasionale deelnemers wat aan die eerste rondte deelgeneem het, as een van die top 70 finaliste gekies. Die finale rondtes sal van 6 tot 9 Mei in die Artscape plaasvind. Bloemhof wens Mikayla alle sterkte toe met haar pad vorentoe.

Netbalhoogtepunte: Kragmetings in Pretoria

Bloemhof se netbalspanne het gedurende die vakansie aan die Menlopark Netbaltoernooi in Pretoria deelgeneem - die grootste skolenetbaltoernooi in die land. Dit het aan ons spelers die geleentheid gebied om teen sterk, onbekende opponente, veral uit Gauteng, kragte te meet.

Al vyf ouderdomsgroepe het waardevolle wedstrydervaring opgedoen. Die o.17- en o.15-spanne het besonder goed gevaar met sterk wenvertonings, terwyl die o.16-span goeie momentum getoon het. Die o.14-span was deurgaans kompeterend. Die eerste span het waardevolle ervaring opgedoen. Die toernooi het nie net vaardighede geslyp nie, maar ook spanwerk en karakter versterk, ’n goeie grondslag vir die seisoen wat voorlê.

Hokkiehoogtepunte: Van Johannesburg tot Stellenbosch

St. Mary’s Hokkietoernooi

Bloemhof se o.19A-hokkiespan het gedurende die vakansie aan die St. Mary’s-hokkietoernooi in Johannesburg deelgeneem, waar 32 van die land se top spanne meegeding het.

Die span het sterk begin, uitdagings op dag twee ervaar, maar indrukwekkend met ’n reeks oorwinnings later in die toernooi moedig teruggeveg. Op die laaste dag het hulle in twee taai wedstryde vasgeval en uiteindelik die 19de plek gedeel.

Hoewel dit nie heeltemal die uitslag was waarop gehoop is nie, het die toernooi waardevolle wedstrydervaring gebied en die span goed voorberei vir die res van die seisoen.

’n Spesiale dank aan Fairtree vir hul ondersteuning, asook aan St Mary’s, Waverley vir die aanbieding van ’n puik toernooi.

HMS Bloemhof Fairtree o.16 Hokkietoernooi

Bloemhof het gedurende die vakansie die jaarlikse HMS Bloemhof Fairtree o.16-hokkietoernooi aangebied, met spanne van regoor die Wes-Kaap wat aan die aksie deelgeneem het.

Drie Bloemhof-spanne het deelgeneem, en dit was ’n besonder suksesvolle toernooi vir ons hokkieprogram. Die o.16A-span het uitstekende spel gelewer en is as die wenners van die A-afdeling gekroon. Die o.14A-span het ook beïndruk en die B-afdeling gewen, terwyl die o.16B-span ’n verdienstelike vyfde plek in dieselfde afdeling behaal het.

Albei wenspanne het deurgaans sterk vertonings gelewer en uitgestaan vir hulle dissipline en spanwerk, ’n bewys van die diepte en gehalte van Bloemhof-hokkie.

Baie dankie aan al die deelnemende skole, asook aan ons borge – Fairtree, MANZI Water en Grays Hockey South Africa – vir hul onmisbare ondersteuning en bydrae tot ’n suksesvolle toernooi.

Tennistrots: Wenners op die baan

Bloemhof se tennisspelers het gedurende die vakansie uitstekende prestasies by verskeie TSA-toernooie gelewer.

By die Vrystaat Super 8-toernooi het Ella Jonker as enkelskampioen uit die stryd getree, terwyl Lisa Jonker ook dubbelsukses behaal het. By die SA Nasionale Kampioenskappe het Charlotte Bouwer uitgestaan as kampioen in beide enkels en dubbels, met verdere sterk vertonings van Ella en Lisa Jonker, asook Milla Kotze wat dubbelsukses in die o.18-afdeling behaal het.

Jonger talent het ook hul stem dik gemaak, met Anine van Eeden wat by die Cape Town Autumn minitennistoernooi tot die eindrondes deurgedring en dubbelsgoud verower het.

Atletiek: aksie, spoed en stamina

Bloemhof se atlete het gedurende die vakansie sterk vertonings gelewer by die ASA Nasionale Kampioenskappe in Germiston.

Verskeie atlete het deurgedring na die finaalrondtes, terwyl ander waardevolle ervaring opgedoen het. Die volgende prestasies is behaal:

• Daniela Viljoen (o.20): 800 m – silwer en ’n persoonlike beste

• Caylin Stickling (o.16): 200 m – brons en ’n persoonlike beste

• Lisa Steenkamp (o.18): 800 m – 4de en ’n persoonlike beste

• Jeannie Myburgh (o.18): Paalspring – 4de

• Simone van der Merwe (o.20): 800 m – 5de

• Anje de Jager (o.16): Paalspring – 6de

• Megan van Schalkwyk (o.16): Spiesgooi – 6de

• Milana Stickling (o.18): 400 m – 6de en ’n persoonlike beste

• Annemie du Plessis (o.16): 90 m hekkies – 7de en ’n persoonlike beste

• Beniece Mouton (o.16): Spiesgooi – 7de

• Lora Muller (o.16): Driesprong – 9de

• Nicah Jacobs (o.20): 3000 m – 13de

• Gize Strydom (o.16): 2000 m hindernis – 15de

• Abigail Keuler (o.16): 3000 m – 17de

• Lucia Kempen (o.16): 1500 m

Hierdie prestasies getuig van deursettingsvermoë en toewyding, en bou sterk momentum.

By die SA Biathlonkampioenskappe in Oudtshoorn het Jani Barkhuysen ook ’n verdienstelike vertoning gelewer en Bloemhof trots verteenwoordig.

Skaakskuif: Van 20ste na 4de

Noreht Nieuwoudt het gedurende die Aprilvakansie aan die Suid-Afrikaanse Junior Geslote Skaakkampioenskap in Rustenburg deelgeneem en ’n besonderse prestasie behaal. Sy het vanaf ’n beginposisie van die 20ste plek gevorder tot ’n indrukwekkende vierde plek in die o.16-meisiesafdeling.

Boogskiet: Mik na goud

Layla Viljoen het gedurende die SA Nasionale Boogskietkampioenskap in Johannesburg (26–30 Maart 2026) uitstaande prestasies gelewer en drie eerste plekke behaal: in die o.18-damesafdeling, gemengde span en streekkompetisie.

Sy het hiermee ook gekwalifiseer om Suid-Afrika by die internasionale “Veronica Cup” in Slovenië te verteenwoordig en is in die proses om haar Protea-kleure te ontvang.

Swemsterre: Golwe van sukses

Drie Bloemhof-swemmers het van 21–25 Maart aan die Suid-Afrikaanse Nasionale Junior Swemkampioenskappe in Gqeberha deelgeneem en sterk vertonings gelewer deur almal tot die finale rondtes van hul items deur te dring.

Amelie Billson het uitgeblink met ’n vyfde plek in die 1500 m- vryslagfinaal, terwyl Arabelle Grütter in verskeie items aan die finaal deelgeneem het. Arné Dreyer het ook beïndruk in die borsslagitems en in albei haar items se finale meegeding.

Nasionale tweede plek vir jong debatspan

MIA PECORARO IS ATKV SE BESTE JUNIOR DEBATTEERDER

DINIE BASSON

Die Bloemhoffers het opnuut hul uitsonderlike debatvernuf by vanjaar se ATKV-Debatsfinaal, wat op 4 Augustus 2025 by Goudini Spa plaasgevind het, bewys. Die kompetisie, wat jaarliks van stapel gestuur word om Afrikaanssprekende jongmense se redenaarsvermoë te slyp, het vanjaar weer van die land se beste jong debatteerders saamgebring — en Bloemhof het beslis hul merk gemaak.

In die junior afdeling het Ella Jonker, Mia Pecoraro en Emma Nel as naaswenners geëindig – ’n ongelooflike prestasie te midde van baie sterk kompetisie. Mia is ook as die ATKV se beste junior debatteerder aangewys.

Die juniors se onderwerp – of Suid-Afrikaanse realiteitsprogramme werklik die werklikheid weerspieël – het van deelnemers vereis om krities na populêre kultuur en sosiale invloede te kyk. Volgens Mia was dit juis dié kompleksiteit wat haar en haar span behoorlik laat dink het: “Die grootste uitdaging van vanjaar se ATKV-onderwerp was vir my om saam met my span tot ’n gemeenskaplike begrip van die term ‘werklikheid’ te kom”, sê sy. “Omdat hierdie begrip so wyd strek en verskillende mense se daaglikse ervarings, emosies en optredes insluit, was dit moeilik om op ’n duidelike definisie te besluit.”

Mia het reeds van laerskooltyd ’n liefde vir redenaars en openbare gesprek ontwikkel, maar dit is die spanwerk van debat wat haar werklik aangetrek het. “Die span-element van debatvoering het my veral geïnteresseer, en my gunsteling deel daarvan is om saam met my spanmaats te werk. Ek kon beslis nie vir beter spanmaats gevra het nie – baie dankie, Emma en Ella!”

Soos met enige groot kompetisie, was daar ook uitdagings. Vir Mia was dit veral belangrik om haar senuwees te beheer. Sy meen om aan so ’n groot kompetisie deel te neem – dit is immers die ATKV se nasionale finaal – beteken dat ’n bietjie angs gewaarborg word. “Om my senuwees te beheer, is gebed iets wat vir my baie rustigheid bring,” sê sy.

Oor haar toekenning as beste junior debatteerder sê sy nederig: “Dit was ’n groot en gelukkige verrassing. Ek sou dit nooit sonder die hulp van juffrou Van Vuuren en my spanmaats kon doen nie. Ek is baie dankbaar vir die talente wat ek ontvang het en vir almal wat dit vir my moontlik gemaak het om hierdie erkenning te ontvang.”

Vir ander jong debatteerders het Mia eenvoudige maar kragtige raad: “Om te glo dat jy iets kan doen, is altyd die eerste stap. Jy hoef nie noodwendig dadelik met kompetisies te begin nie – oefening saam met ander help baie. Moenie jou antwoorde oordink nie en vertrou op jou vermoëns.”

In die senior afdeling het Bloemhof se eie dream team Delinda Quinot en Gabbi Spammer (albei in graad 12) ook uitstekende werk gelewer en onder die top 10 nasionale spanne geëindig. Delinda is in 2024 as die beste senior debatteerder aangewys.

Met spanne wat beide tegnies vaardig en inhoudelik sterk is, bewys Bloemhof dat hulle nie net in akademie en kultuur uitblink nie, maar ook leerders voorberei om met stem en visie hul plek in die samelewing vol te staan.

Redenaars deur na nasionale finale

RADIKALE REDENAARS, OPPIE TONG AF EN MEER

LIDA DE LA BAT

Ons redenaarsleerders het hulle ook deur die jaar uitstekend van hul taak gekwyt, en hul plek in verskeie semifinale- en finale rondtes losgepraat. Talle Bloemhoffers het vanjaar met trots aan drie toonaangewende redenaarskompetisies deelgeneem: Radikale Redenaars, Oppie Tong Af, en die ATKV-redenaarskompetisie. Hulle het trots hul standpunte gestel, en vir die gehore hoop gegee vir die toekoms van ons land!

Jesse Nieman en Mikayla Koen het in die Radikale Redenaars-kompetisie deurgedring na die junior semifinale rondte, terwyl Leandri Bekker die seniors ook by hierdie rondte verteenwoordig het.

By die ATKV-kompetisie is Bloemhof goed by die semifinaal verteenwoordig, met sewe juniors en 5 seniors wat aan die semifinale rondte deelgeneem het. Hierdie leerders is: Anja van Staden, Isabella du Toit, Linda Pretorius, Mikayla Koen en Tiné van Loggerenberg in die voorbereide afdeling, en Isabella du Toit en Mia Pecoraro in die onvoorbereide afdeling.

Die senior leerders wat ons by die ATKV-semifinale rondte verteenwoordig het, is: Lara van Niekerk, Leandri Bekker, Lise Bruwer en Zea Plekker in die voorbereide kompetisie. Lara het ook ’n provinsiale vyfde plek behaal, terwyl Lise ’n provinsiale tiende plek behaal het.

In die onvoorbereide ATKV-afdeling het Delinda Quinot ’n provinsiale derde plek in die semifinale rondte behaal, waarna sy op 5 Augustus aan die nasionale finaal by Goudini Spa deelgeneem het. In haar onvoorbereide toespraak moes sy daaroor redeneer of die Nasionale Dialoog dit gaan regkry om eenheid en nasiebou onder Suid-Afrikaners te skep, al dan nie.

Anja van Staden, Isabella du Toit en Lara van Niekerk gaan ook die skool in die finale rondte van die Oppie Tong Af-kompetisie in Oktober verteenwoordig, wat in Boksburg, Gauteng plaasvind. Baie sterkte, Dames!

Ruth Golliath as mej. Feesjaar gekroon

’N SKOONHEIDSKOMPETISIE WAAR PRET DIE OORHAND HET

STEPHAN MEYER

Dit is nie jou tipiese skoonheidskompetisie nie, en die wenner van vanjaar se Mejuffrou Feesjaar is ewe buitengewoon. Wou sy wen? Nee – sy wou nie eers inskryf nie. Maar die beoordelaars én die gehoor was dit eens: Ruth Goliath was die aand se gunsteling.

Ruth is een van tien matrikulante wat op 23 Julie aan die VRL se mej. Feesjaar deelgeneem het en is as die aand se wenner gekroon. Hayley Basson en Kirsten van Reenen, as haar twee prinsesse, was die naaswenners. Die drie wenners het elk met ’n Isa Carstens-geskenkpak en geskenkbewyse van THE CREATED weggestap. Annalien Spies (gr. 11) is aangewys as 2026 se Vonkelmeisie.

Ruth erken dat sy glad nie gedink het sy gaan wen nie. “Ek weet nie wat is denial in Afrikaans nie, maar ek is steeds daarin,” sê sy. Sy wou aanvanklik nie vir mej. Feesjaar inskryf nie, maar ’n maat het haar oorreed om dit te doen. “Dis danksy Liela van Zyl, want sy het my oortuig. Liela het net gesê: ‘Ruth, skryf in, jy’t niks om te verloor nie.’ Nou is ek is glad nie spyt ek het ingeskryf nie!”

Die “kompetisie” – dit was eerder ’n geleentheid om pret te hê, meen die deelnemers – is deur vier beoordelaars beslis. Hester-Helene Burger, Isa Carstens Academy se uitvoerende bestuurder, is deur drie oudleerders bygestaan: Anine Smit (M: 2021), Abigail Reynolds (M: 2022) en Liza Human (M: 2024). Liza, wat die afgelope twee jaar baie sukses as ’n Instagram-smaakmaker beleef, het geen bekendstelling nodig nie. Anine is self ’n model en word deur Topco Models verteenwoordig, terwyl Abigail as ikoniese lid van 2022 se Geeskomitee wéét wat dit verg om persoonlikheid te hê.

Buiten Ruth, Hayley en Kirsten het Linki-Mari Volschenk, Lasea Andrag, Yara Langeveldt, Lia West, Millie Hurter, Anais de Beer en Mieke Eek elk aan drie rondtes deelgeneem. Eers moes hulle ’n bekende duo uitbeeld, daarna was die kategorie “Só sal jy my nooit sien nie” en uiteindelik kon hulle in pragtige rokke van Papilon Dress Hire op die loopplank verskyn.

Die top 5-deelnemers – Ruth, Mieke, Haley, Kirsten en Millie – is aangekondig en moes elk ’n vraag beantwoord. Dit was veral hier waar Ruth die gehoor se harte gewen het toe sy vertel hoe spesiaal die gedenkstaptog van 14 Maart 2025 vir haar was. Dís waar sy geweet het sy is deel van iets groter as syself.

Die beoordelaars het nie lank nodig gehad om te weet watter dame die kroon moes kry nie, maar het wel ’n oomblik geneem om op die twee prinsesse te besluit, want die punte het soos ’n Bloemhof-merietelys gelyk.

Vir Ruth was almal wenners. “En ek weet dis ’n cliché, maar ek dink daar was nooit enige bad blood tussen ons nie. Ons het almal voor die wenners aangekondig is, mekaar omhels en ons metgeselle het ook vir ons gesê hoe goed ons gelyk het. Daar was nie regtig enige kompetisie tussen ons nie, en dit was wat dit so spesiaal gemaak het.”

Ruth noem dat die metgeselle – hoofsaaklik manne van PRG, maar ook ’n Hoërskool Stellenbosser – beslis tot die aand se sukses bygedra het. “Ek sou nie gewen het as dit nie vir Jan-Jan [Nel] was nie. Hy moes Dinsdag rugby oefen en kon nie by die repetisie wees nie, so ek moes saam met Linki oefen en toe vir Jan-Jan verduidelik wat hy moes doen. Maar hy het die middag voor die kompetisie opgedaag, ek het vir hom gesê ‘Jan-Jan, ons moet oor twee ure hierdie en dan daardie doen’, en hy het net opgedaag. Hy het vir my my oomblik gegee en vir my agter die verhoog gesê ‘Ruth, jy gaan wen’. En hy was reg.”

Veels geluk aan elke deelnemer, maar ook aan die VRL wat, saam met juffrou Dinie Basson, vir ’n heerlike aand gesorg het.

Nuwe leerderleiers verkies

VRL, HUISLEIERS EN HK AANGEKONDIG

STEPHAN MEYER

Kwartaal drie begin met die opwindende (en senutergende) verkiesing van ons Verteenwoordigende Raad van Leerders (VRL) en vanjaar het 162 Bloemhoffers in grade 8 tot 11 hulself verkiesbaar gestel. Die verkiesing van Huisleiers – met 45 kandidate – het ook plaasgevind en, nadat daar op Maandag 4 Augustus elektronies gestem is, kon die demokratiese proses op Vrydag 8 Augustus met die aankondiging van ons nuwe leerderleiers ten einde loop.

Vir die VRL word vier leerders in graad 8, 9 en 10 verkies, met 10% (14 leerders) uit die graad 11-groep. Veels geluk aan hierdie leerders wat vir die VRL vir die termyn 2025/2026 verkies is:

• Graad 8: Lara Greeff, Lané Grobler, Jesse Nieman en Lila Pienaar .

• Graad 9: Zani Boezaart, Charlotte Bouwer, Mia Pecoraro en Amelia van Olst.

• Graad 10: Martelize Geduldt, Daniella le Hanie, Nichola Pienaar en Helen-Mari Stofberg.

• Graad 11: Tachin Adams, Chanika Arnolds, Mieke Britz, Mari du Plessis, Tertia du Plessis, Chani du Preez, Isabel Lutz, Tamryn Rousseau, Olivia Schwartz, Lara Smalberger, Annalien Spies, Melite Stimie, Janka Strauss, Simone van der Merwe.

Vanjaar is 18 huisleiers – ses per huis – verkies. Dit is anders as die nege (drie per huis) wat in die verlede aangekondig is. Me. Liezl Balt, die skakelonderwyser vir die huisleiers, verduidelik:

Veels geluk aan ons nuwe dirigente:

• Huis Hofmeyr: Mia Botha, Jana Brand, Mieka Cronje, Makayla du Plessis, Lara Gericke en Emma Watts.

• Huis Joubert: Lara Jooste, Chanteé King, Mikyla Lacock, Lindsey Laurent, Alet Lourens en Karla Prinsloo.

• Huis Neethling: Megan Swanepoel, Lana Swart, Esti van Rensburg, Daniela Viljoen, Isabella Visagie en Emmerie Walters.

Ook Huis Bloemhof het vir hul nuwe Huiskomitee (HK) gestem en die volgende graad 10’s en 11’s is verkies:

• Graad 11: Mia Botha, Lise Bruwer, Tertia du Plessis, Lara Gericke, Kaylie Herbst, Kyla le Roux, Alet Lourens, Tamryn Rousseau, Annalien Spies, Janka Strauss, Simone van der Merwe en Emma Watts.

• Graad 10: Martelize Geduldt, Mienke Kempen, Nichola Pienaar, Lisa Steenkamp en Elaine van Harte.

Die skool en koshuis se hoofleiers is op Maandag 25 Augustus tydens die leiers se inhuldigingseremonie aangekondig: Bloemhof se hoofdogter vir 2025/26 is Tachin Adams, met Chanika Arnolds wat as onder-hoofdogter verkies is. In Huis Bloemhof dra Janke Strauss die hoofdogterbalkie, terwyl Kaylie Herbst die onder-hoofdogter is. Ons deel in ons volgende uitgawe meer nuus oor ons nuwe hoofleiers.

Bloemhofbondprys-finaliste bekend

ONDERHOUDE MET SES MATRIEKS GEVOER

STEPHAN MEYER

Die Bloemhofbond, ons oudleerdervereniging, het vanjaar ses kandidate gekortlys wat om die gesogte Bloemhofbondprys meeding. “Meeding” is natuurlik nie die regte woordkeuse nie, want al ses van hulle is treffende voorbeelde van leerders wat die skool se waardes uitleef en daarin glo dat bande met hul klasmaats en met hul alma mater ná skool behou moet word. Ons het vir Kate Cornelissen, Lise de Villiers, Jo-Vene Sales, Gabbi Spammer, Bea Visser en Amelie Ward genader om te hoor wat is lekker (en minder lekker) van skool, wat dit beteken om ’n “Bloemhoffer” te wees en wat hulle vandag vir hul graad 8-self sou sê.

Kate, wat beteken dit vir jou om ’n "Bloemhoffer" te wees?

Vir my beteken dit om ’n meisie te wees wat opreg omgee vir ander, altyd bereid is om ’n helpende hand uit te steek wanneer dit nodig is. So iemand oordeel nie ander nie, en behandel almal met gelyke respek. Sy is ’n pligsgetroue jong dame wat altyd haar beste voet vorentoe sit en met ’n positiewe gesindheid na die lewe kyk.

Wat is die lekkerste deel van skool? En dan die omgekeerde… Wat is die deel van skool waarvan jy die minste hou?

Toneel. En Wiskunde.

Indien Bloemhof ’n sesde waarde by OWARI kon voeg, wat sou dit wees? En hoekom juis daardie waarde?

Samewerking, die rede hoekom Bloemhof werklik werk. Niemand doen enigiets alleen nie, daar is samewerking in alles wat ons aanpak. Ek sien samewerking as die sesde waarde van Bloemhof, omdat dit elke leerder laat voel asof sy deel van iets groter is. Daar is altyd ’n helpende hand. Samewerking speel ’n sleutelrol in verskeie aspekte van die skool, soos kultuur, akademie en sport. Dit is juis danksy hierdie samewerking en spanwerk dat Bloemhof so uitblink en as een van die topskole beskou word.

As jy nou vir jou graad 8-self iets kon sê, wat sou dit wees?

Ek sou vir my graad 8-self sê dat sy nog haar plek in die skool sal vind en dat sy net geduldig moet wees. Sy gaan nog soveel van haarself ontdek, sy moet net aanhou om haar beste voet voor te sit. Daar is soveel wat op haar wag, dinge waarvan sy nie eens nou kan droom nie. Sy gaan nuwe passies ontwikkel in dinge waarin sy nooit voorheen belang gestel het nie, en sy gaan uiteindelik ’n tweede familie by die skool vind. Ek hoop net sy weet: die beste lê nog voor.

Lise, wat beteken dit vir jou om ’n "Bloemhoffer" te wees?

Om 'n Bloemhoffer te wees is om deel van iets groter as jyself te wees. ’n Bloemhoffer is dankbaar om omring te wees met mense wat mekaar ondersteun in die strewe na uitnemendheid. ’n Bloemhoffer is nie tevrede met gemiddeldheid nie en probeer altyd ander rondom haar ophef. Daarom vier ’n Bloemhoffer nie net haar eie prestasies nie, maar put sy net soveel vreugde daaruit as haar susters goed doen.

Wat is die lekkerste deel van skool? En dan die omgekeerde… Wat is die deel van skool waarvan jy die minste hou?

Die saamdoen-aktiwiteite in Bloemhof is vir my ’n hoogtepunt. My eerste ervaring daarvan was vier jaar gelede tydens die graad 8-verwelkomingsweek waar ons besef het hoe afhanklik ons as jaargroep van mekaar is. 4M en Prestige Atletiek, Wintersweek en, natuurlik, Interskole vorm deel van die lekkerste oomblikke van saamdoen. Die opwinding van massabank en geesweek sal menigte Bloemhoffer vir altyd as hoogtepunte onthou. Ek hou die minste daarvan om afskeid te neem. By Bloemhof beweeg ’n mens deur verskillende fases van ontwikkeling en ontmoet jy ’n verskeidenheid mense. Om afskeid te neem, of dit nou van ’n onderwyser of ’n goeie vriendin is, is nie maklik nie. 'n Bekende klaskamer gee sekuriteit, maar soms is dit ook nodig om na ’n nuwe omgewing aan te beweeg om hoër hoogtes te bereik. Dis met ’n traan in die oog dat ek elke jaar by uitstapdag ’n blom aan ware sussies oorhandig.

Indien Bloemhof ’n sesde waarde by OWARI kon voeg, wat sou dit wees? En hoekom juis daardie waarde?

Ek sal “Susterskap” as ’n sesde waarde aanbeveel. Susterskap het al so deel van ons alledaagse lewe geword dat ’n mens kan sê dis deel van Bloemhof se DNS. Hierdie waarde van ondersteuning en meelewing tussen Bloemhoffers is sigbaar en gee vir Bloemhof ’n unieke identiteit.

As jy nou vir jou graad 8-self iets kon sê, wat sou dit wees?

Ek sou vir my graad 8-self gerusstel deur vir haar te sê dat terugslae en struikelblokke in haar skoolloopbaan normaal is. Dit vorm boustene vir die persoon wat sy uiteindelik gaan wees as sy die skool verlaat. ’n Teruslag mag nooit die einde van ’n droom beteken nie, maar behoort eerder ’n lewensles te wees om uiteindelik die droom te bereik. Selfs al word oorspronklike drome nie waar nie, help hierdie ervarings jou om in die toekoms ander uitdagings suksesvol te oorkom. Daarom sal ek die graad 8-Lise aanmoedig om nie ’n geleentheid te laat verby gaan waaroor sy later spyt sal wees nie.

Jo-Vene, wat beteken dit vir jou om ’n "Bloemhoffer" te wees?

Om ’n Bloemhoffer te wees, beteken om deel te wees van ’n trotse en hegte gemeenskap. Dit beteken dat ek die waardes van die skool uitleef, soos respek, dissipline en verantwoordelikheid. As Bloemhoffer kry ek die geleentheid om nie net akademies te groei nie, maar ook in sport en kultuur my talente te ontwikkel. Dit beteken dat ek vriendskappe kan bou wat vir altyd sal hou en dat ek saam met ander leerders as ’n span kan staan. Vir my is dit ook ’n groot voorreg om die naam van my skool met trots en waardigheid te dra en om te weet dat ek voorberei word vir ’n suksesvolle toekoms.

Wat is die lekkerste deel van skool? En dan die omgekeerde… Wat is die deel van skool waarvan jy die minste hou?

My oggend Marimbas sal vir altyd die beste en lekkerste gedeelte van skool wees. Dis iets kleins, maar ek het ALTYD daarna uitgesien. Ek het baie hegte vriende daardeur gemaak. Asook om tydens Interskole die koor te hoor sing en die debat te hoor. Die kultuur was altyd lekker!

Die deel waarvan ek die minste gehou het? Die akademiese druk. Veral hoe die eksamen- asook toetsroosters soms opgestel is. Dit het baie druk op baie leerders gesit, myself ingesluit. Ons het natuurlik daaruit geleer en gegroei, maar in die oomblik was dit sleg.

Indien Bloemhof ’n sesde waarde by OWARI kon voeg, wat sou dit wees? En hoekom juis daardie waarde?

Ek hou van die uitspraak van OWARI, so toe dink ek ’n mens kan dit onveranderd hou deur ’n “E” aan die einde by te voeg. Ek voel die volgende is baie gepas, veral omdat hoërskool nie die maklikste tydperk in jou lewe is nie, maar juis van die lekkerste vyf jare behoort te wees. “Eensgesindheid” – om in harmonie saam met ander te werk met gedeelde waardes en doelwitte. Of “Energie” – die bereidwilligheid en krag om take met lewenslus en ywer aan te pak. Of selfs “Entoesiasme” – ’n positiewe, opgewonde houding teenoor mense, werk of uitdagings.

As jy nou vir jou graad 8-self iets kon sê, wat sou dit wees?

BEGIN NOU AL LEER VIR SKEINAT EN BIO! Ek lag nou, maar op ’n ernstiger noot: Moet nooit bang wees om jouself te wees nie. Jy hoef nie in te pas deur iemand anders te probeer wees nie; jou eie unieke self is genoeg. Werk van die eerste dag af hard, want elke toets, elke taak en elke les bou jou vir die toekoms. Moenie wag tot later om ernstig te raak nie, begin nou al.

Ek sou ook sê: gebruik elke geleentheid wat jy kry, of dit sport, kultuur of leierskap is. Jy weet nooit waar jy jou talente en passies gaan ontdek nie. En as jy sukkel, moenie stilbly nie. Vra hulp by jou onderwysers, jou vriende of selfs by jou familie.

Onthou om balans te behou: skool is belangrik, maar jou geluk en jou herinneringe tel net so baie. Maak tyd vir jou vriende en geniet die mooi oomblikke, want die tyd gaan vinniger verby as wat jy dink.

So, graad 8-ek: wees positief, glo in jouself en geniet elke oomblik van hierdie reis – want jy gaan besef dis van die mooiste jare van jou lewe.

Gabbi, wat beteken dit vir jou om ’n "Bloemhoffer" te wees?

Voor ek Bloemhof toe gekom het, het ek gedink dat almal in Bloemhof net dieselfde soort toppresteerder in akademie en sport is. Ek besef nou dat “Bloemhoffer” nie nét één ding is nie. Dit maak nie saak wat jou passie is nie, Bloemhof ondersteun jou in elke manier moontlik. ’n “Bloemhoffer” is iemand wat passievol is en nie bang is om die moeilike dinge van die lewe aan te pak nie.

Wat is die lekkerste deel van skool? En dan die omgekeerde… Wat is die deel van skool waarvan jy die minste hou?

My gunstelingdeel van skool is om verhoudings te kan bou met die mense rondom my. Die vriende wat ek in Bloemhof gemaak het, is die tipe mense wat ek glo jy net een keer in jou lewe raakloop, en ook net as jy gelukkig is. Hoe bevoorreg is ek nie om sommer ’n klomp van hulle te hê nie. My onderwysers het nie net vir my teorie aangebied nie, maar het ook vir my ’n veilige plek gegee waar ek myself kon uitdruk en meer van myself leer.

Oor die minder lekker deel van skool kan ek nou seker ’n generiese antwoord gee soos dat ek nie daarvan hou om huiswerk te doen of vroeg op te staan nie, maar as ek eerlik is, sal ek moet sê: Die ding waarvan ek die minste van skool hou, is dat ek nie in die klas koffie mag drink nie.

Indien Bloemhof ’n sesde waarde by OWARI kon voeg, wat sou dit wees? En hoekom juis daardie waarde?

Geduld. Ek glo geduld is een van die moeilikste, maar belangrikste waardes en eienskappe wat ’n persoon kan hê. ’n Mens moet geduldig met ander en jouself wees as jy sukses wil bereik. Ek glo hierdie sou ’n belangrike waarde wees om in Bloemhof na te streef juis omdat ons leerders hul beste wil doen en in daardie proses vind ’n mens jouself gedurig in ’n posisie waar jy te streng en ongeduldig met jouself is.

As jy nou vir jou graad 8-self iets kon sê, wat sou dit wees?

Ek sou vir haar sê dat niks so moeilik is soos wat jy dink nie. Sy moenie bang wees om haarself te druk en nuwe goed te probeer nie. Ek sou ook vir haar sê dat sy nie moet voel dat sy perfek moet wees nie. Dit gesê, moet sy ook nie van ander verwag om perfek te wees nie. Mense maak foute, maar hoe hulle dit regstel, is wat werklik tel.

Bea, wat beteken dit vir jou om ’n "Bloemhoffer" te wees?

Om ’n Bloemhoffer te wees, is om ten alle tye die beste weergawe van myself na te streef in ’n liefdevolle ruimte, omring deur susterskap.

Wat is die lekkerste deel van skool? En dan die omgekeerde… Wat is die deel van skool waarvan jy die minste hou?

Ek is mal daaroor om rondom mense te wees en dit is vir my ’n groot voorreg om elke dag met ’n verskeidenheid mense in Bloemhof te werk. Die slegste deel… Dubbel periodes (tensy dit Geskiedenis is).

Indien Bloemhof ’n sesde waarde by OWARI kon voeg, wat sou dit wees? En hoekom juis daardie waarde?

Vertroue. Ek glo dat vertroue in jouself, vertroue in jou geloof en vertroue in die susterskap rondom jou in Bloemhof ’n kardinale rol in jou ontwikkeling as ’n leerder sowel as ’n volwassene speel.

As jy nou vir jou graad 8-self iets kon sê, wat sou dit wees?

Moet nooit in jou eie vermoëns twyfel nie en wees te alle tye jouself.

Amelie, wat beteken dit vir jou om ’n "Bloemhoffer" te wees?

Om ’n Bloemhoffer te wees, beteken dat jy jou navy skoolbaadjie langs die atletiekbaan dra, ten spyte van die hitte. Dit beteken dat jy sal help om ’n mede-Bloemhoffer se Duitse vlegsels te vleg, al ken jy hulle van geen kant af nie. Dit beteken dat jy die Bloemhof-trots voel wanneer die skoolliedwysie op die klavier tydens ’n saalbyeenkoms begin speel. Om ’n Bloemhoffer te wees, is nie net iets om oor te spog nie, dit is ’n gevoel. ’N Gevoel wat slegs gevoel kan word wanneer jy werklik Bloemhof “beleef”.

Wat is die lekkerste deel van skool? En dan die omgekeerde… Wat is die deel van skool waarvan jy die minste hou?

Niks maak my só opgewonde soos ’n massabank, geesbou-week of die 4M-kreet nie! Bloemhof se gees het vir my nog altyd bo die res van die ander skole uitgestaan, en dit laat my sommer trots voel om net daaraan te dink. Die gevoel van passie, susterskap en trots wat ek tydens enige geesbou-aktiwiteit ervaar, sal ek vir niks verruil nie.

Die een ding waarvan ek die minste van skool hou, is die feit dat ons vir ses ure lank elke dag ’n swaar rugsak vol handboeke en werkboeke moet ronddra. Tegnologie word al hoe meer geïmplimenteer by skole reg oor die wêreld, en aanlyn studiegidse is 100% meer gerieflik as ’n dik, swaar handboek. Dit sal definitief baie tyd en moeite spaar, asook meer doeltreffend wees, vir leerders en onderwysers, as die leerders tegnologie kan gebruik om hul werk makliker te voltooi. Dit is meer eko-vriendelik, en ek glo dat geen tiener meer met ’n swaar skoolsak sal rondstap nie.

Indien Bloemhof ’n sesde waarde by OWARI kon voeg, wat sou dit wees? En hoekom juis daardie waarde?

’n Sesde waarde wat ek by OWARI sou voeg, is eerlikheid. Alhoewel die woord OWARIE steeds dieselfde as OWARI uitgespreek sal word, is eerlikheid ’n waarde wat in elke skoolverwante omgewing toegepas kan word. Om eerlik te wees met ’n onderwyser, vriendin of selfs jouself is ’n lewensvaardigheid wat jou slegs kan bevoordeel in enige situasie.

As jy nou vir jou graad 8-self iets kon sê, wat sou dit wees?

Geniet elke geleentheid wat Bloemhof bied, en pak elke situasie met ’n glimlag en ’n positiewe gemoed aan. Neem foto’s van alles, want hierdie vyf jaar vlieg vinnig verby! Raak betrokke by sport, kultuur of probeer iets heeltemal nuuts. Die belangrikste ding wat ek vir my graad 8-self kan sê, is om selfvertroue te hê. Jy hoef nie alles “uitgefigure” te hê nie; daag net op, deel jou opinies en probeer jou beste!

Welkom, juffrou Steenkamp!

EN BABA BALT – BERNARD – IS OOK HIER!

STEPHAN MEYER

Aan die einde van verlede kwartaal het ons vir mej. Monique Taljaard gegroet, maar kon haar weer as mev. Monique Steenkamp terugverwelkom. Sy is tydens die vakansie met Divan Steenkamp getroud – veels geluk!

Mev. Liezl Balt is ook terug nadat sy in Februarie op kraamverlof gegaan het. Sy en haar man JB is ’n pragtige seuntjie, Bernard, ryker.

Sport: Terugblik op vakansietoernooie

NETBALSPELER, DRIE HOKKIESPELERS IN SA-SPANNE

STEPHAN MEYER

Met die derde kwartaal wat goed op dreef is, is daar báie sportnuus om te dek. Ons deel in hierdie uitgawe die Julie-hoogtepunte en fokus in ons volgende uitgawe op die drie nasionale hokkietoernooie waar Bloemhof se o.14, o.16 en o.19A-spanne puik presteer het, asook die hoogtepunt wat vanjaar se Interskole was.

NETBAL

Talle Bloemhof-netbalspelers het tydens die Julie-vakansie aan nasionale en streekstoernooie deelgeneem en veral drie Bloemhoffers het beïndruk:

• Simoné Dry (gr. 12) is as deel van die o.19 NSA-oefengroep geïdentifiseer waaruit ’n span gekies sal word om in Desember aan die Region 5-jeugspele deel te neem.

• Tachin Adams (gr. 11) is in die SA o.17 se top 35-squad opgeneem. Sy is ook deel van die Wes-Kaapspan wat derde by die All Ages-toernooi eindig.

• Lisa Steenkamp (gr. 10) verwerf haar nasionale kleure en is tot die die SA o.16-span verkies – ’n baie groot prestasie.

Die Wes-Kaapspanne neem aan die All Ages-toernooi deel waar dié netbalspanne met Bloemhof-spelers die volgende uitslae behaal:

• Annemie du Plessis (o.14 Oaks) – 3de

• Mila-Mari Bolz (o.14 Cedars) – 7de

• Dalinda Nel (o.15 Oaks) – 5de

• Lisa Steenkamp (o.16 Cedars) – 9de

• Tachin Adams (o.17 Cedars) – 3de

• Nell Basson (o.18 Cedars) – 1ste

• Mariaan Bruwer (o.18 Willows) – 7de

By die Interdistriktoernooi draf ’n aantal Bloemhoffers vir die Kaapse Wynlande uit. Hul netbalspanne behaal almal podiumplekke:

• o.14: Minki Human en Nikki Janse van Rensburg – 2de

• o.16: Mi-Ly van der Merwe en Lilah Meyer – 2de

• o.17: Lia Kotze – 3de

• o.18: Mila Bester en Simoné Dry – 1ste

Simoné het ook die Wynlande se o.18-span by die Telkom Netball Challenge verteenwoordig waar hulle span 3de geëindig het.

Bloemhof o.16A’s eindig 7de nasionaal!

Bloemhof se o.16A-netbalspan het ’n nasionale 7de plek by die 2025 SASN nasionale kampioenskap verower toe hulle in Boksburg, Gauteng, gaan deelneem het.

Die span het hul uitspeelwedstryde almal gewen, maar teen Johannesburg se Helpmekaar Kollege vasgeval. In ’n naelbytstryd verloor hulle net-net teen Paarl Gim, maar wen weer hul laaste wedstryd teen die Noord-Kaapse Hoërskool Duineveld. Hul volledige uitslae is soos volg:

• wen Sikhulule Sekondêr 15-2

• wen Danville Park GHS 13-7

• wen HS Ben Vorster 15-11

• wen Kwetlisong Sekondêr 18-9

• verloor 7-16 teen Helpmekaar Kollege

• verloor 13-15 teen HS Paarl Gimnasium

• wen HS Duineveld 14-7 om 7de te eindig.

Veels geluk aan die span en hul afrigter, me. Zelda Botha! Ons sê ook dankie aan die spanbestuurder, me. Lida de la Bat, en al die ouers wat saamgereis het.

HOKKIE

Dit was ’n belowende Julie-vakansie vir die Bloemhof-hokkiespelers en drie van ons leerders het SA-kleure verwerf.

Veels geluk aan ons hokkiekaptein, Elré Oosthuizen (gr. 12) wat in die SA o.18B-span opgeneem is. Twee graad 9-Bloemhoffers, Zani Boezaart en Klara-Lea Basson het die SA o.16A-span gehaal – voorwaar ’n groot prestasie!

Hulle het, saam met ’n aantal ander Bloemhof-spelers, die Boland in interprovinsiale toernooie verteenwoordig waar hul hokkiespanne die volgende uitslae behaal:

• Elré Oosthuizen (o.18A) – 1ste plek

• Emeri Botes, Lise de Villiers en Nina Stanich (o.18B) – 3de plek

• Klara-Lea Basson en Zani Boezaart (o.16A) - 3de plek

• Elaine van Harte en Madelie Botes (o.16B) - 10de plek

• Jesse Nieman en Lila Pienaar (o.14A) – 3de plek

• Bella Grobbelaar, Manina Stofberg en Mila Moolman (o.14B) – 1ste plek.

Die Boland se C-spanne het aan streekstoernooie deelgeneem waar die o.16C-span (met Carli Bayer en Micha de Wet) 5de eindig en die o.14C-span (met Isabella du Toit) 2de eindig.

Klara-Lea Basson is boonop by die ITP's as die toernooi se beste o.16-verdedigende speler aangewys en al drie Boland o.14-spanne spog met Bloemhof-kapteine: Lila (o.14A), Bella (o.14B), en Isabella (o.14C).

TENNIS

Bloemhof het vanjaar ’n hele aantal tennisspelers in die Boland Cavelierspan, en dié span het tydens die Julie-vakansie teen die WP gespeel.

• Mia Pecoraro, Jana Steyn, Lara van der Vyver, Megan Mackie en Lisa Jonker verteenwoordig die o.15-Bolandspan, wat die WP 72-69 wen.

• Die spelers in die o.19-span – Marlia Nel, Lara Potgieter, Mari-Anna van Rooyen en Petà Kruger – het ook die WP gemaklik gewen toe hulle op 21 Julie kragte gemeet het.

Dit was weer ’n vakansie vol tennistoernooie vir die HMS Bloemhof se Milla Kotze (gr. 11).

Sy neem eers aan die WTA W15-tennistoernooi in Hillcrest, KZN deel waar sy ongelukkig nie vir dié professionele toernooi se hoofrondte enkels kwalifiseer nie. In die hoofrondte dubbels vorder sy en haar spanmaat tot die kwarteindrondte waar hulle teen die uiteindelike kampioene die knie moes buig.

Daarna reis sy na Windhoek waar sy saam met drie ander jong vroue Suid-Afrika by die Region 5-Jeugspele verteenwoordig – Milla is heel links op die foto. Sy keer met drie medaljes terug: Goud vir spankompetisie, goud vir die gemengde dubbels en brons vir vrouedubbels. Dis ’n báié groot prestasie, Milla! Veels geluk!

Tydens die wintervakansie het Bloemhof se Jonker-sussies Ella (gr. 9) en Lisa (gr. 8) aan verskeie tennistoernooie deelgeneem.

• Albei kraai koning in die Ethekwini Grand Prix, met Ella wat die o.16- en Lisa wat die o.14-afdeling wen. Daarna het Ella 5de in die Durban Amex Super 8 geëindig. Lisa het ongelukkig in die finaal verloor.

• By die Gauteng Super 8-tennistoernooi eindig Lisa 2de in die o.14-afdeling terwyl Ella derde in die o.16-afdeling eindig.

SWEM

Die afgelope swemseisoen het Bloemhof se swemmers nie net die skool met trots tydens die Boland Liga, Super Schools Swim-off, Speedo Super Schools, 4M en Interskole teen Oranje verteenwoordignie, maar ook in die Swem Suid-Afrika se streeks- en nasionale byeenkomste.

Bloemhof se swemkaptein, Jana Lombard (gr. 12), het die Wes-Kaap se senior provinsiale span by die Senior Nasionale Kampioenskappe in Gqeberha (Port Elizabeth) verteenwoordig. Dié byeenkoms bied aan swemmers die heel hoogste vlak van kompeterende swem in die land. Alhoewel Jana die semi-finaal in die 50m-vlinderslag en 50m-rugslag naelskraaps mis, teken sy in vyf van haar ses individuele items persoonlike beste tye aan.

Die Junior Nasionale byeenkoms is by die Universiteit van Wes-Kaapland gehou en verteenwoordig die land se hoogste vlak van kompetisie in ouderdomsverband. Ook hier presteer Bloemhoffers baie goed en al ons swemmers het by hierdie byeenkoms ten minste een finale in hulle onderskeie ouderdomsgroepe gehaal:

• Maric de Roubaix (gr. 12) – 4de in die 1500m-vryslag

• Jana Lombard (gr. 12) – 5de in die 50m-vlinderslag

• Mi-Ly van der Merwe (gr. 10) – 7de in die 200m-rugslag en 9de in die 50m-rugslag.

• Arné Dreyer (gr. 9) – 10de in die 100m-borsslag

Amy Beetge (gr. 12) het die kwalifiserende tyd vir die Junior Nasionale byeenkoms net-net gemis, maar het aan die Vlak 3-byeenkoms deelgeneem en twee goue medaljes verower: in die 100m- én die 200m-borsslag.

Nog ’n Bloemhoffer wat golwe maak, is Kay-Lee Mouton (gr. 10).

Kay-Lee is deur die Tapergo Aquatics Swemklub aangewys as die beste ope-water swemmer vir die 2024/25 seisoen. Hierdie eer het haar te beurt geval nadat sy die Wes-Kaap by die Suid-Afrikaanse Nasionale Ope-waterkampioenskappe in Maart vanjaar verteenwoordig het. Hier het sy die ouderdomsrekord gebreek het toe sy die jongste persoon geword het om die 33 km oor Valsbaai – van Viller’s Point tot in Rooiels – te swem.

ATLETIEK

Daniela Viljoen (gr. 11) was deel van die SA span wat in Julie aan die Afrika Jeugkampioenskappe deelgeneem het. Saam met haar span wen sy ’n silwer medalje in die Sweedse aflos.

BUITESPORT

Danae Storm (gr. 10) het aan die begin van Augustus aan die Wynlanddistrik Gimnastiekkompetisie (vlak 9) deelgeneem, waar sy die eerste plek op die brug en ’n algehele derde plek behaal het. By die provinsiale kompetisie in Saldanhabaai verteenwoordig sy die Wynlandspan waar sy weer ’n algehele derde plek – en haar Wes-Kaapkleure – verower. Volgende aan die beurt is die nasionale kompetisie wat op 6 Oktober in Gauteng plaasvind. Ons wens jou sterkte toe, Danae!

By die Nasionale Binnenshuise Boogskietkompetisie het Layla Viljoen (gr. 10) die eerste plek ingepalm en daarmee saam haar SA-kleure verwerf. Veels geluk, Layla!

Simone van der Merwe (gr. 11) het aan die Wes-Kaap Baithle en Triathle Kampioenskappe deelgeneem en ’n 2de plek in albei vir meisies o.19 behaal. Sy kwalifiseer vir die SA Kampioenskappe wat in Oktober in Nelspruit plaasvind.

Katja de Villiers (gr. 11) het vir die Suid-Afrikaanse o.18-raakrugbyspan in Limerick, Ierland uitgedraf toe hulle aan die einde van Julie aan die Atlantic Youth Cup deelgeneem het. Dié span haal die semi-finaal, waar hulle nouliks teen Frankryk verloor. In die stryd om die derde plek, behaal die Suid-Afrikaners ’n oorwinning van 7-6 oor Walles om met brons medaljes terug te keer.

Netbal

Netbal teen HMS La Rochelle (25 Julie 2025)

• o.14A verloor 16-18, o.14B wen 22-9, o.14C wen 14-13, o.o.14D wen 31-5, o.14E wen 14-12, o.14F wen 21-4, o.14G wen 19-1, o.14H wen 11-4

• o. 15A speel 19-19 gelykop, o.15B wen 24-13, o.15C wen 29-11, o.15D wen 27-8, o.15E wen 9 - 5

• o. 16A wen 24-14, o.16B wen 24-10, o. 16C wen 29 -6

• o. 17A wen 27- 8, 17B wen 31-20

• o. 19B verloor 19-20

Netbal teen HS Stellenbosch (25 Julie 2025)

• o.15F wen HS Stellenbosch o.15C 17 - 6, o.15G wen 13-3 teen HS Stellenbosch o.14D, o.15H verloor 3-10 teen HS Stellenbosch o.14E,

• o.16F wen HS Stellenbosch o.15D 20-0

Netbal teen Barnard Castle School (toerspan – 30 Julie 2025)

• o.16C wen 34-6, o.17C wen 35-12

Netbal teen Rhenish GHS (Wintersweek – 1 Augustus 2025)

• o.14A wen 18-14, o.14B wen 17-5, o.14C wen 20-0 ,o.14D wen 23-3

  o.14E wen 17-1, o.14 F wen Rhenish o.14C 11-3 teen, o.14G speel 10-10 gelykop teen Rhenish o.14D, o.14H verloor 2-13 teen Rhenish o.14E

• o.15A wen 20-9, o.15B wen 23-3, o.15C wen 30-0, o.15D wen 27-1 ,o.15E verloor 7-10 teen Rhenish o.15B ,o.15F wen Rhenish o.15C 6-3, o.15G wen Rhenish o.15D 15-7, o.15H wen Rhenish o.15E 10-6

• o.16B verloor 8-14 teen Rhenish o.16A, o.16B wen 17-4, o.16C wen 24-9 ,o.16D wen 12-5, o.16 E wen Rhenish o.16C 17-3, o.16 F wen Rhenish o.16D 11-2 ,

• o.17A wen 22-10, o.17B wen 25-7, o.17C wen 24-3, o.17D wen Rhenish o.17B 12-9

• o.18A wen 37-11, o.18B wen 22-13, o.18C verloor 8-16 teen Rhenish o.18B

Netbal teen HS Durbanville (2 Augustus 2025)

• o.14B wen 21-18, o.14C gelykop 13-13, o.14D wen 18-11, o.14E wen 22-7, o.14F wen 31-2

• o.15C verloor 15-16, o.15 D verloor 11-17, o.15E verloor 9 - 23, o.15F verloor 4 - 10, o.15G wen 25 - 5

• o.16C verloor 11-24, o.16D verloor 18-31, o.16E verloor 11-17

• o.17B wen 25 -18, o.17C wen 26-17, o.17D wen 29-5

• o.18A wen 35-23, o.18B verloor 20-25, o.18C verloor 12-20, o.18D verloor 17-25

Netbal teen HS Bellville (8 Augustus 2025)

• o.14A wen 38-10, o.14B wen 43-3, o.14C wen 31-12, o.14D wen 36-3, o.14E wen 28-3, o.14F wen 32-1, o.14G wen 18-8, o.14H verloor 8-10

• o.15A wen 21-20, o.15B wen 22-13, o.15C wen 34-7, o.15D wen 26-9, o.15E verloor 12-14, o.15F wen 19-7, o.15G verloor 2-20 teen Bellville o.15E, o.15H verloor 6-10 teen Belville o.15F

• o.16A wen 31-14, o.16B wen 24-13, o.16D wen 21- 13, o.16D wen 21-18, o.16E wen 25-3, o.16F wen 26-3

• o.17A wen 22-14, o.17B wen 28-8, o.17C wen 47-3, o.17D wen 22-9

• o.18A wen 34-23, o.18B wen 30-17, o.18C speel 17-17 gelykop, o.18D speel 17-17 gelykop

Hokkie

Hokkie teen Wellingborough, Sevenoaks & Barnard Castle (Britse toerspanne – 24, 26 & 30 Julie 2025)

• o.19B wen Wellingborough 4-0

• o.16A wen Sevenoaks 13-0, o.19A wen Sevenoaks 5-1

• o.16C speel 0-0 gelykop teen Barnard Castle 0-0, o.19C wen Barnard Castle 2-0

Hokkie teen HMS La Rochelle (25-26 Julie 2025)

• o.14A wen 1-0, o.14B wen 2-0, o.14C wen 5-0

• o.16A wen 3-0, o.16B wen 2-0, o.16C wen 11-0, o.16D wen 6-0

• o.19B wen La Rochelle o.19A 2-0, o.19C wen 3-0

Hokkie teen Springfield Convent (30 Julie 2025)

• o.14A wen 1-0, o.16A wen 4-0, o.19A wen 1-0

Hokkie teen Rhenish GHS (Wintersweek – 1 Augustus 2025)

• o.14A speel 1-1 gelykop, o.14B wen 1-0, o.14C wen 2-1

• o.16A wen 3-1, o.16B speel 1-1 gelykop, o.16C verloor 0-1, o.16D wen 2-0

• o.19A verloor 0-1, o.19B wen 2-1, o.19C wen 1-0

Hokkie teen HS Bellville (8-9 Augustus 2025)

• o.14B verloor 2-0

• o.16B wen 1-0, o.16C wen 7-0, o.16D wen 5-0

• o.19C wen 2-1, o.19D wen 3-0

Vakatures beskikbaar

Bloemhof adverteer tans ses vakatures – help ons asb. om die regte kandidate te bereik deur ons advertensie op ons sosiale media te deel of om die onderstaande advertensie aan potensiale kandidate te stuur.

Phoenix: Civviedae en insamelings vir res van 2025

Baie dankie aan elke ouer en leerder wat ’n bydrae tot ons vorige civviedag ten bate van CANSA gemaak het. Saam met die Cuppa for CANSA-damestee is daar ’n ongelooflike R120 000 ingesamel! Meer hieroor word in die volgende uitgawe van die Bloemhof Brokkies gedeel.

Ons laaste civviedag vir die jaar, 5 September, ondersteun die Alta du Toit-skool. Hulle hou op 20 September ’n Fun Run, en Bloemhof se atletiekspan en komitees gaan ook daar deelneem en ’n bydrae maak.

Skryf vir die #IAMABLE Fun Run in

Ons groot insameling vir Kwartaal 3 is weer vir Nagskuiling. Vir die afgelope agt jaar ondersteun Bloemhof hierdie projek deur items vir hul Kerspakkies in te samel. Dankie solank aan elkeen vir julle ondersteuning – elke klasleier het reeds die lys ontvang vir die Kerspakkies.

Voorskou: Oktober is Borskankerbewusmaking
Ons gaan solank begin met die bewusmaking van Borskankermaand. In Oktober gaan Bloemhof die I Love Boobies-projek ondersteun deur onder meer die insameling van “gently-used-bras”.

Rig gerus enige navrae aan me. Venessa de Beer by venessa@bloemhofschool.co.za

Speletjiesaand: Kom deel in die pret!

Die Bloemhofbond se jaarlikse pa-en-dogter-speletjiesaand is om die draai! Kaartjies is HIER via Quicket beskikbaar.

Om in die Bloemhof Brokkies te adverteer, kontak asb. vir mnr. Stephan Meyer by kommunikasie@bloemhofschool.co.za. Meer inligting oor advertensiegeleenthede en kostes is HIER beskikbaar.

• Die DBO hou hul jaarlikse uitnemendheidstoekennings, en raai wie is weer #1?!

• Ons gesels met ons nuwe hoofleiers

• Interskole: hier is die hoogtepunte

Ons doen moeite om die Bloemhof Brokkies so akkuraat as moontlik te publiseer, maar rapporteer asb. foute, deel nuus of gee algemene terugvoer HIER.

Help! Die Bloemhof Brokkies het werklik meer hande nodig. Leerders wat graag wil help om stories te skryf, kan vir dr. Revington (marietjie@bloemhofschool.co.za) kontak of haar in kamer 26 besoek. Fotograwe kan met mnr. Stephan Meyer (kommunikasie@bloemhofschool.co.za) gesels.

Baie dankie aan hierdie uitgawe se medewerkers – almal wat gehelp skryf het, foto’s verskaf het en met die proefleeswerk gehelp het.

Redakteur en samesteller: mnr. Stephan Meyer – stuur gerus ’n e-pos aan kommunikasie@bloemhofschool.co.za om in verbinding te tree.

Netbalspan na nasionale finaal

O.16A’S IS WES-KAAPKAMPIOENE; SEWE SPELERS IN WES-KAAPSPANNE

STEPHAN MEYER

Bloemhof se o.16A-netbalspan het tydens die stormagtige naweek van 7 Junie self ’n storm losgespeel toe hulle by SANS (Suid-Afrikaanse Skole Netbal) se Wes-Kaapkampioenskappe al hul wedstryde gewen het. Die sege tussen die provinsie se topspanne het by die HS Parel Vallei plaasgevind.

Ons o.16’s het tot in die kwarteindronde deurgedring waar ’n maklike oorwinning oor die HS Milnerton (19-5) tot ’n senutergende semi-finaal gelei het. ’n Doel deur Lilah Meyer (gr. 10) in die laaste oomblikke het die oorwinning van 12-11 oor die HS Paarl Gimnasium beklink.

Die finaal teen die HS Stellenberg was ’n toonbeeld van pragtige netbal, en met ’n eindtelling van 18-16 word Bloemhof as die o.16-kampioene gekroon. Dié oorwinning was veral spesiaal vir hul afrigter, me. Zelda Botha, wat daardie dag verjaar het.

Baie sterkte aan Mi-Ly van der Merwe, Lené van den Heever, Lilah Meyer, Mienke Shaw, Lize van Rooyen, Lisa Steenkamp, Fransceska Coetzee, Anri Oosthuizen en Nina van Reenen (almal graad 10) wat van 31 Julie tot 2 Augustus aan die SASN Nasionale Netbalfinaal in Boksburg gaan deelneem! Me. Botha (afrigter) en me. Lida de la Bat (spanbestuurder) sal die span vergesel.

IN ANDER NETBALNUUS

• Ons o.17A-netbalspan het op 21 Junie na Bredasdorp gereis waar hulle aan die Wes-Kaapkampioenskappe deelgeneem het. Hulle dring tot in die kwarteindrondte deur, waar hulle uitval. Dit bly nietemin ’n wonderlike prestasie om op daardie vlak te kan deelneem – veels geluk!

• Oudleerder Lara Ehlers (matriek 2024) – verlede jaar se o.18A-netbalkaptein – is in die SA-netbalspan opgeneem wat van 4 tot 13 Julie aan die 11de Region 5 Jeugspele in Namibië gaan deelneem. Sasha-Lee Peterson, ons voormalige o.18A-afrigter, is deel van die afrigtingspan. Veels geluk, Lara en Sasha-Lee!

• Ons is geweldig trots op ons netbalspelers wat die Wes-Kaap en die Kaapse Wynlande gaan verteenwoordig. Sewe spelers is in Wes-Kaapse spanne opgeneem, en ses sal vir Kaapse Wynland-spanne uitdraf:

  

  

Lekker verjaar, juffrou Bosch!

SKOOLHOOF SE EERSTE VERJAARSDAG BY BLOEMHOF GEVIER

STEPHAN MEYER

Wat ’n lekker bederf: Om op die eerste dag van die wintervakansie te kan verjaar… Dit is wat op ons skoolhoof, me. Maré Bosch, wag wat môre (28 Junie) haar verjaarsdag vier.

“Vandag is ons almal saam om Juffrou se effens vroeë verjaarsdag te vier,” het hoofdogter Carlin Keuzenkamp geskerts toe die Bloemhoffers reeds op 26 Mei – voordat die eksamen begin het – haar eerste verjaarsdag by Bloemhof gedenk het.

Me. Bosch se verjaardagvieringe het egter reeds op 14 Mei begin toe die koshuis haar verjaarsdag gevier het, en in haar boodskap aan die skool erken die skoolhoof dat sy “nog nooit so lank en so lekker verjaar nie… Ek verjaar hierdie jaar van 14 Mei tot 28 Junie en dit is vir my nog steeds ’n ongelooflike voorreg om by hierdie skool te wees.”

Die VRL het onder meer vir haar op ’n skattejag deur die skool gelei en gehelp om ’n geskenk van die skool vir haar te laat maak: ’n Raam met vyf gedroogde blomme.

“Elke blom in daardie raam verteenwoordig elke graad,” het Carlin verduidelik. “Die hibiscus verteenwoordig die graad 8’s, die siklaam die graad 9’s, die lelie die graad 10’s, die roos die graad 11’s en die orgidee verteenwoordig die matrieks. Alhoewel daar nog baie blomme in die toekoms deel gaan vorm van Juffrou se “bosch”, is hierdie raam ’n simbool van Juffrou se eerste jaar by Bloemhof en haar grade in 2025.”

Die personeel het onder meer vir hul skoolhoof ’n spesiale boekie met verjaarsdagboodskappe, foto’s en kunswerke gemaak, en op haar beurt het me. Bosch die personeel op die laaste skooldag van die kwartaal met koek-en-tee trakteer.

• Blomme is jare lank reeds deel van verjaardagtradisies by Bloemhof; ons vier immers die skool se verjaarsdag met blou, rooi en groen blommekranse. In die Bloemhof 150-gedenkboek word mej. Lucie Joubert se 1921-verjaarsdag (ook haar laaste as skoolhoof) só onthou: “Getrou aan die skool se naam is Miss Lucie se verjaardag op 29 Oktober – gepas in die lentetyd – met blomme gevier. Die Bloemhoffers het die skoolsaal met blomme getooi…”

• Me. Bosch het vinnig in die leerders se harte geklim. “Dis min wat ’n mens ’n skoolhoof kry wat ’n mens groet met ’n drukkie…” het Nell Basson (onderhoofdogter) op 26 Mei aan die leerders in die saal gesê. Me. Bosch het die leerders bedank dat hulle in die eerste vyf maande haar gehelp het om so tuis by Bloemhof te voel.

• Bea Pool (gr. 9) het die volgende gedig vir me. Bosch geskryf; dit is ook op 26 Mei deur Martelize Geduldt (gr. 9) vir die skool voorgelees:

  

Bloemhoffer slaan ’n plek in SA-span los

MILLA KOTZE VERWERF NASIONALE KLEURE VIR TENNIS

STEPHAN MEYER

Bloemhof se nommer 1-tennisspeler, Milla Kotze (gr. 11), het haar SA-kleure verwerf en neem in die Julie-vakansie aan die Region 5 Jeugspele in Namibië deel. Sy is een van slegs vier meisies wat vir die span gekies is.

Hulle sal teen verskeie tennisspanne van Suider-Afrika kragte meet en ons hou vir die jong Proteas duime vas. Veels geluk met hierdie merkwaardige prestasie, Mila!

IN ANDER TENNISNUUS:

• Ella Jonker (gr. 9) en haar sussie Lisa (gr. 8) het einde Mei in die TSA ProKennex Autumn-toernooi gespeel. Ella het die WS-afdeling (vroue enkelspel) gewen, en Lisa het die o.14GS (meisie enkelspel), o.14GD (meisie dubbelspel) en 0.14MX (gemengde dubbelspel met Liyema Mancoba van Paul Roos Gimnasium) gewen.

• Nina van Eeden (gr. 12) neem in die vakansie aan ’n oefenkamp in die Amerikaanse deelstaat Florida deel. Sy reis saam met vier spelers van Rhenish en een speler van Girls’ High – baie sterkte, Nina!

Arrivederci, Bea!

DIE BLOEMHOF-RAGAZZA GROET

STEPHAN MEYER

Beatrice Atturo (17) het in Augustus 2024 as uitruilstudent uit Rome, Italië by Bloemhof aangekom en, ten spyte daarvan dat sy geen Afrikaans verstaan het nie en die keuse gehad het om eerder Rhenish by te woon, besluit sy wíl ’n Bloemhoffer word. Sy het die Engelsklasse bygewoon (soms sommer Home Language én FAL), en ook IGO geneem. Soms was sy ook in die geskiedenisklas wanneer daar films en dokumentêre gekyk is.

Tydens die kwartaal se laaste saalbyeenkoms het sy die geleentheid gehad om haar Bloemhoffamilie te groet:

Wat is die één ding wat vir haar uitgestaan het? Sy noem natuurlik dat die uniform vir haar baie mooi was en dat sy bly is sy kon “baadjietrots” ervaar. “But mostly Bloemhof made me understand the importance of inclusion. Inclusion with a smile, with a hug, with a compliment, or with compassion. I want to leave this school saying one thing: I understood that the key, in life, is support. Because it’s through support that we grow, that we feel seen, that we find the strength to become who we’re meant to be.”

Beatrice vlieg eersdaags terug Rome toe, en sy erken dat sy tog na die huis verlang. Maar sy keer weer in Oktober vir die matriekafskeid terug. Ons het dus nog nie die laaste van die Bloemhof-ragazza gesien nie!

Grazie per essere una di noi. Tu, Bea, sarai per sempre una Bloemhoffer.

Bloemhofbond het nuwe dagbestuur

2004-HOOFDOGTER TOT VOORSITTER VERKIES

STEPHAN MEYER

Op Donderdag 5 Junie is ’n nuwe dagbestuur vir die Bloemhofbond – ons oudskolierevereniging – verkies.

Veels geluk aan die nuwe voorsitter, me. Barbara-Jeanne Slazus (2004), wat by die uittredende voorsitter, me. Hette-Lize Marshall, (Walters, 1991) oorneem. Die nuwe ondervoorsitter is me. Jean Rossouw (Carinus, 1994) terwyl me. Liesl Visser (Van Rensburg, 2004) as die nuwe tesourier sal dien.

“Die Bondbestuur is baie opgewonde oor die nuwe seisoen wat voorlê,” sê me. Slazus, wat in 2004 Bloemhof se hoofdogter was. “Ons dink kreatief en strategies oor hoe om die volgende hoofstuk met energie en vars idees aan te pak.” Sy meen dit is vir die nuutverkose bestuur belangrik om ou bande te versterk, nuwe geleenthede te skep, en die netwerk van oudleerders lewendig en relevant vir die 21ste eeu te maak.

Op die Bloemhofbond se Instagram en Facebook-blad skryf me. Ronél Sperling, wat as die Bond skakelbeampte dien, dat hulle na die leiding en visie van die nuwe dagbestuur uitsien. “Ons weet dat hulle die werk met toewyding en entoesiasme sal aanpak. Ons bring ook ’n spesiale woord van dank aan die uitgetrede voorsitter, Hette-Lize Marshall, (Walters, 1991) vir haar lojale diens, jarelange harde werk en waardevolle ondersteuning aan die Bond. Haar bydrae het ’n blywende impak gemaak en ons wens haar alles van die beste toe vir die toekoms.”

Mejuffrou Feesjaar op 23 Julie gekroon

ONTMOET DIE 10 FINALISTE

DINIE BASSON

Tien matrikulante sal op Woensdag 23 Julie op die sentrumverhoog te sien wees in die VRL se Mej. Feesjaar-kompetisie. Dié geleentheid word met trots deur Isa Carstens Academy, THE CREATED en Papillon Dress Hire ondersteun.

Watter een van die finaliste was al op die hoogste piek in Afrika? Watter een wil neus-in-die-lug in Frankryk gaan rondloop? Watter een was al in die tronk? Ons het vir elk van die finaliste gevra om ’n interessante feit oor hulself met ons te deel, drie dinge te lys wat hulle graag doen en vir ons te vertel wat hulle hoop om ná Bloemhof te bereik. Mnr. Stephan Meyer het dié foto’s van die meisies geneem.

• Anais het in graad 10 Kilimanjaro geklim.

• Sy hou daarvan om avonture aan te pak, met haar sussie tyd te bestee, en om saam met haar familie vakansie te hou.

• Haar motto: “Moenie die lewe te ernstig opneem nie.”

• Ná skool wil sy ’n plastiese chirurg word.

• Linki-Mari hou van insekte en vang graag spinnekoppe.

• Sy hou daarvan om video’s te maak, skryf graag gedigte en DJ dikwels in haar kamer.

• Haar motto: “Be kind to everyone, even if they aren’t with you.”

• Wat wil sy ná skool gaan doen? In Ibiza gaan DJ, natuurlik!

• Hayley het haar hele lewe lank gedink haar hond was ’n tefie en vir HOM die naam Bella gegee totdat sy eendag die biologiese aspekte verstaan het en agtergekom hy was ’n reun. Maar sy naam bly Bella.

• Sy hou daarvan om te hardloop, saam met mense te wees en bak graag.

• Haar motto: “It’s not that deep.”

• Haar droom vir die toekoms? Om ’n Matie te wees en dan wil sy graag eendag in die stad in groot kantore gaan werk.

• Kirsten meen sy kan deur enigiets slaap indien jy haar uitlos.

• Sy hou juis van slaap, maar ook om nuwe plekke te verken en te lees.

• Haar motto: “Werk hard, speel hard.”

• Sy wil ná skool Frankryk toe gaan om aromachology te studeer. Dis reukpsigologie, of die wetenskaplike studie van reuk se invloed op emosies en gedrag.

• Mieke bieg dat sy in die laerskool haar handboeke vir pret gelees het en van toe af nooit weer aan een geraak het nie.

• Sy bring graag tyd saam met haar vriende deur, maar hou daarvan om te sing en probeer graag om klavier te speel.

• Haar motto: Leef lig, lag hard, en laat gaan wat jou nie dien nie.

• Mieke se planne vir volgende jaar is om “net so ’n lekker tyd soos op skool te hê”.

• Yara kan nie koffie drink nie, maar wil eendag “spin” – en nee, dit het niks met katte, weefstof of fietse te doen nie. Dit verwys na die opwindende en soms gevaarlike motorsport waar hoë spoed en sirkelvormige bestuurstyle met toertjies (wat binne en buite die voertuig uitgevoer word) gekombineer word.

• Sy hou daarvan om kunstig te wees en alleen te wees. Sy kyk graag spinning.

• Haar motto: “There’s no such thing as a life better than yours”. – uit “LOVE YOURZ” deur J. Cole.

• Ná skool wil sy gaan studeer, ’n lewe vir haarself maak, terug kan gee en die lewe net geniet.

• Millie is deel van ’n kompeterende gesin en hulle race mekaar elke jaar in die Cape Town Cycle Tour.

• Sy hou daarvan om te gaan bergklim, bestee graag tyd saam met haar vriende en familie en is mal oor Desembervakansies by die see.

• Haar motto: “All our dreams can come true, if we have the courage to pursue them.” – Walt Disney

• Millie hoop om ná Bloemhof net een ding te wees: “ek wil die beste weergawe van myself word.”

• Lia het ’n ervaring soos min: “Toe ek vyf jaar oud was, het ons Amerika toe gevlieg, maar moes ’n noodstop in Duitsland maak sonder visums en eindig toe op in die tronk vir ’n aand…”

• Sy hou daarvan om in die winkels rond te stap, tyd met haar vriendinne deur te bring, en om in die see te swem.

• Haar motto is dan juis heel gepas: “Just keep swimming.”

• Ná skool hoop sy om die wêreld plat te reis en die geleentheid te kry om op verskillende plekke te gaan werk.

• Ruth oefen elke dag van haar lewe en gaan hopelik eendag die Comrades hardloop. Al kan sy nie eers ’n goeie eier bak nie, het sy ander talente – soos die vermoë om ál die woorde van die Mamma Mia-film uit haar kop te ken.

• Sy hou van draf (met ’n Comrades-droom moet ’n mens!), sy is mal oor gesels en gaan graag saam met haar ma na winkelsentrums toe.

• Haar motto is Jeremia 29:11: “For I know the plans I have for you,” declares the Lord, “plans to prosper you and not to harm you, plans to give you hope and a future.”

• Sy wil graag eendag ’n familieprokureur word.

Lasea is ons laaste finalis, maar het ongelukkig nie vir ons enige inligting gestuur nie.

Juniors se toneelkamp “misluk” toe nie

BAIE ENTOESIASME ONDER JONG TONEELSPELERS

DINIE BASSON

Die junior toneelgroep het op 30 en 31 Mei hul jaarlikse toneelkamp by die skool gehad. Dit was beslis ’n ervaring wat dié groep altyd sal koester en hulle “mis” die tyd wat hulle saam deurgebring het.

Vanjaar se produksie handel oor twee matrieks, Elana (Mikayla Koen) en Tina (Emma Louw) wat die tienertoneel-beoordelaars met ’n Gen Z-weergawe van die bekende toneelstuk Mis deur Reza de Wet wil beïndruk. Hul drome word egter verpletter wanneer hulle hul tegniese intrek totaal en al MISloop.

Alhoewel die kamp groot pret was, is daar ook baie hard gewerk. Die stel is geverf en die verskeie tonele is in besondere detail afgerond. Die groep se passie vir teater is die dryfkrag agter hul toewyding, entoesiasme en uithouvermoë.

MISluk sal op die volgende datums op die planke wees:

• 24 Julie by die Pronk Podium Toneelfees (HS Durbanville)

• 31 Julie by die Logan Toneelfees in Fraserburg

• 7 Augustus by die Klein Libertas Toneelfees (Drostdy-teater op Stellenbosch)

• 26 Augustus om 15:00 by die ATKV-Tienertoneel (Baxter Teater)

Dié produksie beloof beslis om een te wees wat mens nié wil MISloop nie!

IN ANDER TONEELNUUS:

Bloemhof se Chrystal Conradie (gr. 9) is op die kassie! Kyk uit vir haar in Semi-Soeter, wat nou op Netflix te sien is. Sy sal ook binnekort in die kortfilm Alma op pad te sien wees. Dit vertoon by die Silwerskermfees en die lokprent kan hier gesien word.

Bloemhoffer-dansers presteer

“CELEBRATION OF DANCE” GEHOU

STEPHAN MEYER

Elke twee jaar kom dansers vir ’n “Celebration of Dance” in Bellville byeen waar verskeie dansdissiplines – van hip-hop tot moderne dans – in die kollig is. Vanjaar het dié kompetisie se eerste rondte van 16 tot 24 Mei plaasgevind en 17 dansskole het deelgeneem.

Individuele dansers en groepe kon inskryf, maar moes die beoordelaars werklik beïndruk om vir die finale rondte te kwalifiseer – ’n minimumpunt van 85% was hiervoor nodig.

Veels geluk aan dié leerders wat almal in die finaal gehaal het:

Buitesportsoorte

Boogskiet

Layla Viljoen (gr. 10) het aan die einde van Mei aan die Knysna Loerie Quattro-boogskietkompetisie deelgeneem waar sy eerste geëindig en sommer drié nasionale rekords verpletter het! Welgedaan, Layla! Ons hou duime vas vir Protea-kleure!

Karate

Mia Visser (gr. 9) het aan die begin van Junie aan die Western Cape Martial Arts Federation se Karatekampioenskappe deelgeneem en in twee items (Kumite en Kata) derde plekke verower. Welgedaan, Mia!

Netbal

Netbal teen Rustenberg Girls’ High School (23 Mei 2025)

• o.14C wen RGHS se o.14A’s 19-10, o.14D wen die B-span 34-8

• o.15C wen RGHS se o.15A’s 30-5, o.15D wen die B-span 18-5

• o.16C verloor 21-22 teen RGHS o.16A, o.16D wen die B-span 27-5

• o.17C wen RGHS se o.17A’s 32-5

• o.19B verloor 25-37 teen RGHS se eerste span

Netbal teen HMS Paarl (30 Mei 2025)

• o.14’s: A verloor 20-21, B verloor 17-30, C verloor 10-27, D wen 16-14, E verloor 13- 20, F verloor 16-22, G verloor 4-27 en H verloor 3-22.

• o.15’s: A verloor 16-26, B wen 20-12, C wen 15-13, D verloor 15-16, E verloor 10 - 23, 15 verloor 10 - 13, G wen 14-8 (maar verloor 3-25 teen Girls’ High o.16H’s), H verloor 3-8 (en verloor 6-17 teen Girls’ High se o.14I-span).

• o.16’s: A verloor 23-28, B verloor 10-18, C verloor 14-26, D verloor 12-34, E verloor 3-27, F verloor 9-29, E wen Girls’ High o.17E’s 27-4, o.16F verloor 5-28 teen Girls’ High se o.16G’s.

• o.17’s: A verloor 20-25, B verloor 11-28, C verloor 14-16, D verloor 16-21, maar wen Girls’ High se o.17E’s 20-14.

• o.18’s: A verloor 29-34, B verloor 16-28, C verloor 12-20, D verloor 9-29.

SASN Wes-Kaapkampioenskappe (7 Junie vir o.16’s, 21 Junie vir o.17’s)

• o.16A: wen HS Hermanus 26-6, wen Nomzamo Sekondêr 15-9, wen HS Outeniqua 19-9, wen HS Milnerton 19-5, wen HS Paarl Gimnasium 12-11, wen HS Stellenberg 18-16 in die finaal.

• o.17A: wen Luhlaza Sekondêr 18-13, wen Ihlumelo Sekondêr 19-8, verloor teen HS Durbanville 11-15, verloor in die kwarteindrondte 8-21 teen HS Paarl Gimnasium.

Hokkie

Hokkie teen Rustenburg Girls’ High School (23-24 Mei 2025)

• o.14’s: A wen 3-0, B wen 1-0, C wen 3-2.

• o.16’s: A wen 4-0, B wen 10-0, C wen 6-0, D wen 4-0.

• o.19’s: A wen 4-0, B wen 4-1, C wen 4-0.

Hokkie teen HMS Paarl (30 Mei 2025)

• o.14’s: A verloor 1-3, B wen 1-0, C wen 1-0.

• o.16’s: A wen 3-0, B wen 4-1, C wen 2-0, D wen 4-0, E speel 0-0 gelykop.

• o.19’s: A speel 0-0 gelykop, B speel 1-1 gelykop, C wen 2-1, D speel 0-0 gelykop.

Doktor Geldenhuys en PRP

Al ooit gewonder waarmee Dr. Marcelle Geldenhuys besig was voordat sy by Bloemhof aangesluit het? Kyk hier hoe PRP-terapie die herstel van sportbeserings versnel!

Bloemhof 150 Musiekfees

Ons nooi die Bloemhofgemeenskap uit om op 2 Augustus om 19:00 die Bloemhof 150 Musiekfees by te woon. Kaartjies kan via Quicket bespreek word.

Mandeladag 2025: Pebbles Project Pretloop

Mandeladag val vanjaar in die skoolvakansie, maar Phoenix nooi die Bloemhofgemeenskap uit om 67 minute van hul tyd vir die Pebbles Project te gee.

Pebbles bied ’n pretdraf/stap van 4,5 km by die pragtige Villiera-wynplaas aan om Nelson Mandela se nalatenskap te vereer. Jy kan een of meer lusse van die 4,5 km-roete voltooi gedurende die 67 minute van beweging – ’n huldeblyk aan die 67 jaar wat Nelson Mandela daaraan toegewy het om vir sosiale geregtigheid te veg.

Die toegangsfooi is R100, en alle opbrengste sal Pebbles Project se programme direk ondersteun, wat kinders en gesinne in landelike boerderygemeenskappe ophef deur opvoeding, gesondheid, voeding en welstand.

Vir navrae, reik asb. uit na Erica (erica@pebblesproject.co.za) of Mignon (mignon@pebblesproject.co.za).

Om in die Bloemhof Brokkies te adverteer, kontak asb. vir me. Dinie Basson by dinie@bloemhofschool.co.za. Meer inligting oor advertensiegeleenthede en kostes is HIER beskikbaar.

• Queens: vier Bloemhoffers neem deel aan skaaktoernooi

• Bloemhofbondprys: Ons gesels met die finaliste

• Debat en Redenaars: Al die uitslae van kwartaal 2

Ons doen moeite om die Bloemhof Brokkies so akkuraat as moontlik te publiseer, maar rapporteer asb. foute, deel nuus of gee algemene terugvoer HIER. Die volgende uitgawe van die nuusbrief word vir Vrydag 25 Julie beplan.

Help skryf! Die Bloemhof Brokkies het joernaliste, redigeerders en proeflesers nodig. Gesels gerus met dr. Revington (marietjie@bloemhofschool.co.za) in kamer 26 as jy betrokke wil raak.

Foto’s vertel stories. As jy hiermee saamstem, word deel van Klub Momentum (Bloemhof se fotografie-vereniging). Kontak vir Emeri Botes in graad 12 (voorsitter) of kom gesels met mnr. Meyer (kommunikasie@bloemhofschool.co.za) – sy kantoor is langs k. 32.

Wil jy by Bloemhof adverteer? Tree in verbinding met me. Dinie Basson (dinie@bloemhofschool.co.za).

Baie dankie aan hierdie uitgawe se medewerkers – almal wat gehelp skryf het, foto’s verskaf het en met die proefleeswerk gehelp het.

Redakteur en samesteller: mnr. Stephan Meyer – stuur gerus ’n e-pos aan kommunikasie@bloemhofschool.co.za om in verbinding te tree.

96 projekte by vanjaar se Gr. 9-ekspo uitgestal

GRAAD 9’S BEDINK EN BEPROEF HIPOTESES

ERTRU HATTINGH

Donderdag 8 Mei 2025 het 157 Graad 9-leerders grootoog en opgewonde opgedaag by Bloemhof se sentrum vir die uitstalling van hul navorsingsprojekte. Hierdie was die hoogtepunt van ’n proses wat al aan die einde van hul graad 8-jaar begin het.

In Januarie 2025 het die leerders hul onderwerpe in hipoteses geskryf en is ’n onderwyser as mentor aan elke groep toegeken. Die hele proses, van die navorsingsmetode en hoe om ’n navorsingsverslag te skryf, is in afdelings opgebreek, sodat dit nie oorweldigend moes wees nie en elke stap van die proses deeglik gemonitor kon word. Die leerders kon enige onderwerp kies wat vir hulle interessant is en moes dan die volledige navorsingsstrategieë daarop toepas om hul hipotese te bewys.

Projekte kon in vier hoofkategorieë val, naamlik Wetenskaplike-, Ingenieurs-, Sosiale Wetenskap- en Wiskundige-/Teoretiese projekte. Onder hierdie vier hoofgroepe kan die projekte dan in die 13 kategorieë van die Eskom Ekspo vir Jong Wetenskaplikes verdeel word. Daar was vanjaar 96 projekte in totaal, waarvan 60 groepsprojekte en 36 individuele projekte was.

31 beoordelaars is vanaf die Universiteit Stellenbosch, Universiteit van Kaapstad, sowel as die privaatsektor gewerf. Hierdie beoordelaars kon die leerders blootstel aan ander standaarde en sieninge. Aanvanklik was die leerders baie senuweeagtig, maar soos die dag gevorder het, het die leerders die interaksie met die beoordelaars baie geniet. Elke dame was geweldig trots op wat sy gedoen het en kon met selfvertroue oor haar projek gesels.

Die beoordelaars was mateloos beïndruk met die standaard van die projekte, netheid en kreatiwiteit van die plakkate, sowel as die Bloemhoffers se entoesiasme en selfvertroue. Hulle kon ook nuttige en waardevolle voorstelle maak hoe die projekte in die toekoms verbeter kan word.

Uit hierdie 96 projekte sal daar nou 20 projekte gekies word om vanjaar aan die Eskom Ekspo vir Jong Wetenskaplikes se Wes-Kaap Streeksekspo deel te neem. Dié rondte sal op 21 en 22 Augustus plaasvind.

Ons wens die leerders alle sterkte toe met die volgende rondte en is baie trots op wat hulle tot dusver vermag het.

Dié Bloemhoffers gaan SA verteenwoordig

DANIELA EN KATJA VERWERF HUL SA-KLEURE

STEPHAN MEYER

Die Bloemhof Brokkies het reeds berig dat Daniela Viljoen (gr. 11) ’n goue medalje by Atletiek Suid-Afrika (ASA) se junior kampioenskappe gewen het, en kan nou nóg goeie nuus deel: Sy is by die SA-span ingesluit wat van 16 tot 20 Julie aan die Afrika-kampioenskappe in Nigerië gaan deelneem.

Nóg ’n Bloemhoffer is gekies om Suid-Afrika te verteenwoordig: Katja de Villiers (gr. 11) speel tans vir die WP raakrugby (touch rugby) en het in April aan die Senior Nasionale Kampioenskappe deelgeneem waar die o.21’s tot in die finaal vorder en ’n silwer medalje wen.

Hierna word sy vir die Touch Boks gekies wat van 31 Julie tot 3 Augustus in Limerick, Ierland gaan deelneem.

Raakrugby is ’n vinnige, nie-kontak weergawe van die tradisionele spel en ses spelers vorm ’n span. Een van die unieke en boeiende elemente van dié sport is die spanformaat: mans en vroue speel soms saam, wat samewerking, taktiese aanpasbaarheid en verbeterde spanwerk bevorder, berig Sport South Africa.

Katja sal die o.18- én die o.20-spanne verteenwoordig wanneer die Touch Boks by die Atlantic Youth Cup op die veld draf.

Eerste Span is Amanda Coetzer-naaswenners

STELLENBOSSERS SPOOK DIT IN FINAAL UIT

STEPHAN MEYER

Die eerste tennisspan het vanjaar as die naaswenners van die gesogte Amanda Coetzer-toernooi uit Bloemfontein teruggekeer. Vir die eerste keer in die toernooi se geskiedenis het twéé Stellenbosch-spanne om die trofee meegeding, met Rhenish wat ons net-net uitoorlê om 3-4 te wen.

Die o.15-span het in die uitspeelrondtes teen Affies vasgeval, maar wen al hul ander wedstryde om 5de te eindig.

Tydens die prysuitdeling word Milla Kotze (gr. 11) en Lara Potgieter (gr. 12) as die beste nommer 1-dubbelspaar aangewys, en Lara is ook die toernooi se beste nommer 7-speler.

Ons o.19’s behaal hierdie uitslae:

• wen HS Menlopark 7-0

• wen Meisieskool Oranje 4-3

• wen HS Waterkloof 7-0

• wen HMS Paarl 4-0 in die semi-finaal

• verloor 3-4 teen Rhenish in die finaal

Die o.15’s se uitslae lyk soos volg:

• wen HMS Paarl 12-6

• verloor 2-4 teen Afrikaans HMS Pretoria

• wen OMS o.15B 4-2

• wen HS Waterkloof 4-0

• wen OMS o.15B 5-0 om 5de te eindig

Eisteddfod-seisoen begin op ’n hoë noot vir Accelerando

UITSTEKENDE 92% BY TYGERBERG EISTEDDFOD

DINIE BASSON

Een van die beoordelaars op die Tygerberg Eisteddfod het Bloemhof se koor soos volg beskryf: “Die koor het ’n eteriese klank wat my roer. Hulle het hard gewerk en pluk die vrugte.”

Die woord ‘eteries’ word dikwels in musiek sinoniem met die woorde ‘droomagtig, delikaat, emosioneel roerend en anderwêrelds’ gebruik. Wat ’n enorme kompliment.

Die koor is vir menigte koorlede ’n plek waar hulle nie net Stellenbosch tieners is nie, maar deur middel van musiek na ’n ander wêreld kan ontsnap. Dinsdag 20 Mei, by die eerste rondte van die Tygerberg Eisteddfod, het die koor juis dit ervaar: ’n droom.

Met ’n gemiddelde punt van 92% glimlag die koor van oor tot oor. Hoewel die koor jaarliks bo 90% presteer by hierdie gesogte eisteddfod, moet dit beklemtoon word: só ’n hoë vlak van koorsang word nie harde werk, toegewydheid en vlytigheid. Die koor oefen getrou elke week, en hul sukses getuig van die ywer van elke individuele lid.

“Die koor het pragtig gesing en net so mooi gelyk!” sê die twee opvoeders aan die hoof van die koor, me. Marijke Roos (dirigent) en me. Suné van Wyk (begeleier en koorbestuurder). “Ons is regtig baie trots op hulle!”

Me. Beryl Korver, wat vir baie van die koorlede Engels gee, was Dinsdagaand in die gehoor. “It was quite extraordinary to sit down, relax and simply enjoy the music,” sê sy. “Our choir just has an aura about them. The moment they walked onto the stage, you felt their presence. The magic started even before they uttered a sound.”

Video’s van die koor se optrede kan hier gekyk word.

IN ANDER MUSIEKNUUS:

Om ’n musiekkonsert aan te bied – alles van eerste reëlings tot die laaste noot – vorm deel van die musiekleerplan en Bloemhof se senior musiekleerders (gr. 10-12) het op Woensdag 14 Mei ’n informele konsert gehou. 16 items is opgevoer en het sang, klavier, tjello en kitaar ingesluit.

Nuwe rekord vir oudleerder

MARLENE DUMAS SE “MISS JANUARY” VIR $13.6M OPGEVEIL

STEPHAN MEYER

Naas Maggie Loubser (M: 1903) is Bloemhof se bekendste oudleerder in die kunswêreld sekerlik Marlene Dumas, wat in 1971 gematrikuleer het. Dumas, wat deesdae in Nederland woon, was die laaste week in die nuus nadat een van haar olieskilderye, “Miss January”, by die veilingshuis Christies in New York onder die hamer was en vir ’n rekordbedrag van $13.6 miljoen (sowat R244 miljoen) verkoop is.

Die 1997-skildery van ’n halfnaak blonde vrou is reusagtig: 2.83m hoog en 1m breed. “Through its monumental scale and singular subject matter, Miss January is truly the magnum opus of Marlene Dumas,” verduidelik Sara Friedlander, die ondervoorsitter van na-oorlogse en kontemporêre kuns by Christie’s. “In this painting, Dumas triumphantly demonstrates a formal mastery of the woman’s body while simultaneously freeing it from a tradition of subjection, upending normalized concepts of the female nude through the lens of a male-centric history,” she added.

Dumas is bekend vir haar portrette – dikwels van vroue – wat sielkundig kompleks en emosioneel gelaai is. Haar werk verken temas wat seksualiteit, ras, hartseer, moederskap en die liggaam ondersoek, soms tot die ontsteltenis van die kyker, maar altyd tot die verruiming van denke. Die volledige portret kan hier gesien word.

“Om te skilder gaan daaroor om ’n mens se vrese te verken, maar ek voel ook dat dit op een of ander manier mooi kan wees,” sê Dumas in ’n oudiogids vir die Museum of Modern Art (MoMA) in Manhattan, New York. Sy meen een van die kriteria vir haar om ’n werk te kan doen, “is wanneer dit my ’n bietjie bang maak.”

Die transaksie het ’n nuwe rekord vir ’n lewende vroulike kunstenaar opgestel, maar dit lewer tog kommentaar op die gender gaping wat ook in die kunswêreld aanwesig is. Volgens CNN se Jack Guy word die werke van manlike kunstenaars steeds teen veel hoër bedrae as dié van hul vroulike eweknieë verkoop. “And the gender gap in valuations is a systemic issue,” sê hy. “According to 2022 BBC documentary ‘Recalculating Art’ [...] works by female artists sell for 10% of the value of those by men.”

“Amy – Back to (Homage to Amy Winehouse)” is die enigste van Dumas se werk wat tans in die Bloemhofversameling is en kan in die skool se voorportaal gesien word. Lees op bl. 163 van Bloemhof se Gedenkboek meer oor Marlene Dumas.

Boland kondig hul hokkiespanne aan

17 BLOEMHOFFERS IN BOLAND HOKKIESPANNE

STEPHAN MEYER

Vanjaar is nie minder nie as 17 Bloemhoffers tydens proewe deur Boland Hokkie vir hul spanne geïdentifiseer. Die A- en B-spanne sal later vanjaar aan interprovinsiale toernooie deelneem, terwyl die C-spanne in streekstoernooie kragte gaan meet. Die spelers wat gekies is, is soos volg:

• Boland o.18: Elré Oosthuizen (o.18A), Emeri Botes, Lise de Villiers en Nina Louw (o.18B)

• Boland o.16: Klara-Lea Basson en Zani Boezaart (o.16A), Madelie Botes en Elaine van Harte (o.16B), Carli Bayer, Gisela du Toit en Micah de Wet (o.16C).

• Boland o.14: Jesse Niemand en Lila Pienaar (o.14A), Bella Grobbelaar, Mila Moolman en Manina Stoffberg (o.14B), asook Isabella du Toit (o,14C).

“Baie geluk aan al ons Bloemhoffers wat die Boland Hokkiespanne vir 2025 gehaal het. Ons wens julle alle sterkte toe vir julle toernooie wat in die Julieskoolvakansie plaasvind,” sê me. Jamie Smith, Bloemhof se sportbestuurder vir hokkie. “Ons ondersteun julle en weet julle sal ons skool en julle ouers trots maak.”

Ander sportuitslae van die afgelope twee weke:

Netbal

Netbal teen HS Paarl Gimnasium (9 Mei 2025 by Bloemhof)

Bloemhof speel 30 wedstryde teen Paarl Gimnasium, waarvan slegs die o.16A’s en o.15H’s hul wedstryde wen. Een span, die o.17D’s, speel gelykop:

• o.14A verloor 19-24, o.14B verloor 8-14, o.14C verloor 8-25, o.14D verloor 12-18, o.14E verloor 11-18, o.14F verloor 6-17, o.14G verloor 8-14, o.14H verloor 8-14.

• o.15A verloor 17-25, o.15B verloor 18-21, o.15C verloor 11-15, o.15D verloor 9-14, o.15E verloor 10 -12, o.15F verloor 6 - 17, o.15G verloor 4-13, o.15H wen 6-4.

• o.16A wen 19-18, o.16B verloor 12-23, o.16C verloor 9-25, o.16D verloor 8-27, o.16E verloor 4-21, o.16F verloor 9-24.

• o.17A verloor 14 - 28, o.17B verloor 18 - 25, o.17C verloor 18-22, o.17D gelykop 12-12.

• o.18A verloor 22-32, o.18B verloor 5-38, o.18C verloor 10-33, o.18D verloor 3-31.

Netbal teen HS Paarl Gimnasium (12 Mei 2025 by Bloemhof)

Drie wedstryde teen Paarl Gimnasium se laer spanne het op 12 Mei by Bloemhof plaasgevind en Bloemhof het al drie dié wedstryde gewen:

• o.14G wen Paarl Gim o.14I 31-5, o.14H wen Paarl Gim o.14J 12-4, o.16F wen Paarl Gim o.16G 17-15.

Netbal teen HMS La Rochelle (13 Mei 2025 by Bloemhof)

Die A- en B-spanne speel ligawedstryde teen La Rochelle:

• o.14A verloor 12-18, o.14B verloor 20-21

• o. 15A speel gelykop 15-15, o. 15B verloor 16-17

• o.16A wen 20-19, o.16B wen 20-6

• o.17A wen 22 - 16, o.17B wen 20 - 13

• o.18A verloor 23-29, o.18B verloor 14-20

Netbal teen Bridge House (15 Mei 2025 by Bloemhof)

Bridge House se A- en B-spanne speel teen Bloemhof se laer spanne:

• o.14E verloor 11-12 teen Bridge House o.14A, o.14F wen Bridge House o.14B 19-8

• o.15E verloor 3-20 teen die o.15A’s, o.15F wen die o.15B’s 18-5

• o.16E wen die o.16A’s 12-8

• o.18C speel 16-16 gelykop teen Bridge House o.18A, o.18D verloor 8-27 teen hulle o.18B’s

Netbal teen HMS Paarl (21 Mei 2025 by Bloemhof)

Die laaste wedstryde van die A-liga is teen Girls’ High gespeel en al wedstryde word deur die Paarliete gewen:

• o.14A verloor 17-24, o.15A verloor 7-17, o.16A verloor 19-27, o.17A verloor 14-29, o.18A verloor 21-34

Hokkie

Hokkie teen HS Paarl Gimnasium (9-10 Mei by Bloemhof)

Drie spanne wen hul wedstryde teen Gim: o.16C, o.16D en o.19C.

• o.14A speel gelykop 2-2, o.14B verloor 0-4, o.14C verloor 0-2

• o.16A verloor 0-3, o.16B verloor 0-3, o.16C wen 2-1, o.16D wen 6-2

• o.19A verloor 1-2, o.19B verloor 1-2, o.19C wen 3-0, o.19D speel gelykop 1-1

Hokkie teen HS Strand (13 Mei in die Strand)

• o.16E wen HS Strand o.16B 4-1

• o.19D verloor 0-3 teen HS Strand o.19B

Hokkie teen Reddam House Constantia (16 Mei by Bloemhof)

• o.14A wen 2-0

• o.16A wen 2-1, o.16B wen die o.19B’s 5-0, o.16C wen die o.16B’s 9-0

• o.19A wen 2-1

Hokkie teen Somerset College (21 Mei by albei skole)

• o.14A wen 3-0, o.14B wen 6-0

• o.16A wen 2-0, o.16B wen 3-0

• o.19A wen 4-0, o.19B wen 9-0

Landloop

Skole-liga: Boland Landbou-byeenkoms (7 Mei 2025)

• Juniors:
  Gizé Strydom – 4de
  Nika van der Merwe – 18de

• Suniors:
  Olivia Schwartz – 2de
  Mieke Steenkamp – 4de
  Mia de Kock – 8ste
  Layla Viljoen – 11de

Skole-liga: Bridge House-byeenkoms (14 Mei 2025)

• Juniors:
  Lucia Kempen – 4de
  Chene Botha – 11de
  Mari Louw – 13de
  Nika van der Merwe – 19de
  Louise de Wet – 27ste

• Suniors:
  Olivia Schwartz – 2de
  Almi Geyser – 3de
  Mieke Steenkamp – 12de
  Mia de Kock – 22ste
  Layla Viljoen – 26ste

Samaritan’s Feet sê baie dankie!

Phoenix en Samaritan’s Feet SA wil graag vir almal bedank wat skoene tydens vandag se Civviedag geskenk het. Indien daar nog ’n paar bruikbare skoene by die huis is wat vir liefdadigheid geskenk kan word, kan dit nog tot vólgende Vrydag by die Mediateek ingehandig word.

Erekleure: Aansoekproses 2025

Aansoeke vir erekleure in sport en/of kultuur word nou ingewag. Die aansoekproses, asook die skakels na die aansoekvorms, is nou op die skool se webwerf by www.bloemhofschool.co.za/erekleure beskikbaar.

Mandeladag 2025: Pebbles Project Pretloop

Mandeladag val vanjaar in die skoolvakansie, maar Phoenix nooi die Bloemhofgemeenskap uit om 67 minute van hul tyd vir die Pebbles Project te gee.

Pebbles bied ’n pretdraf/stap van 4,5 km by die pragtige Villiera-wynplaas aan om Nelson Mandela se nalatenskap te vereer. Jy kan een of meer lusse van die 4,5 km-roete voltooi gedurende die 67 minute van beweging – ’n huldeblyk aan die 67 jaar wat Nelson Mandela daaraan toegewy het om vir sosiale geregtigheid te veg.

Die toegangsfooi is R100, en alle opbrengste sal Pebbles Project se programme direk ondersteun, wat kinders en gesinne in landelike boerderygemeenskappe ophef deur opvoeding, gesondheid, voeding en welstand.

Vir navrae, reik asb. uit na Erica (erica@pebblesproject.co.za) of Mignon (mignon@pebblesproject.co.za).

NSS-toesighouers 2025

Ons doen graag ’n beroep op ons Graad 8/9-ouers en/of gemeenskapslede wat hulself beskikbaar kan stel as toesighouers tydens die NSS-eksamen. Dit vind vanjaar van 21 Oktober tot 27 November 2025 plaas.

Kwalifiserende kriteria/dokumente wat beskikbaar moet wees, sluit in:

1. Matrieksertifikaat

2. Sertifikaat van hoogste kwalifikasie

3. Bewys van inkomstebelastingnommer

4. Mag nie ouer as 65 en jonger as 21 wees nie

5. Mag geen familielid hê wat vir die 2025 NSS-eksamen geregistreer is nie.

Indien u kwalifiseer en belangstel, stuur asb. ’n e-pos aan winnie@bloemhofschool.co.za teen 2 Junie 2025.

Cuppa for CANSA – Gasvroue benodig

Op 9 Augustus bied Bloemhof ’n spesiale ma-en-dogtertee ten bate van CANSA aan. Ons benodig gasvroue vir dié geleentheid. Reik asb. na me. Venessa de Beer uit by venessa@bloemhofschool.co.za indien u by dié geleentheid betrokke wil raak.

Graad 10’s: Aansoeke vir 2026 se Europese toer nou oop!

Alle belangstellende graad 10-leerders kan tot en met 2 Junie 2025 aandui dat hulle in 2026 saam met die skool na Europa wil toer.

• Volledige inligting is via die graad 10-graadgroep op WhatsApp en op die d6 met graad 10-ouers gedeel.

• Gebruik die volgende skakel om by die aansoekvorm (op Google Forms) uit te kom: https://forms.gle/Yh4Rrj9g5DAdUgwQ8

• Rig asb. enige navrae aan me. Kruger by elana@bloemhofschool.co.za

Om in die Bloemhof Brokkies te adverteer, kontak asb. vir me. Dinie Basson by dinie@bloemhofschool.co.za. Meer inligting oor advertensiegeleenthede en kostes is HIER beskikbaar.

• Juf. Bosch se eerste Bloemhofverjaarsdag word gevier!

• Debat en redenaars: ons sprekers in die streeksfinale

• Mej. Feesjaar: Ontmoet die finaliste

Ons doen moeite om die Bloemhof Brokkies so akkuraat as moontlik te publiseer, maar rapporteer asb. foute, deel nuus of gee algemene terugvoer HIER. Die volgende uitgawe van die nuusbrief word vir die einde van kwartaal 2 beplan.

Help skryf! Die Bloemhof Brokkies het joernaliste, redigeerders en proeflesers nodig. Gesels gerus met dr. Revington (marietjie@bloemhofschool.co.za) in kamer 26 as jy betrokke wil raak.

Foto’s vertel stories. As jy hiermee saamstem, word deel van Klub Momentum (Bloemhof se fotografie-vereniging). Kontak vir Emeri Botes in graad 12 (voorstitter) of kom gesels met mnr. Meyer (kommunikasie@bloemhofschool.co.za) – sy kantoor is langs k. 32.

Wil jy by Bloemhof adverteer? Tree in verbinding met me. Dinie Basson (dinie@bloemhofschool.co.za).

Baie dankie aan hierdie uitgawe se medewerkers – almal wat gehelp skryf het, foto’s verskaf het en met die proefleeswerk gehelp het.

Redakteur en samesteller: mnr. Stephan Meyer – stuur gerus ’n e-pos aan kommunikasie@bloemhofschool.co.za om in verbinding te tree.

All Girls’ 2025: ’n fees der feeste

BLOEMHOFFERS HOU SKOOL SE NAAM BAIE HOOG

Stephan Meyer

Die Hoër Meisieskool Bloemhof was een van die 21 Suid-Afrikaanse openbare meisieskole wat tussen 27 en 30 April 2025 aan die nasionale All Girls-fees (AGF) deelgeneem het. Vanjaar is dié fees deur Wynberg Girls’ High School aangebied en die tema was “Embrace Your Brilliance” – beslis iets wat die Bloemhoffers gedoen het.

Hierdie sport- en kultuurfees vind sedert 2000 plaas en Bloemhof het in 2017 vir die eerste keer ’n hokkie- en netbalspan ingeskryf. Vanjaar was die eerste hokkie- en netbalspanne weer teenwoordig, saam met ’n All Girls-tennisspan, agt landloopatlete en ’n massa leerders wat aan kultuuraktiwiteite deelgeneem het. Alhoewel die skole mekaar die stryd aansê op die sportveld, is die kultuurkomponent ’n viering van vriendskap en vrouwees. Deelnemers woon werkswinkels by, ontmoet nuwe mense en leer by mekaar.

Vanjaar het ons skoolhoof, me. Maré Bosch, ook die fees bygewoon. “Dit is ’n wonderlike voorreg om skouers met 20 ander meisieskole te skuur,” verduidelik sy.

“Vir die personeel én vir die leerders is dit ’n geleentheid om te sien wat ander meisieskool van regoor die land bied en by hulle te leer. Ons ervaar dat almal verryk teruggekom het.” Dit is vir me. Bosch moeilik om ’n enkele hoogtepunt uit te sonder. “Die afsluitingseremonie… Ek was stomgeslaan deur die leerders se talent. Dis verstommend wat ’n mens kan regkry as almal inkoop… Hierdie is susterskap op ’n ander vlak.”

Hier volg ’n oorsig oor ons deelname aan dié opwindende fees.

Eerste Netbalspan is onoorwonne by AGF

Bloemhof se o.18A-netbalspan is op Woensdag 30 April as die wenners van die fees se netbaltoernooi aangewys nadat hulle Rhenish 30-25 geklop het. Gqeberha se Collegiate Girls’ High School het in die semi-finaal teen Bloemhof verloor, maar daarin geslaag om die HMS Paarl se o.18B-span te klop om derde te eindig.

“Ek was ook verlede jaar by All Girls in Bloemfontein en die atmosfeer was vanjaar weer ongelooflik,” sê Carmi Shaw (gr. 12). “Op die netbalbaan het ons ervaar dat die skole baie sterk kompetisie gebied het, maar ons het ook wonderlike vriendskappe met die ander spelers aangeknoop.”

Rozelle Buhr (gr. 12) is aangewys as Bloemhof se speler van die toernooi.

Die o.18A’s se volledige All Girls-netbaluitslae is soos volg:

• wen Westville GHS 50-8

• wen Rhenish 39-20

• wen Wynberg GHS 45-14

• wen Oranje Meisieskool o.18B 45-12

• wen Queenstown GHS 36-14

• wen Parktown GHS 26-12

• wen HMS La Rochelle 26-15

• wen Durban GHS 47-8

• wen GHS Potchefstroom 59-2

• wen Collegiate GHS 36-27 in die semi-finaal

• wen Rhenish GHS 30-25 in die finaal

Brons medaljes vir hokkie en tennis

Op die astro maak vanjaar se o.19A-hokkiespan geskiedenis: Hulle is die eerste span om Oranje se o.19A’s sedert 1999 te klop, al was dit in ’n valbylrondte nadat die twee spanne in die kwarteindrondte nie daarin kon slaag om enige doele aan te teken nie. Hulle is ook die eerste van Bloemhof se hokkiespanne om tot die semi-finaal van die AGF deur te dring.

In die semi-finaal word dié span deur Collegiate uitgeskakel en moes hulle op die laaste feesdag teen Affies vir ’n derde of vierde plek uitspeel. ’n Treffende doel deur Daniela Viljoen binne die wedstryd se eerste minute is egter genoeg om die brons medalje vir die span te verower.

Die o.19A se hokkie-uitslae by die AGF is soos volg:

• wen HMS La Rochelle 2-0

• wen Pretoria GHS 4-0

• wen Rustenberg GHS 1-0

• wen Oranje Meisieskool 0-0 (3-2 in die valbylrondte)

• verloor 1-2 teen Collegiate GHS in die semi-finaal

• wen Afrikaans HMS Pretoria 1-0 om derde te eindig

Bloemhof se tennisspan volg ’n soortgelyke roete om ook teen Affies vir ’n derde of vierde plek uit te speel.

In die eerste wedstryde wen hulle gemaklik vir Eunice GHS (18-0) en die HMS Paarl (15-3), maar val vas teen Oranje in die semi-finaal: Oranje wen drie van die enkelwedstryde (twee daarvan in super tiebreakers) en skakel die Bloemhoffers uit toe hulle een van die dubbelwedstryde wen.

In die laaste uitspeelwedstryd wen Bloemhof vir Affies 3-1 om die derde plek uit die 15 deelnemende skole te verower.

Landloopatlete is eerste en tweede

Behalwe vir verskeie werkswinkels (wat dieet en biomeganika ingesluit het) en ’n pretdraf op Milnerton se Sunset-strand, is twee landloopbyeenkomste by die AGF gehou. 16 skole het elk vier junior en vier senior atlete ingeskryf – Bloemhof se juniors en seniors het dus teen 60 ander atlete gekompeteer.

In die individuele wedloop van 4 km (Maandag 28 April) eindig al ons atlete onder die top 20.

Juniors

• Katerien Fourie (gr. 9) – 2 de

• Abigail Keuler (gr. 8) – 7 de

• Nicah Jacobs (gr. 9) – 10 de

• Gizè Strydom (gr. 9) – 11 de

Seniors

• Mila de Jager (gr. 10) – 5 de

• Mia Swanepoel (gr. 11) – 11 de

• Almi Geyser (gr. 10) – 16 de

• Johané van Blerk (gr. 12) – 18 de

Dinsdagoggend is ’n spankompetisie gehou waar atlete individueel gehardloop het, maar punte vir hul span aangeteken het. Bloemhof se juniors is eerste en die seniors tweede.

Ál Bloemhof se deelnemende sportdissiplines eindig dus onder die drie bestes – voorwaar ’n prestasie waarop ons trots kan wees.

All Girls Kultuur: ’n fees vir die sintuie

26 Bloemhoffers het vanjaar aan die kultuurbeen van die AGF deelgeneem – die meeste wat ons nog ingeskryf het. Leerders het gedans, geskryf, kuns geskep, musiek gemaak en selfs ’n fynproewersmaal voorberei.

Anders as met die sport het die kultuurdeelnemers dikwels in kleiner groepe saam met leerders van ander skole gewerk.

Kaylin Liebenberg (gr. 12) was een van die vier Bloemhoffers wat vir drama ingeskryf en aan ’n toneel uit die musiekblyspel Hairspray gewerk het. “Ek het na die All Girls Festival gegaan vir die drama, maar dit was die spontane lag, samesyn en warm herinneringe wat my siel aangeraak het,” sê sy.

Vir Elizabeth Burger (gr. 11) was All Girls ’n “onvergeetlike ervaring”. Sy was deel van die vocal ensemble – die sanggroepe wat op die laaste dag ’n massa-item gedoen het. “Ek het so baie nuwe mense ontmoet met wie ek vriendskappe aangeknoop het wat ek vir ewig sal koester.” Layla Viljoen (gr. 10) was die enigste Bloemhoffer om vir visuele kuns in te skryf, maar het vinnig nuwe maats gemaak. “As jy dink Bloemhof het susterskap, wag totdat jy All Girls beleef!” meen sy. “Dis ’n plek waar almal gelyk is en almal mekaar deurentyd ondersteun.”

’n Hoogtepunt op die fees was die afsluitingseremonie: Meer as ’n duisend mense het in en om ’n groot tent – Wynberg Girls’ High School se “festival hub” – byeengekom om te luister hoe die marimbaspelers optree. “Dit was ’n besonderse marimba-uitvoering wat nie nét musikaal uitdagend was nie, maar ook energieke choreografie bevat het. Die gehoor was omtrent verras!” sê me. Dinie Basson.

Die All Girls’ Festival word in 2026 deur ons buurskool, Rhenish, aangebied en sal in alle waarskynlik van Bloemhof se fasiliteite gebruik maak. Ons hoop dat dit aan meer Bloemhoffers die geleentheid sal biedom ook deel te wees van hierdie fenominale fees en te ervaar hoe spesiaal dit is.

Accelerando “beKoor” weereens

EN LYK SPOGGERIG IN NUWE KOORDRAG

Dinie Basson

Die 81 dogters van Bloemhof se Accelerando Koor het nie net pragtig gesing by beKoor nie, maar ook verruklik gelyk in hul splinternuwe maroen rompe . beKoor is ’n jaarlikse koorfees wat deur Paul Roos Gimnasium aangebied word. Die program was propvol koorsang van uitsonderlike gehalte.

Accelerando het die Lofsang van Maria (Renette Bouwer), Will the Circle be Unbroken (spiritual verwerk deur J. Moore) en Pakanen (Soila Sariola) gesing. Die dames het die aand terdeë geniet!

“Dit was 'n pragtige aand met ’n heerlike verskeidenheid kore van hoë gehalte,” sê me. Marijke Roos, Accelerando se dirigent.

Dankie aan ons broerskool vir nog ’n onvergeetlike aand op die jaarlikse koorprogram.

o.14’s daag op vir hokkieuitdaging in Paarl

7DE PLEK BY BELGOTEX SPORT GIRLS’ CHALLENGE

Stephan Meyer

Bloemhof se o.14A-hokkiespan het tussen 1 en 3 Mei aan die Belgotex Sport Girls’ Hockey Challenge in die Paarl deelgeneem waar hulle ’n sewende plek behaal het. Dié toernooi het by die HS Paarl Gimnasium plaasgevind en 16 skole was deel van die o.14-afdeling.

’n “Uitdaging” was dit beslis, want die Bloemhoffers het teen sterk hokkieskole, soos Herschel Girls’ School en Collegiate Girls’ High School, te staan gekom..

In die eerste wedstryd kry ons spelers swaar teen ’n sterk span van Herschel, teen wie hulle 0-2 verloor. Daarna volg ’n wegholoorwinning van 5-0 teen Somerset College. Alhoewel daar geen doele in die laaste groepswedstryd aangeteken word nie, voel dit soos ’n oorwinning teen Collegiate.

Ongelukkig word die Bloemhoffers die top 4-posisie ontneem toe Affies hulle in die kwarteindrondte 3-1 klop, en in ’n valbylrondte verloor ons 3-0 teen Paarl Gimnasium. Uiteindelik speel ons teen en wen die HMS La Rochelle 2-0 om sewende in die toernooi te eindig.

Takealot het ná elke wedstryd ’n speler van die wedstryd aangekondig, en dié eer val ons drie keer te beurt: Bella Grobbelaar (teen Somerset College), Emili Wessels (teen Collegiate) en Lila Pienaar (teen La Rochelle).

Milla nou onder top 600-juniors wêreldwyd

TWEE DUBBELSTITELS IN NAMIBIË

Stephan Meyer

Om in vier opeenvolgende finale te speel, is ’n bewys van haar vasberadenheid om altyd haar alles op die spel te plaas wanneer sy die baan betree. Só meen Milla Kotze (gr. 11) se pa, Morné, wat met reg trots is op sy dogter se uitslae by die afgelope J30 en J60 ITF-tennistoernooie in Windhoek, Namibië.

Milla het eers in die J30-toernooi gespeel waar sy tot in die finaal vorder en as naaswenner eindig. Sy en haar dubbelsmaat, Milan Swanepoel, lig die trofee toe hulle as die kampioene gekroon word.

Dieselfde gebeur in die J60-toernooi in die week daarna: Milla is weer naaswenner in die enkels en saam met Milan dubbelskampioen.

Na afloop van die twee toernooie verdien Milla ’n totaal van 124 ITF-punte uit 160 – genoeg om haar in die top 600 spelers op die junior wêreldranglys te lig.

Welgedaan, Milla!

Nuwe gesigte in die Sportkantoor

’N KORT GESELSIE MET ME. SMITH & ME. BUITENDAG

Rentia-Marié Meyer

Daar is vanjaar twee nuwe gesigte in Bloemhof se sportkantoor: Me. Tiana Buitendag sluit vir die jaar in ’n internskapposisie by ons aan, terwyl me. Jamie Smith as die sportbestuurder vir hokkie waarneem nadat me. Illse Davids ’n pos by St. Cyprians aanvaar het.

JAMIE SMITH

Tell us about your journey to Bloemhof. What did you do before this?

I went to Rhenish Girls High where I matriculated in 2019. I played hockey for their first team and represented the Boland. I went on to study BA Sport Science at Stellenbosch University and BSc Honours in Performance Sport. During my honours year I did my intern practical hours at Bloemhof where I worked under/with Ms Illse Davids and Ms Jenny King. During that year (2023) I assisted with coaching u19Ds, S&C and video analysis for the hockey teams. Last year I did a two-months internship and assisted with the u16 Fairtree Tournament and coached the u14Cs. I have also helped at Maties Hockey Sports Office with their admin, fixtures and tournaments from 2018. I've also been coaching at the Junior Academy for JK10, which has been hosted at Bloemhof for the past three years. I have also been doing video analysis for Maties Hockey since 2021 (I’ve been to four USSAs and 1 Varsity Sports Tournament with 1st teams) and I’ve done video analysis for the SA u21 Women (2023-present) and SA u17 Girls (2024).

When Ms Davids decided to make the move to St.Cyprians, she called me and asked if I would be interested in taking over for her. The rest is history.

Any advice that you’ve received that has become part of your life motto?

My favourite quote of all time is by Mark Twain: “It's not about the size of the dog in the fight that matters but the size of the fight in the dog.”

Growing up playing many sports and having a family very involved in hockey, I had to get a thick skin early on. My u13A KZN Inland coach actually gave me this advice when I started going through a tough time with people having negative opinions and comments: no one can make me feel inferior without my consent, especially in sport. You are in the driving seat of your life and no one else can determine or control your journey. So believe in yourself and keep pushing and striving for your dreams, because at the end of the day only you can get you to where you want to be.

What is your vision for Bloemhof Hockey in 2025?

I hope to create a fun, inclusive environment that can empower the girls to reach their full potential through sport. I want the girls to enjoy playing sports and being physically active as this contributes to their holistic wellbeing in a positive way. Through sport the girls can learn many other beneficial life lessons such as resilience, skills and how to create and maintain life-long relationships. The girls are people first and athletes second, and ensuring that the person behind the athlete is well-looked after is essential. The results mean nothing when you leave school after matric… but the friendships made, the fun memories and the love for being physically active will always remain. Creating an environment that fosters and stimulates these elements is very important to me.

TIANA BUITENDAG

Hoe het jou pad tot by Bloemhof geloop?

Ek het verlede jaar HonsBSc (Sportwetenskap) met ‘n fokus op prestasiesport (“performance sport”) aan Universiteit Stellenbosch studeer, waar ek as deel van die program my 260 praktiese ure by Bloemhof gedoen het. Toe die geleentheid van ‘n jaarlange internskap by Bloemhof oopmaak, het ek dit met beide hande aangegryp!

Wat behels jou internskap?

Noem my sommer ‘n allesdoener! Ek doen eintlik enigiets - van buslyste opstel, tot pamflette en programme op Canva skep, tot toernooi-reëlings uitwerk. Ek doen ook kwotasies en dan is ek weer me. King se assistent. Buiten daarvoor, is ek ook verantwoordelik vir die skool se worpe (m.a.w. gewigstoot, spiesgooi en diskus) . Later die jaar gaan ek ook die o. 16C-hokkiespan afrig. Ek is ook ‘n gesertifiseerde krag en kondisionering-afrigter.

Wat is jou eerste indrukke van Bloemhof sover?

Ek het dadelik agtergekom dat me. King en die sportkantoor baie mooi na mense en hulle interns kyk, en baie omgee. Hulle het ook baie konneksies en kontakte, wat tot geleenthede lei - ‘n mens moet dit net aangryp! Daar is elke pouse ook baie lekker koffie in die personeelkamer…

Wat is die beste stukkie raad wat iemand al vir jou gegee het, wat deel van jou lewensleuse geword het?

Jer 17:7-8 is ‘n groot waarheid in my lewe. Dit kom eintlik daarop neer dat as jy in Christus gewortel is, en jy jou identiteit in Hom vind, jy nooit iets hoef te vrees of angs hoef te beleef nie. Hy sal jou pad vir jou skoon en reg maak, jy moet net op Hom vertrou.

Ander sportuitslae van die afgelope twee weke:

Netbal

Netbal teen HS Parel Vallei (23 April 2025 by PV)

Bloemhof speel 26 wedstryde teen Parel Vallei. Hiervan wen ons 22 en verloor in vier.

• o.14A wen 26-14, o.14B verloor 5-9, o.14C wen 25-5, o.14D wen 26-7, o.14E wen 32-2, o.14F wen 22-6, o.14G wen 17-4, o.14H wen 9-5

• o.15A verloor 15-18, o.15B wen 19-11, o.15C wen 29-3, o.15D wen 29-10, o.15E wen 30-7, o.15F wen 26 - 7, o.15G wen 10-7, o.15H verloor 8-12

• o.16A wen 25-14, o.16B wen 32-15, o.16C wen 16-8, o.16 D wen 18-10

• o.17A wen 24-12, o.17 B wen 30-6, o.17 C wen 22-9

• o.18 A wen 35-12, o.18 B verloor 25-29, o.18 C wen 40-8

Netbal teen HTS Drostdy (7 Mei 2025 in Worcester)

Bloemhof speel ses wedstryde teen HTS Drostdy en wen vyf daarvan:

• o.14A wen 20-18, o.14B wen 14-11

• o.16A wen 32-13, o.16B wen 35-4

• o.19A wen 36-11, o.19B verloor 18-21

Hokkie

Hokkie teen Parel Vallei (23 en 25 April 2025; wedstryde word by beide skole gespeel)

Slegs die o.19A’s verloor hul wedstryd teen Parel Vallei.

• o.14A speel 1-1 gelykop, o.14B speel 1-1 gelykop, o.14C wen 3-0

• o.16A wen 2-0, o.16B wen 2-0, o.16C wen 4-0, o.16D wen 9-0, o.16E wen 3-0

• o.19A verloor 2-1, o.19B wen 5-1, o.19C wen 3-0, o.19D wen 5-0

Landloop

Skole-liga: Boland Landbou-byeenkoms (7 Mei 2025)

• Juniors:
  Gizé Strydom – 4de
  Nika van der Merwe – 18de

• Suniors:
  Olivia Schwartz – 2de
  Mieke Steenkamp – 4de
  Mia de Kock – 8ste
  Layla Viljoen – 11de

Atletiek

’n Aantal Bloemhoffers het aan die Suid-Afrikaanse Skole Atletiek (ASAS) se nasionale kampioenskappe in Bloemfontein deelgeneem. Twee leerders het met medaljes teruggekeer:

• Gizé Strydom (gr. 9) behaal ’n derde plek in die 1500m hindernis vir dogters o.15

• Jeannie Myburgh (gr. 11) wen ook ’n brons medalje in die paalspring vir dogters o.17

Swem

Bloemhof se swemkaptein, Jana Lombard (gr. 12) het as lid van die WP-span aan twee nasionale galas deelgeneem:

By die SA Senior Nasionale Kampioenskappe (9-13 April in Gqeberha) swem sy teen die sterkste vroue in die land en behaal dié uitslae:

• 100m-vryslag (58ste), 100m-rugslag (31ste), 50m-vryslag (48ste), 50m-rugslag (23ste) en 50m-vlinderslag (23ste).

• In die aflosse behaal sy en haar span ’n 7de plek (4x50m-vryslag) en ’n 8ste plek (4x100m-wisselslag).

Daarna neem sy ook aan die SA Junior Nasionale Kampioenskappe deel (25-29 April by UWK) waar sy die 100m-vryslag, 100m-rugslag en 50m-vlinderslag swem. In die
50m-vlinderslag behaal sy ’n uitstekende 5de plek; haar tyd was 29.34 teenoor die wenner se 28.21. Veels geluk met die uitslae, Jana!

Fietsry

Die Bloemhof-fietsryers is steeds in die eerste posisie in die kategorie Top Schools Girls.

Lara van der Vyver (gr. 9) het op 26 en 27 April aan die SA Bergfietskampioenskappe in Alberton, Johannesburg deelgeneem en twee 4de plekke in die XCC behaal. Die naweek daarna neem sy weer deel, hierdie keer op die plaas Bethelehem by Kylemore, waar sy ’n 1ste plek behaal.

Drie ander Bloemhoffers neem ook in Kylemore deel en behaal die volgende uitslae:

• Isabel Lutz eindig ook 1ste

• Elsje Carinus eindig 6de

• Klara du Plessis eindig 14de nadat sy van haar fiets afval

Innige meegevoel

Ons spreek ons innige meegevoel teenoor Marise Andrag (gr. 9) uit – haar pa is vroër hierdie week oorlede.

Cuppa for CANSA – Gasvroue benodig

Op 9 Augustus bied Bloemhof ’n spesiale ma-en-dogtertee ten bate van CANSA aan. Ons benodig gasvroue vir dié geleentheid. Reik asb. na me. Venessa de Beer uit by venessa@bloemhofschool.co.za indien u by dié geleentheid betrokke wil raak.

Graad 10’s: Aansoeke vir 2026 se Europese toer nou oop!

Alle belangstellende graad 10-leerders kan tot en met 2 Junie 2025 aandui dat hulle in 2026 saam met die skool na Europa wil toer.

• Volledige inligting is via die graad 10-graadgroep op WhatsApp en op die d6 met graad 10-ouers gedeel.

• Gebruik die volgende skakel om by die aansoekvorm (op Google Forms) uit te kom: https://forms.gle/Yh4Rrj9g5DAdUgwQ8

• Rig asb. enige navrae aan me. Kruger by elana@bloemhofschool.co.za

Civviedag: 23 Mei 2025

Die volgende Civviedag is 23 Mei en Bloemhof ondersteun twee organisasies: Reach for a Dream en Samaritan’s Feet SA.

Bloemhoffers kan netjiese gewone klere op 23 Mei dra indien hulle ’n donasie via die d6 maak, kontant by hul Phoenix-klasteenwoordiger inbetaal of items skenk. Veral Samaritan’s Feet SA kan by bruikbare pare skoene baat – bring dit gerus na die mediateek.

Om in die Bloemhof Brokkies te adverteer, kontak asb. vir me. Dinie Basson by dinie@bloemhofschool.co.za. Meer inligting oor advertensiegeleenthede en kostes is HIER beskikbaar.

• Graad 9’s toets hipoteses

• Bloemhoffers vertel van Amanda Coetzer-stryd

Ons doen moeite om die Bloemhof Brokkies so akkuraat as moontlik te publiseer, maar rapporteer asb. foute, deel nuus of gee algemene terugvoer HIER. Die volgende uitgawe van die nuusbrief word vir Vrydag 23 Mei beplan.

Help skryf! Die Bloemhof Brokkies het joernaliste, redigeerders en proeflesers nodig. Gesels gerus met dr. Revington (marietjie@bloemhofschool.co.za) in kamer 26 as jy betrokke wil raak.

Foto’s vertel stories. As jy hiermee saamstem, word deel van Klub Momentum (Bloemhof se fotografie-vereniging). Kontak vir Emeri Botes in graad 12 (voorstitter) of kom gesels met mnr. Meyer (kommunikasie@bloemhofschool.co.za) – sy kantoor is langs k. 32.

Wil jy by Bloemhof adverteer? Tree in verbinding met me. Dinie Basson (dinie@bloemhofschool.co.za).

Baie dankie aan hierdie uitgawe se medewerkers – almal wat gehelp skryf het, foto’s verskaf het en met die proefleeswerk gehelp het.

Redakteur en samesteller: mnr. Stephan Meyer – stuur gerus ’n e-pos aan kommunikasie@bloemhofschool.co.za om in verbinding te tree.

Dankbaarheid seëvier by Gospelaand

BLOEMHOF VIER PAASFEES MET MUSIEKVERTONING

Carla Bezuidenhout

Deel van ons skool se 150-jarige feesviering was ’n Gospel Paasfees Musiekvertoning, waartydens die kunstenaars Clint Brink, Rouchelle Liedemann, Janine Price, Mynhardt Kruger en Jeané Tait opgetree het. Met hierdie gemeenskapsbyeenkoms het ons saam die Paastyd ingegaan en ook God se guns oor Bloemhof en haar mense gevier.

Om aan te sluit by vanjaar se dankbaarheidstema in Bloemhof, was ons daardie aand veral dankbaar vir skole in ons gemeenskap wat spasies skep vir ouers en onderwysers om saam te werk om jong lewens te vorm; dankbaar vir jongmense wat Jesus soek, Hom vind en Hom volg; en dankbaar vir ’n skool waarin God teenwoordig is.

Baie dankie aan ons hoofborge: Rola Haval Stellenbosch, VIA, Afrikaans 100, Bloudruk Media, De Zalze Lodge en Prescient. Ons waardeer ook elke individu se finansiële bydrae en ons skoolgemeenskap wat die aand ondersteun het.

Die Klas van 2025 vier Daslas!

KREATIWITEIT GEVIER TYDENS PRETTIGE TRADISIE

Dinie Basson

Dis ’n tradisie waarna die matrieks jaarliks uitsien… Daslas, wat in 2017 deur die VRL ingestel is en sedertdien deur die matriekkomitee georganiseer word, bied aan die graad 12-leerders die geleentheid om hul ou, kort skooldassies te versier en dit dan in ’n vertoonkas te bêre.

Vanjaar se dasse was alles behalwe generies. Daar is selfs gewaag om te skryf: “All this to marry rich.”

Agter elke kwinkslag skuil ’n storie van groei, uithouvermoë en lewenslesse. Dis nie net ’n das nie – dis ’n mini-museum van drome, teleurstellings, oorwinnings en egte Bloemhof-gees.

Huis Bloemhof hou piekniek vir ma’s en dogters

’N KOSHUISPARTYTJIE SOOS MIN!

Joan le Roux

Die Ma-en-dogter Piekniek wat op Woensdagaand, 16 April 2025, plaasgevind het, was weereens ’n hoogtepunt op Huis Bloemhof se kalender. Dié geleentheid word jaarliks deur die HK van die koshuis gereël. Koshuisleerders kon hulle ma's (of enige ander vroulike familielid of rolmodel in hulle lewens) vir die geleentheid nooi.

Daar is heerlik saamgekuier terwyl Trevino as gaskunstenaar vir mooi agtergrondmusiek gesorg het. Pretoomblikke is by die Photobooth vasgevang en ma's kon ook ’n kykie in die koshuissusterskap kry – iets wat ’n integrale deel van Bloemhof se “huis-weg-van-die-huis” vorm.

Die koshuispersoneel wat so mooi as span na die leerders omsien, kon ook aan die ouers bekendgestel word en me. Maré Bosch, ons skoolhoof, het in haar toespraak beklemtoon hoe na koshuis haar aan die hart lê. As plaaskind in die Oos-Kaap was sy vanaf gr. 1 tot gr.12 in ’n skoolkoshuis en daarom het sy veral waardering vir die hegte bande wat koshuisleerders met mekaar smee. ’n Hoogtepunt was beslis die nagereg – smullekker roomys van Kristen's Kick Ass Ice Cream. Daar was ook gelukkige trekkings en, danksy wonderlike borge, is ’n hele paar dogters/ma’s met groot geskenke verras!

Volgens dié spesiale tradisie wat deur 2018 se koshuis hoofdogter, Christi Hurter, ingestel is, het die matriekma’s na die funksie by hul dogters in die koshuis oorgeslaap en die volgende oggend ook in die eetsaal kom aansit om ’n koshuisontbyt te beleef. Alhoewel sommige matriekma’s graag ’n bietjie outydse koshuiskattekwaad wou aanvang, het hulle dogters hulle mooi in toom gehou!

Mag hierdie spesiale tradisie nog vir baie jare voortgesit word.

Baie dankie aan die volgende borge wat tot die sukses van hierdie aand bygedra het: Esse Skincare, Stelkor Apteek, Paul Roos Kwikspar, Eerste Kafeeversameling, Isa Carstens, Nuudo Stellenbosch, Revel en Plato.

Eerste netbalspan aangekondig

ROLA VOLVO WEER BANKVAS AGTER DIÉ SPAN

Hanneke van der Merwe

Ná ’n aantal voorseisoentoernooie is tien spelers tot die Bloemhof o.18A-netbalspan verkies. Hulle het Donderdag 16 April hul spandrag ontvang en word vanjaar weer deur Rola Volvo geborg.

Mnr. Ryan Chapman van Volvo en me. Maré Bosch het die oorhandiging van rugsakke en geskenkpakkies gedoen om die dogters geluk te wens met hul insluiting in die span. Hulle is:

• Mariaan Bruwer (kaptein, gr. 12)

• Nell Basson (o/k, gr. 12)

• Carlin Keuzenkamp (o/k, gr. 12)

• Mila Bester (gr. 12)

• Rozelle Buhr (gr. 12)

• Simoné Dry (gr. 12)

• Lomé Gouws (gr. 12)

• Mima Pienaar (gr. 12)

• Carmi Shaw (gr. 12)

• Jenna von Zeuner (gr. 10)

Ons sê opreg dankie aan die ouers wat baie moeite gedoen het om die aand spesiaal te maak. Oasis het water geskenk en me. Marilou Marais-Ferreira het vir die spyseniering en wynskenkings gesorg.

Netbalspelers “doelgedrewe” vir 2025

VOORSEISOEN VOORSPEL SUKSES VIR ONS SPELERS

Stephan Meyer

2025 se netbalseisoen het met mening begin en ’n aantal voorseisoentoernooie het reeds plaasgevind. Voordat spanne gefinaliseer kon word, het die Bloemhofspelers die geleentheid gehad om in Pretoria en die Paarl hul vaardighede te slyp.

Menlopark Netbaltoernooi

Twee Bloemhofnetbalspanne – spelers uit die o.16 en o.18-ouderdomsgroepe – het met moeë bene en vol harte van die jaarlikse Menlopark Netbaltoernooi teruggekeer. Dié toernooi, wat vanaf 28 Maart tot 1 April in Pretoria plaasgevind het, bied aan ons netbalspelers die geleentheid om teen spanne kragte te meet wat hulle nie normaalweg op die baan sou ontmoet nie.

Bloemhof se sportbestuurder vir netbal, me. Zelda Botha, meen netbal leer die spelers lesse wat verder as die sport self gaan. “Dit vorm hoe ons uitdagings hanteer, met ander saamwerk, stres bestuur en aanhou om vorentoe te beweeg na ’n oorwinning of ’n nederlaag.” Sy sê die vaardighede wat in sport aangeleer word, kan tot persoonlike groei en beter besluitneming en sukses in die lewe lei. “Dit bied jou die gereedskap om alles wat oor jou pad kom, die hoof te bied.”

Die o.18’s het in sewe van hul nege wedstryde die meeste doele aangeteken. Die o.16’s speel tien wedstryde waarvan hulle sewe wen, twee verloor en in een gelykop speel.

o.18-uitslae:

• Verloor 12-26 teen HS Noordheuwel

• Wen HS Outeniqua 21-12

• Wen HS Monument 20-13

• Wen Northcliff High 28-9

• Wen HS Linden 21-8

• Verloor 18-26 teen HS Menlopark 18-26

• Wen HS Dr Malan (Alberton) 26-11

• Wen HS Duineveld 25-17

• Wen HS Edenvale 29-17

o.16-uitslae:

• Wen Grenville High 29-11

• Wen HS Diamantveld 25-13

• Wen Edenvale High 30-13

• Wen HS Duineveld 29-12

• Wen Rand Park High 26-4

• Speel 24-24 gelykop teen HS Monument

• Verloor 13-30 teen Helpmekaar College

• Wen HS Lydenburg 29-6

• Verloor 23-30 teen Potchefstroom Gimnasium

• Wen HS Menlopark 23-21

Paarl Gim Netbaltoernooi

Die o.14’s, o.15’s en o.17’s se A-netbalspanne het hul vakansie op die baan afgesluit toe hulle aan die Paarl Gimnasium Netbaltoernooi deelgeneem het. 20 wedstryde is gespeel en Bloemhofspanne wen 14 hiervan.

o.14-uitslae:

• Wen HS Upington 20-11

• Wen Fairmont High 21-8

• Wen HS Bellville 31-9

• Wen HS Montana 23-11

• Verloor 13-26 teen HS Paarl Gimnasium

• Wen HMS La Rochelle se B-span 28-12

• Wen HSRobertson 35-6

• Verloor 19-23 teen HS Dinamika

o.15-uitslae:

• Wen HS Durbanville (2) 23-11

• Verloor 18-25 teen HS Paarl Gimnasium

• Verloor 17-13 teen HS Parel Vallei

• Wen HS Montana 24-10

• Verloor 14-18 teen HS Dr Malan 14-18

• Wen HS Brandwag 32-5

o.17-uitslae:

• Wen HS Durbanville (2) 34-8

• Wen HS Parel Vallei 17-12

• Wen Paulus Joubert Secondary 38-8

• Verloor 14-18 teen HS Paarl Gimnasium

• Wen HS Melkbos 33-4

• Wen HS Montana 18-14

Eerste Span wen brons by La Rochelle Rhodes

Ná hul deelname aan die Menlo Netbaltoernooi het die o.18A-netbalspan aan die La Rochelle Rhodes Netbaltoernooi deelgeneem en Bloemhof se naam baie hoog gehou: Hulle het ’n derde plek ingepalm!

Drie van ons spelers – kaptein Mariaan Bruwer, verdedigende speler Carmi Shaw en onderkaptein Nell Basson (almal in graad 12) is uitgenooi om deel van ’n toerspan te vorm wat in Dubai kan gaan deelneem. Dit vorm deel van ’n inisiatief deur Travel en Sport, een van die toernooi se borge. Nell is ook aangewys as een van die toernooi se “All Star”-spanlede.

Podiumplekke vir hokkiespanne

1STE, 2DE PLEKKE VIR SPANNE WAT IN VAKANSIE MEEDING

Stephan Meyer

Die afgelope vakansie het Bloemhof se o.16A, o.16B en o.19A-hokkiespanne aan toernooie deelgeneem en puik presteer.

Bloemhof kraai koning by Fairtree o.16-hokkietoernooi

Tydens die herfsvakansie was Bloemhof weer die gasvrou vir die Fairtree o.16-hokkietoernooi. Beide die o.16A- en die o.16B-spanne is as die wenners in hul onderskeie groepe aangewys – ’n besonderse prestasie!

Die o.16A’s speel in die finaal teen Paarl Gimnasium, maar toe die eindfluitjie blaas sonder dat enige doele aangeteken is, word die wenners tydens ’n valbylrondte beslis: Bloemhof wen 5-4.

In die B-afdeling het die o.16B’s teen ses van die tien spanne kragte gemeet om uiteindelik die rondomtalie-kompetisie te wen. Hulle uitslae is soos volg:

• wen Affies 1-0

• speel 0-0 gelykop teen DSG Makhanda

• wen Outeniqua 4-0

• speel 0-0 gelykop teen Rhenish

• wen HTS Drosty 1-0

• wen Hugenote 1-0

Klub Momemtum se fotograwe was langs die veld – baie dankie aan Talja Nel, Emeri Botes, Layla Viljoen en Marlene du Toit!

Bloemhof haal finaal by St. Mary’s hokkietoernooi

Die St Mary’s o.19A-hokkietoernooi, wat deur St Mary’s DSG, Waverley in Johannesburg aangebied word, is nie ’n klein toernooi nie. 32 van die land se beste hokkiespanne kom byeen om kragte te meet, maar ook vriendskappe te vier en – in alle eerlikheid – te sien hoe swaar die seisoen se kompetisie weeg.

Vanjaar se toernooi was vir Bloemhof ’n geskiedkundige een: Die o.19A’s kon dit regkry om hul plek in die finaal van dié gesogte toernooi te bevestig. Alhoewel hulle hier net-net teen St Mary’s DSG, Kloof (Durban) verloor, bly dit ’n groot prestasie!

Boonop is Bloemhof se doelwagter, Emeri Botes (gr. 12), as die doelwagter van die toernooi aangewys.

Die Eerste Span verloor slegs één van hul twaalf wedstryde:

• wen Roedean 5-0 Roedean

• wen St John’s DSG 1-0

• wen Garsfontein 1-0

• wen St Andrews 3-1

• wen Affies 1-0

• wen Pietermaritzburg GHS 3-0

• speel 0-0 gelykop teen Eunice

• speel 0-0 gelykop teen St Mary’s, Waverley

• speel 1-1 gelykop teen St Mary's, Kloof

• wen Menlopakr 2-0 in die kwarteindstryd

• speel 0-0 teen Rhenish gelykop, maar wen die semi-finaal se valbylrondte 3-1

• verloor 0-1 teen St Mary’s, Kloof in die finaal